KOLOSE 2:19 - Jinghpaw Hanson Version Bible

¹⁹ dai baw hta nna, hkum ting gaw hkrihkraw lamyi hte lasa ni hta lanawn ya ai hkrum nna shachyaw nga let, Karai Kasang a kaba wa shangun ai hte kaba wa nga ai.

Jinghpaw Common Language Bible 2009

¹⁹ Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.

KOLOSE 2:19 ပူးပေါင်းရင်းမြစ်များ

LUKA 5:38

Tsabyi nnan hpe shanhpyi ndum nnan hta bang na rai nga ai.

YAWHAN 17:21

nang ngai hpe shangun dat ndai gaw, mungkan ga na ni kamsham lu mu ga, dai ni nlang hte gaw langai sha tai nna, Wa e, nang ngai hta nga nga nna, ngai mung nang hta nga nga nngai zawn, dai ni nlang hte gaw, an hta nga nga na matu, ngai hpyi nga nngai.

KASA 4:32

Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.

ROMA 11:17

Rai timung, lakung lakying nkau mi gyi kau ai hkrum nna, tsanlun chyalam ngu ai nang mahtang gaw, dai ni hta shachyaw ai hkrum ndai hte, tsanlun ru a asau hta bawk jaw lawm ai wa tai n yang gaw, lakung lakying ni a ntsa e gumrawng gumtawng hkum rai et.

1 KORINHTU 1:10

Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

1 KORINHTU 11:3

Rai timung, lasha nlang hte a baw gaw, Hkristu rai nga ai, numsha a baw gaw lasha rai nga ai, Hkristu a baw chyawm gaw, Karai Kasang rai nga ai hpe nanhte chye myit ga, ngai ra nga nngai.

1 KORINHTU 3:6

Ngai gaw hkai da nngai, Apolo gaw ntsin jaw wu ai: Karai Kasang e she tu shangun nga ai.

EHPESU 1:22

Arai baw sumhpa hpe shi a lagaw npu e shi tawn da nu ai rai nna, yawng mayawng a baw tai na, dai Hpung kaw shi hpe jaw da wu ai:

EHPESU 1:23

dai Hpung gaw, yawng mayawng hpe jahpring shatsup lu ai wa a hkum tsup ngu ai Hkristu a hkumhkrang rai nga ai.

EHPESU 2:21

shi hta e wahpang langai hte langai, matut manoi htuk shachyaw sai rai nna, dai Madu hta e chyoi pra ai nawku htingnu de kaba wa sai:

EHPESU 4:3

Wenyi a myit hkrum ai lam hpe ngwipyaw ai makyit sumri hte hkan shatup na, larau ladau rai nga mu.

EHPESU 5:29

Kaning rai nme law, kadai rai timung tinang hkum hpe n dawng n yawt ai gaw n nga ai hta n-ga, dai hkum hpe bau maka nna lanu lahku ya wu ai:

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

KOLOSE 1:18

Dai Hpung ngu ai hkumhkrang a baw, shi rai nga ai. Shi nan lam shagu hta grau ai nhtung nhka tai wa u ga, shi gaw npawt nhpang hte si mat ai ni kaw na alat ningshawng rai nga ai.

KOLOSE 2:2

shanhte a kraw lawang shangwi shapyaw ai hkrum lu mu ga, ngai nde wa shaja nga nngai, nanhte chye nga na, ngai ra nga nngai:

1 HTESALONI 3:12

Anhte a Madu Yesu gaw shi a chyoi pra ai ni yawng hte rau bai du wa ai shaloi e, anhte a Wa Karai Kasang a man e nanhte a myit masin hpe chyoi pra ai hta yubak n kap let, shangang jahkang ya u ga,

1 HTESALONI 4:10

Makedoni mung ting hta nga ai hpunau ni hpe shing rai galaw nga myit dai. Rai timung, hpunau ni e, nanhte dai hta e naw law htam wa nna,

2 HTESALONI 1:3

Hpunau ni e, nanhte a makam masham gaw kaba la wa nna, nanhte langai hte langai a tsawra ai myit gaw shada da e law htam jat wa ai majaw, ging dan nga ai hte maren, nanhte mahkra a matu mara Karai Kasang hpe tutnawng e shakawn kungdawn nga na, anhte ra nga ga ai.

1 PETRU 3:8

Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.