KOLOSE 2:18 - Jinghpaw Hanson Version Bible

¹⁸ Myit shagyip ngu na lam tam nna, lamu kasa hpe nawku na htung hte, kadai mung nanhte hpe n hkalem sha u ga; shing re ai wa gaw tinang a man e mu ai hpe sha machyu nga ai hte, tinang hkum shan a myit hta kaman lila grang ai wa rai nna, dai baw hpe n manat nga ai;

Jinghpaw Common Language Bible 2009

¹⁸ Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

KOLOSE 2:18 ပူးပေါင်းရင်းမြစ်များ

NINGPAWT NINGHPANG 3:13

Shaloi Yehowa Karai Kasang gaw, dai numsha hpe, “Ndai nang galaw ai gaw, hpa rai nga a ta?” Ngu nna san wu ai; dai numsha gaw, “Ngai hpe lapu e lau nna ngai sha kau se ai,” ngu nna htan wu ai.

YOBA 38:2

“hpaji daw ai lam hpe, myit n su ai ga hte shamak kau ai wa gaw, kadai rai ta?

ESAIA 57:9

Nang gaw sau lang let hkawhkam wa hpang de sa wa nna, manam pyaw ai baw shalaw ai hte, na a kasa ni hpe sumtsan mung de shangun dat nna, Katsan ga du hkra, tinang dai shagrit kau nit dai.

EZEKELA 13:3

Madu Yehowa ning nga ai, ‘Hpa shingran n mu ai sha, tinang a wenyi hkan ai myihtoi mana ni gaw, dingnye lu ma ai.

Daniela 11:38

Dai hpara ni a malai, shi gaw hpyen dap ni a hpara hpe hkungga lara na ra ai: shi a kaji kawa ni n chye ai hpara hpe mung, shi hkungga lara nna, aja hte gumhpraw, lungseng hte gali lakan nawng ya na ra ai.

BU HKAWM 25:18

kaning rai nme law, shanhte gaw, Peora hpara a lam hte mung, Peora hpara a majaw ana zinli du ai shani e sat kau hkrum ai shanhte a kajan kasha, Midian du agyi a shayi sha Hkozbi a lam hte mung, nanhte hpe gung lau nna hkalem kau ai hte shatsang kau manit dai,” ngu nna tsun wu ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

ROMA 1:25

kaning rai nme law, Karai Kasang a tengman ai lam hpe masu matsa ai hte shanhte galai kau mu ai rai nna, Hpan wa Ningsang hpe shinggan kau nna, hpan tawn da sai arai ni hpe mahtang nawku nna daw jau ma ai: Hpan wa Ningsang chyawm gaw htani htana e a nga ai law. Amen.

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.

1 KORINHTU 13:4

Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;

1 KORINHTU 3:3

kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

1 KORINHTU 4:18

Ngai hkum nanhte hpang de n sa du na zawn nawn nna, nkau mi gaw gumlu gumlan rai wa masai.

1 KORINHTU 4:6

Hpunau ni e, ka da nga ai hte maren nanhte n lai lu na hte, langai wa hta myit kaba nna kaga wa hpe shinggan kau na n rai u ga, an a lam tau yu let nanhte sharin lu myit ga, ndai ga hte hpe ngai hte Apolo a lam, ngai nanhte a matu ga shadawn shatai nna sha-ang we ai.

1 KORINHTU 8:1

Ya, sumla ni hpe nawng ai hkungga a lam, anhte yawng mayawng chye ginhka ai myit rawng nga ai gaw, anhte dum chye ga ai. Chye ginhka ai myit gaw grang chye ai, tsawra ai myit chyawm gaw, shadaw shangang chye ai.

1 KORINHTU 9:24

Gat shingjawng ai shara e yawng gat ma timung, marai langai wa sha dai kumhpa lu la nga ai, nanhte n chye nga myit ni? Shing rai nanhte lu la hkra gat shingjawng nga mu;

2 KORINHTU 11:3

Rai timung, lapu gaw shi a hkalem ai hte Ewa hpe lau kau wu ai zawn, Hkristu a san seng ai hte chyoi pra ai lam hpe kau da hkra, nanhte a myit mang hten na hpe, ngai tsang nga nngai.

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

EHPESU 5:6

Kadai rai timung, kaman lila ga hte nanhte hpe myit hkum shadam myit ga; kaning rai nme law, dai lam nhkan e Karai Kasang a pawt sindawng ai gaw, n madat mara ai ni a ntsa e du ra ai.

HPILIPI 3:14

hpang maga na arai hte hpe malap kau nna, man ang ai arai ni hpe chyan la let, Hkristu Yesu hta e Karai Kasang a grau htum ai shaga la ai lam ngu ai kumhpa hpe lu la na, bandung shadaw du hkra ngai gat shachyut nngai.

KOLOSE 2:23

Shing nga ai ga gaw, tinang a myit jasat ai nawku ai htung hte, myit shagyip ngu ai hte, tinang hkum hpe shadip ai lam tau yu yang, hpaji byeng-ya zawn san nga timung, hkum shan a mak kayut ai hpe dang kau na matu, hpa akyu mi mung n rai nga malu ai.

KOLOSE 2:4

Kadai wa rai timung, shalen hkalau ai ga hte nanhte hpe n hkalau u ga, ngai ning nga tsun nga nngai.

KOLOSE 2:8

Hkristu a hkang ai tara hte n bung ai, mungkan ga a hkang ai tara hte masha a matsun maroi ga hkan ai zai byeng-ya hte lila rai nga ai hkalem hkalau ga hte, kadai mung nanhte hpe n hkalau lu u ga, sadi nga mu:

1 TIMOHTI 1:7

shanhte gaw tara sara tai mayu ma timung, tinang nan hpa tsun nga ai hte, hpa lam hkap yau nga ai gaw, n chye na nga ma ai.

1 TIMOHTI 4:1

Rai timung, htawm hpang prat e nkau mi gaw makam masham lam hta na htak wa nhtawm, masu magaw ga tsun ai hpyi hpun ai ni a marang e

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

1 YAWHAN 2:26

Nanhte hpe lam shadam ai ni a majaw, ndai hte gaw ngai nanhte hpe ka dat masade ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 13:14

Shawng na matse labye a man e galaw lu ai lamik kumla ni hte ga ntsa de nga ai ni hpe shi hkalem kau wu ai rai nna, nhtu hkang nma hkrum timung, naw hkrung nga ai matse labye a hkrang sumla galaw na, ga ntsa nga ai ni hpe tsun dat wu ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 3:11

Ngai alawan du na ring ngai; na a janmau hpe kadai mung n la kau ya u ga, nang lu ai made hpe a sin nga u.