KOLOSE 3:12 - Jinghpaw Hanson Version Bible

¹² Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

Jinghpaw Common Language Bible 2009

¹² Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

KOLOSE 3:12 ပူးပေါင်းရင်းမြစ်များ

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 45:4

Nye shangun ma Yaku hte, ngai lata la ai Israela a matu mara, ngai na a amying hpe shaga nngai: nang ngai hpe n chye timung, ngai nan nang hpe amying ningnan kahtap jaw de ai.

ESAIA 63:15

Sumsing lamu de nna gum yu u; na a dan hkung ai hte chyoi pra ai shanu shara nna mada yu u: na a nja nhpra myit hte, daru magam re ai amu ni, kanang rai nga a ta? na a kraw lawang na chyeju myit hte, matsan dum ai myit, nang ngai hte shatsan kau nit dai.

ESAIA 65:22

Shanhte nta galaw nna, masha kaga rawng na, n rai; shanhte tsabyi sun hkai nna, masha kaga sha lu na, n rai; nye a amyu masha ni a asak gaw, hpun a asak zawn rai wa nna, ngai lata la ai amyu gaw, tinang lata amu a akyu, na na wa hkam la na mara ai.

ESAIA 65:9

Ngai gaw Yaku a dap hta na nli, Yuda a dap hta na, nye a bum ni hpe sali hkam la ai wa hpe, shapraw na nngai; ngai lata la ai wa, dai hpe madu lu nna, nye a shangun ma ni dai hta e shanu nga na mara ai.

YEREMIA 31:20

Ehprim gaw ngai tsawra ai kasha, n rai ni? grai tsawra ai ma, n rai ni? shi hpe daru shagu grai wa naw dum nga nngai; dai re ai majaw, ngai shi a matu myit ndawt nga nngai; gaja wa ngai shi hpe matsan dum na nngai, nga nna Yehowa tsun ai.

YEREMIA 31:3

Yehowa gaw tsan tsan de na ngai kaw dan pru nna, Gaja wa, htani htana tsawra ai hte ngai nang hpe tsawra de ai; dai re ai majaw n-gaw nwai myit hte, ngai nang hpe dun la ni ai.

EZEKELA 16:8

Ya dai hku ngai lai nna, nang hpe mada yu yang, yu u, nang hkawn ram prat du ai majaw, ngai gaw nye a palawng galu hpyan nna, na a singgu krin hpe magap nngai; shaloi ngai na a matu dagam nna, ga shaka tawn da ai hte, nang nye a num tai ndai,” nga nna Madu Yehowa tsun ai.

MAHTE 24:22

Dai nhtoi ni hpe n shagying kau yang gaw, gade a hkum shan mung n lawt lu na ra ai; rai timung, lata la ai ni a matu mara, dai nhtoi ni gaw gying wa na ra ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

MARKU 13:20

Dai nhtoi ni hpe, dai Madu n shagying kau yang gaw, gade a hkum shan mung, n lawt lu na ra ai; rai timung, shi lata la nu ai lata la ai ni a matu mara, dai nhtoi ni hpe shagying da nu ai.

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

MARKU 13:27

Dai shaloi e, lamu kasa ni hpe shi shangun dat nna, nbung mali maga na, aga htum ai de nna lamu htum ai kaw du hkra, shi a lata la ai ni hpe jahpawng la na maru ai.

LUKA 1:78

Shi a amyu hpe hkye hkrang la ai lam chye lu shangun na matu mung, Nsin, hte si ai shingnip kata e dung nga ai ni hpe htoi ya nna,

LUKA 18:7

Karai Kasang gaw matsan dum lama nga ai rai nna, shi hpe shani shana hpyi jahtau nga ai, shi a lata la ai ni a hpang maga de, tara n dara ya ai, nga na wu ni?

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

ROMA 9:11

Karai Kasang shakyet da nhtawm, lata la ai lam gaw, magam bungli hte n re ai sha, shaga la ai wa a majaw she grin wa u ga, kasha yan garai n shangai ai rai nna, kaja ai hte n kaja ai hpa garai n galaw ti pyi,

1 KORINHTU 13:4

Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;

2 KORINHTU 6:6

san pra ai hta, chye chyang ai hta, myit galu kaba ai hta, mai kaja ai hta, Chyoi pra ai Wenyi hta, n sawt ai tsawra ai myit hta,

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

EHPESU 1:4

anhte gaw tsawra ai myit hte, shi a man e chyoi pra ai ni hte mara n rawng ai ni tai wa u ga, ginding aga garai n lat yang nna, shi anhte hpe Hkristu hta e lata la ma ni ai.

EHPESU 4:2

Lam shagu hta myit nem ai hte lam shagu hta myit gyip nna, myit galu kaba ai hte, a hkawm nga mu:

EHPESU 4:24

tengman ai hte seng ai dinghpring ai hte chyoi pra re ai Karai Kasang hpan tawn da ai gawng shing-yan ningnan hpe dagraw lu myit ga, nanhte sharin achyin hkam la manit dai, rai nga ai.

EHPESU 4:32

Nanhte shada da mai kaja ai, matsan dum ai myit madun hkat nna, Karai Kasang gaw Hkristu hta e nanhte a mara raw dat kau ya manit dai hte maren, nanhte mung shada da a mara raw dat kau nga mu.

HPILIPI 1:8

Kaning rai nme law, Hkristu Yesu a n-gaw nwai ai hta ngai nanhte nlang hte hpe gade wa nra la nga nngai gaw, Karai Kasang nye a sakse rai nga ai.

KOLOSE 3:10

hpan tawn da ai wa a hkrang bung sumla hte maren rai nga ai chye chyang ai lam hta ningnan tai wa ai gawng shing-yan ningnan hpe nanhte dagraw nga myit dai:

1 HTESALONI 5:15

kadai hpe mung n kaja ai a jaw e n kaja ai hku bai n tai myit ga, sadi sahka nga mu; nanhte shada da hta mung, masha mahkra matu mara mung, tutnawng e mai kaja ai lam hpe hkan shachyut nga mu, ngu nna anhte nanhte hpe shadut jahkat made ai.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.

TITU 1:1

Karai Kasang a lata la ai ni a makam masham hte, tara hkungga lam hte seng ai, tengman ai ga a chye chyang ai hku hte maren, htani htana asak lu la na myit mada shara chye lu hkra,

1 PETRU 1:2

Puntu, Galati, Kapadoki, Asi hte Behtuni mung hkan e bra mat ai ni hte rau, lata la ai shingbyi nga ai ni hpe, ga shana dat nngai: chyeju hte ngwipyaw ai gaw nanhte hta law htam wa malit ga law.

2 PETRU 1:10

Dai re ai majaw hpunau ni e, nanhte hpe shaga da ai hte lata la ai chyeju hpe shangang shakang rai lu u ga, larau ladau rai nga mu: dai hku galaw nga myit yang gaw, nanhte galoi mung kataw katan rai wa na myit dai n rai:

1 YAWHAN 4:19

Shi gaw shawng nnan e anhte hpe tsawra mi ai majaw, anhte mung, tsawra nga ga ai.

2 YAWHAN 1:13

Na a lata la ai, ning na a kashu kasha ni gaw, nang hpe shakram dat ma ai law.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.