KOLOSE 3:11 - Jinghpaw Hanson Version Bible

¹¹ dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.

Jinghpaw Common Language Bible 2009

¹¹ De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

KOLOSE 3:11 ပူးပေါင်းရင်းမြစ်များ

SHAKAWN KUNGDAWN 117:2

Kaning rai nme law, shi a chyeju, Anhte a ntsa e kaba la nga ai rai nna, Yehowa a sadi sahka htani htana anga nga ai. Halelu-Yah.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

YEREMIA 16:19

Nye a n-gun atsam, nye a hpyen dap, ru tsang ai shani e nye a shingbyi shara Yehowa e, lamu ga htum ai de na masha amyu ni nang hpang de du nna, Anhte a ji wa ni gaw, masu ai hte kaman lila, lam n la ai sali wunli hkrai hkam la masai, nga nna tsun na mara ai.

EZEKELA 47:22

Nanhte mung, nanhte hta shingbyi nga nna, nanhte hte rau htinggaw rawn ai tsasam masha ni mung, dai mungdan hta sali wunli lu la hkra, nanhte gaw hpaida da ai hte, dai hpe karan la na myit dai; tsasam masha ni gaw, dai mungdan hta shangai wa ai Israela kashu kasha majing zawn, rai na mara ai: shanhte gaw Israela amyu masha ni hte rau, sali wunli hkam la na mara ai.

HOSEA 2:23

Dai aten e ngai madat na nngai: sumsing lamu a ga hpe ngai madat nna, dai hte gaw lamu ga hpe madat na mara ai;

AMO LAIKA (AMOS) 9:12

daw mat ai Dawi a sum hpe, dai shani e ngai sharawt nna, de a waw malawng ai hpe pat kau na nngai; de a marawng marang ni hpe ngai bai sharawt nna, moi chyaloi nhkoi na zawn de da na nngai, nga nna dai amu shabyin ai Yehowa tsun nga ai.

MIHKA 4:2

Maigan amyu law law wa, Sa marit, Yehowa a bum, Yaku a Karai Kasang a Nta de lung wa saga: shi gaw shi a lam anhte hpe sharin ya nna, anhte gaw shi a lam hku hkan sa na ra ga ai, nga nna hkawm let tsun shajang na mara ai. Kaning rai nme law, Ziun bum na jep ai tara, Yerusalem mare na Yehowa a mungga, pru na ra ai:

ZEHKARIA 2:11

“Dai shani e, maigan amyu ni law law wa, Yehowa hte matut manoi nna, nye a amyu tai na mara ai: ngai gaw na a ka-ang e shanu nga nna, Zaw nawng zaw wa up ai Yehowa gaw, ngai hpe nang hpang de shangun dat ai, nang chye lu na ndai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

YAWHAN 14:23

Yesu gaw, “Ngai e tsawra ai wa rai yang gaw, nye ga matsun hkan shatup na ra ai: nye Wa mung dai wa hpe tsawra na wu ai rai nna, an lahkawng gaw dai wa kaw sa nna shi hte rau hpawng de nga na ga ai.

YAWHAN 15:5

“Ngai gaw tsabyi ru madung rai nga nngai, nanhte gaw lakung lakying ni rai nga myit dai: ngai hta noi nga nna, ngai mung dai wa hta noi nga ai rai yang gaw, dai wa gaw asi law law si wa lu ai: kaning rai nme law, ngai hte hka jang, nanhte hpa mung n galaw lu myit dai.

YAWHAN 17:23

nang ngai hpe shangun dat ndai hte nang ngai hpe tsawra ndai zawn, shanhte hpe mung tsawra nga ndai gaw, mungkan masha ni chye lu na matu mung, nang ngai e jaw ai hpung shingkang hpe, ngai shanhte hpe jaw da mase ai.

KASA 15:17

Shaloi she, hti nga ai masha ni hte, Nye amying hta shamying la ai maigan amyu danghta, ngai Madu hpe tam lu na mara ai,’ nga nna,

KASA 28:2

Dai yang na karing karang masha ni anhte hpe grai wa matsan dum nna, marang a htu nga ai hte kashung ai majaw, wan wut nna, anhte nlang hte hpe hkap hkalum la mi ai.

