KOLOSE 2:6 - Jinghpaw Hanson Version Bible

⁶ Dai re ai majaw, nanhte gaw Madu Hkristu Yesu hpe hkap hkalum la ai hte maren, shi hta e a hkawm nga mu:

Jinghpaw Common Language Bible 2009

⁶ Nanhte gaw Hkristu Yesu hpe Madu ngu nna hkap la manit dai hte maren, shi hta e asak hkrung hkawm sa nga mu.

KOLOSE 2:6 ပူးပေါင်းရင်းမြစ်များ

ESAIA 2:5

Yaku a dap ni e, sa marit; Yehowa a nhtoi hta hkan hkawm sa ga.

MIHKA 4:2

Maigan amyu law law wa, Sa marit, Yehowa a bum, Yaku a Karai Kasang a Nta de lung wa saga: shi gaw shi a lam anhte hpe sharin ya nna, anhte gaw shi a lam hku hkan sa na ra ga ai, nga nna hkawm let tsun shajang na mara ai. Kaning rai nme law, Ziun bum na jep ai tara, Yerusalem mare na Yehowa a mungga, pru na ra ai:

MAHTE 10:40

Nanhte hpe hkap hkalum la ai wa gaw, ngai hpe mung hkap hkalum la ai; ngai hpe hkap hkalum la ai wa mung, ngai hpe shangun dat ai wa hpe hkap hkalum la ai rai nga ai.

YAWHAN 13:20

Ngai nanhte hpe gaja wa teng teng tsun made ai gaw, Ngai shangun dat ai wa e hkap la ai wa gaw, ngai hpe hkap la ai, rai nga ai: ngai e hkap la ai wa mung, ngai hpe shangun dat ai wa e hkap la ai, rai nga ai,” ngu nna shanhte hpe tsun wu ai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

2 KORINHTU 5:7

myi hte mu lu ai n re ai sha, makam masham a marang e anhte hkawm nga ga ai;

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

EHPESU 4:1

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

KOLOSE 3:17

Nanhte hpa lam galaw myit yang, mung sumtu hta rai timung, magan bungli hta rai timung, Madu Yesu a amying nsang hpe gang let, yawng mayawng hte hpe a galaw nga nna, shi a marang e Kawa Karai Kasang hpe shakawn kungdawn nga mu.

1 HTESALONI 4:1

Bai lam mi gaw, hpunau ni e, nanhte gaw Karai Kasang a man e kaning rai hkawm lu nna shi ra ai hku shadik lu na, anhte kaw na nanhte hkam la ai hte nanhte hkawm yu myit dai hte maren, dai hta e grau nna law htam wa myit ga, Madu Yesu hta anhte nanhte hpe hpyi nem nna shadut jahkat dat ga ai.

HEBRE 3:14

kaning rai nme law, anhte a myit maju jung ai a npawt nhpang hta, jahtum nhtoi du hkra ngang ngang manat nga ga yang gaw, Hkristu hte jawm hpawng ai ni anhte rai nga ga ai.

1 YAWHAN 2:6

Shi hta de nga nngai, nga nna tsun ai wa gaw, shi rai nga ai hte maren, dai wa mung rai nga u ga.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.

YUDA 1:3

Tsawra ai ni e, anhte guji gumyu a hkye hkrang la ai lam, nanhte hpe ka da na, ngai shaja nga nngai shaloi e, chyoi pra ai ni kaw lang lata sha ap ya da ai makam masham lam a matu mara gasat shakang na, nanhte hpang de ka dat nna shadum jahprang shara nga ai, ngai mu hkrup nga nngai.