KOLOSE 3:1 - Jinghpaw Hanson Version Bible

¹ Dai rai nna, nanhte Hkristu hte rau bai rawt nga ai teng myit yang gaw, Hkristu gaw Karai Kasang a hkra maga e dung nga ai shara na ntsa arai ni hpe a tam nga mu.

Jinghpaw Common Language Bible 2009

¹ Nanhte gaw Hkristu hte rau hkrung sharawt la ai hkrum manit dai rai nna, Karai Kasang a hkra maga e dung ningngai nga ai Hkristu nga ai sumsing lamu na arai ni hpe ra marit nga mu.

KOLOSE 3:1 ပူးပေါင်းရင်းမြစ်များ

SHAKAWN KUNGDAWN 110:1

Yehowa nye a madu hpe tsun wu ai gaw, “Na a gumlau ni hpe, na a lagaw kabye ai lahkum ngai shatai ai du hkra, Nye a hkra maga e naw adung nga u,” nga ai.

SHAKAWN KUNGDAWN 16:11

Nang ngai hpe asak hkrung ai lam madun ya na ndai; Na a man e kabu gara htum nga ai: Na a hkra lata hta pyaw ai lam tut tut anga nga ai law.

GA SHAGAWP 15:24

Le lawu katsan ga lam koi kau lu hkra, Hpaji rawng ai wa a asak lam gaw, matsaw ntsang de ang wa ai.

HPAJI NINGLI 10:2

Hpaji rawng ai wa a myit masin gaw shi a hkra lata e rai nga ai; angawk ai wa a myit masin chyawm gaw shi a pai lata e rai nga ai.

MAHTE 22:44

Kaning rai nme law, shi gaw, Dai Madu nye a Madu hpe tsun wu ai gaw: Na a gumlau ni hpe, na a lagaw npu e ngai tawn da ai du hkra, Nye a hkra maga de naw adung nga u,” nga nna tsun nga ai.

MAHTE 26:64

Yesu gaw, “Nang tsun ai hte maren rai nga ai: dai hta n-ga ngai nanhte hpe tsun made ga, Dai Masha Kasha gaw, Daru Magam a hkra maga e dung nga nna lamu na sumwi ni hta sa du ai hpe nanhte mu na marin dai,” ngu nna shi hpe tsun wu ai.

MAHTE 6:20

Manut hte nhkan n sha jahten lu nna, lagu lagut ni mung n tawk htu lu ai hte n lagu la lu ai, sumsing lamu hta e, nanhte a matu sutgan hpe mahkawng da mu:

MAHTE 6:33

Nanhte chyawm gaw, shi a mungdan hte shi a dinghpring ai lam hpe shawng tam nga mu; shaloi dai nlang nanhte hpe kahtap jaw na marin dai.

MARKU 12:36

Dawi shi hkum dai, Chyoi pra ai Wenyi hta, Dai Madu nye a madu hpe tsun wu ai gaw: “Na a gumlau ni hpe, na a lagaw npu e ngai tawn da ai du hkra, Nye a hkra maga de naw adung nga u,” nga nna tsun nga ai.

MARKU 14:62

Yesu gaw, “Ngai rai nga nngai; dai hta kaga, Masha Kasha gaw hpung shingkang a hkra maga e dung nga nna, lamu na sumwi ni hte sa du ai hpe, nanhte mu na marin dai,” ngu wu ai.

MARKU 16:19

Shing rai, dai Madu Yesu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

LUKA 12:33

Nanhte lu ai arai dut kau nna alu jaw mu; tinang a matu dingsa n chye ai gumhpraw jan galaw nna, lagut mung n du, manut e mung n sha lu ai, sumsing lamu e n htum n ma chye ai sutgan, kyem da mu.

LUKA 20:42

Kaning rai nme law, Dawi shi nan, ‘Dai Madu nye a madu hpe tsun wu ai gaw,

LUKA 22:69

Rai timung Masha Kasha gaw, ya kaw nna Karai Kasang a hpung shingkang a hkra maga de dung nga lu na ra ai,” ngu nna shanhte hpe tsun mu ai.

KASA 2:34

Kaning rai nme law, Dawi gaw sumsing lamu de lung wa sai n rai: shi nan she ning nga ai, ‘Shi Madu nye a Madu hpe tsun wu ai gaw,

KASA 7:55

Shi chyawm gaw Chyoi pra ai Wenyi hpring nna, lamu de azi yu wu yang, Karai Kasang a hpung shingkang hte Karai Kasang a hkra maga de Yesu tsap nga ai hpe, mu wu ai rai nna,

ROMA 8:34

Dawdan lu ai wa gaw, kadai wa mi rai nga a ta? Si hkam nna, rai sa, si hkam ai hta n-ga, si mat ai ni kaw na hkrung sharawt la ai hkrum nhtawm, Karai Kasang a hkra lata e rai nga let, anhte a matu mara hpyi htinglu ya ai wa, Hkristu Yesu nan rai nga ai.

ROMA 8:6

Hkum shan myit gaw si mat ai lam rai nga ai; Wenyi a myit chyawm gaw, hkrung ai lam hte ngwipyaw ai lam rai nga ai.

2 KORINHTU 4:18

ya e sha hkrum ai atsang sha rai nga ai tsin-yam tsindam gaw, nachying kaba li la ai htani htana hpung shingkang hpe anhte a matu mara a shachyen nga ai.

EHPESU 4:10

Yawng mayawng hpe jahpring shatsup na matu, yu hkrat wa ai wa gaw, sumsing lamu nlang hte a ntsa de lai lung wa ai wa nan, rai nga ai.

EHPESU 5:22

Numsha ni e, dai Madu hpe daw nga ai zawn, tinang madu wa a hkang ai hku hkan nga mu:

KOLOSE 2:20

Ya, Hkristu hte rau mungkan ga na hkang ai tara hta nna nanhte si mat teng nga myit yang gaw, masha a htet da ai ga hte sharin shaga ai ga hte maren,

KOLOSE 3:2

Ga ntsa arai ni hpe myit hkum manoi myit; ntsa na arai ni hpe myit manoi nga mu.

HEBRE 1:13

Dai hta kaga, “Na a gumlau ni hpe na a lagaw na Kabye lahkum ngai shatai ai du hkra, Nye a hkra maga de naw adung nga u,” nga nna, gara lamu kasa a lam galoi me tsun yu a ta?

HEBRE 1:3

shi gaw Karai Kasang a hpung shingkang a ningchya hte, shi a gawng shing-yan a hkrang sumla rai nga ai rai nna, shi a mungga atsam hte yawng mayawng hte hpe bau sin da ai: yubak mara hpe jasan jaseng kau ngut jang, matsaw ningtsang na daru magam a hkra maga de shi dung nga ai rai nna,

HEBRE 10:12

shi chyawm gaw yubak mara raw kau ya ai hkungga langai sha hpe, prat dingsa na matu nawng ya ngut jang, Karai Kasang a hkra maga de dung nga sai rai nna,

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

HEBRE 8:1

Ya, anhte tsun dan ai lam ni a ga madung chyawm gaw, da ndai rai nga ai: Shing re ai hkinjawng agyi wa gaw anhte lu ga ai; shi gaw sumsing lamu na daru magam a tingnyang hkra maga de, wa dung nga nna,

1 PETRU 3:22

Yesu Hkristu mahtang gaw, sumsing lamu de lung shang mat wa nhtawm, Karai Kasang a hkra maga de anga nga ai rai nna, lamu kasa ni, ahkang aya lu ai ni hte, hpung shingkang rawng ai ni gaw, shi a npu e a daw nga ma ai.