KASA 28:4

Shing rai, Pawlu a lata pu htum noi goi lang nga ai hpe, dai karing karang masha ni mu ma yang, shanhte gaw, “Gaja nan, ndai wa gaw masha sat ai wa teng sam ai; hka na lawt lu timung, shi hkrung nga na hpe, Shingra tara e n hkraw wu hka,” nga nna shada tsun shajang ma ai.

ROMA 1:14

Heleni amyu ni, karing karang amyu ni, hpaji rawng ai ni, hpaji n rawng ai ni hte, hka kap ai wa ngai rai nga nngai,

ROMA 10:12

Kaning rai nme law, Yuda ni hte Heleni masha ni hpe lachyen lahka n nga ai sha, dai Madu gaw yawng mayawng a ntsa na Madu langai sha rai nga ai rai nna, shi hpe shaga ai ni yawng mayawng hte hta chyeju hpring nga ai.

ROMA 3:22

dai gaw Yesu Hkristu hta kamsham ai a majaw, kamsham ai ni nlang hte a matu mara Karai Kasang a dinghpring lu ai lam rai nga ai: lachyen lahka chyawm gaw hpa mung n nga lu ai.

ROMA 3:29

Dai n rai yang gaw, Karai Kasang gaw Yuda ni a Karai Kasang sha rai nga a ni? maigan ni a Karai Kasang mung shi rai nga ai, n rai ni?

1 KORINHTU 12:13

Kaning rai nme law anhte yawng mayawng, Yuda ni hte Heleni ni rai timung, mayam ni hte shanglawt ni rai timung, hkumhkrang langai sha tai na matu, Wenyi langai sha hta e baptisma hkam saga ai rai nna, nlang hte gaw Wenyi langai hta sha jawm dagrawng saga ai.

1 KORINHTU 14:11

Dai re ai majaw dai nsen a lachyum ngai n chye na yang gaw, ga tsun ai wa a man e zai ai masha zawn ngai tai nga nna, nye a man e mung, ga tsun ai wa gaw zai ai masha tai nga ai.

1 KORINHTU 7:19

Matu gadoi hkam ai gaw, hpa n rai nga ai; matu gadoi n hkam ai mung, hpa n rai nga ai: Karai Kasang a htet da ai lam hkan nang na chyu sha, akyu rai nga ai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

EHPESU 1:23

dai Hpung gaw, yawng mayawng hpe jahpring shatsup lu ai wa a hkum tsup ngu ai Hkristu a hkumhkrang rai nga ai.

EHPESU 2:14

Kaning rai nme law, shi gaw anhte a ngwipyaw ai lam rai nga ai; shi gaw, dai lahkawng rai nga ai hpe langai sha shatai let, lapran e din nga ai madin hpe sharun kau nu ai;

EHPESU 2:15

dai n dawng n yawt lam ngu ai matsun maroi ga hta rawng nga nna, htet da ai ga hte seng ai jep ai tara hpe, shi a hkum shan hta e shi htawm kau nu ai; shing rai, dai amyu lahkawng gaw shi hta e masha ningnan langai sha hpan tawn da u ga, shi gaw ngwipyaw ai lam shatai wu ai:

EHPESU 3:17

Hkristu gaw nanhte a kraw lawang e makam masham hte shanu nga lu u ga, shi a n taw n tsang ai hpung shingkang hte maren, nanhte hpe chyeju gam jaw na hte,

EHPESU 3:6

ndai aprat e shi a chyoi pra ai kasa ni hte myihtoi ni kaw Wenyi e shadan dan ai hte maren, moi shawng na aprat ni hta e shinggyim masha ni kaw n shana ya mu ai, rai nga ai.

EHPESU 6:8

Mayam rai timung, shanglawt rai timung, mai kaja ai bungli hpa rai timung galaw a yang gaw, dai Madu gaw, langai hte langai hte hpe jaw htang na ru ai, chye nga mu.

KOLOSE 2:10

Shi hta e mung nanhte hkum tsup nga myit dai; shi gaw du aya lu ai hte ahkang aya lu ai ni yawng mayawng a baw rai nga ai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.

2 YAWHAN 1:9

Hkristu a sharin shaga ai lam hpe tawt lai ai hte n hkan nang ai wa kadai rai timung, Karai Kasang hte n seng nga ai; dai sharin shaga ai lam hta e a hkan nga ai wa chyawm gaw, Kawa yan Kasha hte seng nga ai.