KOLOSE 2:16 - Jinghpaw Hanson Version Bible

¹⁶ Dai re ai majaw, shahpa, luhpa hte, poi shani, shata praw shani hte laban nhtoi a lam, kadai mung nanhte hpe n jeyang nga u ga:

Jinghpaw Common Language Bible 2009

¹⁶ Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

KOLOSE 2:16 ပူးပေါင်းရင်းမြစ်များ

2 HKAWHKAM 4:23

Madu wa gaw, “Nang dai ni hpa majaw sa mayu n ta? Shata praw mung n rai, laban nhtoi mung n rai,” ngu nna tsun wu yang, madu jan gaw, “Mai na re ai,” ngu nna htan wu ai.

1 HKAWHKAM LABAU 23:31

ga shaka hte maren, laban nhtoi e mung, shata praw e mung, ladaw da ai poi nhtoi hta mung, Yehowa man e, tutnawng wan nat hkungga nawng ya na matu mung,

2 HKAWHKAM LABAU 31:3

Dai hta kaga, Yehowa a tara hta ka da nga ai hte maren, wan nat hkungga, jahpawt shana wan hkungga, laban nhtoi, shata praw hte madat da ai poi shani na wan nat hkungga matu, hkawhkam wa shi jaw ang ai sut rai hta daw mi san da wu ai.

NEHEMIA 10:31

mung na maigan masha ni gaw laban nhtoi e arung arai nai mam sa dut yang, laban nhtoi hta, shing n rai, chyoi pra ai nhtoi hta, n mari la na mung; sanit ning du shagu amu jahkam da na hte, hpa hka mung n ji la na, nga nna shanhte gaw ga sadi tawn da let dagam ma ai.

NEHEMIA 10:33

tutnawng na shadung hkungga ni, tutnawng na wan nat hkungga ni, laban nhtoi ni, shata praw shani ni, madat da ai poi ni, chyoi pra ai arai ni, Israela amyu matu htingrai htingrat ya na mara raw na hkungga ni hte, anhte a Karai Kasang a nta hte seng ai amu mahkra a matu mung, masha hkum shagu, shekela htam masum hta htammi, laning hte laning a jaw nga na, nga nna anhte ga ndat tawn da ga ai.

NEHEMIA 8:9

Mung masha ni gaw dai tara laika ga na jang, hkrap ngu hkrap ngoi nga ma ai rai nna, munggyi Nehemia, hkinjawng chyare wa Ezra hte, mung masha ni hpe sharin achyin nga ai Lewi masha ni gaw, “Dai ni nan, nanhte a Karai Kasang Yehowa a matu chyoi pra ai shani rai nga ai: myit hkum yawn, hkrap mung hkum hkrap myit,” ngu nna mung masha ni mahkra hpe tsun mu ai.

SHAKAWN KUNGDAWN 42:4

Kaning rai nme law, shawa masha ni hte ngai lung wa nna, Poi galaw ai hpawng hpe kabu ai nsen hte mahkawn mangoi let, Karai Kasang a nta de woi sa sa di de ai gaw, Ngai dum nga nna, nye a myit masin ngai hta kabrawng nga ai.

SHAKAWN KUNGDAWN 81:3

Shata praw shani e pahtau dum mu, Anhte a shata shagawng ai poi hta e, dum mu.

ESAIA 1:13

Kaman lila shagu hkungga hpe hkum jaw kahtap myit; manam pyaw ai kumhpa hpe ngai matsat nngai: shata praw shani, laban nhtoi, shawa zuphpawng hpe, ngai n ra nngai: nawku zuphpawng let, yubak hkrai galaw ai hpe, ngai n sharang lu nngai.

EZEKELA 4:14

Shaloi ngai gaw, “Aha, Madu Yehowa e, nye a myit masin awu asin garai n hkrum ai; ngai gaw brang ram prat kaw nna dai ni du hkra, shi hkrai si ai hpe mung, rai matse kawa sat ai hpe mung, n sha yu nna, matsat shabat ngu ai shan hpe nye a n-gup hta n bang yu nngai,” ngu nna tsun nngai.

EZEKELA 45:17

Du wa mahtang, poi shani e, shata praw shani e, laban nhtoi hte, Israela amyu masha ni madat da ai poi shagu hta, wan nat hkungga, shadung kumhpa hte dumhpung kumhpa hpe jaw na ra ai: Israela amyu matu htingrai htingrat na nga, shi gaw, mara raw hkungga, shadung kumhpa, wan nat hkungga hte mahku hkungga hpe shapraw ya na ra ai.

JAW JAU 16:31

Dai nhtoi gaw nanhte a matu simsa laban shani rai nga ai rai nna, nanhte a myit masin hpe shagrit nga na rai myit dai: dai gaw prat dingsa na ga matsun rai nga ai.

AMO LAIKA (AMOS) 8:5

dang hpe kaji, joi hpe kaba shangun nna, maw sha map sha let, Anhte mam dut lu na, shata praw hkaulan mam dut lu na, laban nhtoi lau lai u ga, nga nna tsun let,

BU HKAWM 10:10

Nanhte a kabu gara shani hta mung, madat da ai poi shani hta mung, shata praw shani hta mung, nanhte a Karai Kasang nanhte hpe dum nga na matu, nanhte a wan nat hkungga ni, nanhte nawng ai mahku hkungga ni hta pahke dum na rai myit dai: ngai gaw nanhte a Karai Kasang Yehowa rai nga nngai,” ngu wu ai.

MAHTE 15:11

n-gup de shang wa ai arai gaw, masha hpe awu asin di kau lu ai n rai; n-gup hta na pru wa ai mahtang gaw, masha hpe awu asin di kau nga ai,” ngu wu ai.

MARKU 7:19

kaning rai nme law, dai gaw, shi a myit masin kata de shang wa ai n rai, shi a kan kata de sha shang wa ai hte hkum tsan ai shara de bai pru wa ai: dai lam lusha yawng mayawng hpe jasan jaseng di wu ai.

KASA 15:20

Hpara sumla ni a n san n seng ai hte, ndaw liknga lam, du manat sat ai shan hte, asai re ai ni hpe koi gam na lam, shanhte hpe laika hte shana mai ai, ngu nna ngai myit da we ai.

ROMA 14:10

Nang chyawm gaw, hpa majaw na nhpu nnau wa hpe jeyang nga n ta? bai, na nhpu nnau wa hpe hpa majaw n gawn n sawn rai nga n ta? Anhte yawng mayawng hte gaw, Karai Kasang a tara tingnyang a man e du tsap na ra ga ai.

GALATI 4:10

Nanhte gaw nhtoi, shata, aten ladaw hte shaning hte hpe matsing nga myit dai.

KOLOSE 2:20

Ya, Hkristu hte rau mungkan ga na hkang ai tara hta nna nanhte si mat teng nga myit yang gaw, masha a htet da ai ga hte sharin shaga ai ga hte maren,

HEBRE 13:9

Sharin shaga ai lam tsasam amyu myu de hkum htawt hkum hkan myit: hkan nang ai ni a matu hpa akyu n shabyin ya lu ai shahpa lam hte n rai, chyeju lam hte she myit masin hpe shangang shakang lu na, mai kaja nga ai.

HEBRE 9:10

dai lam ni gaw, shahpa, luhpa hte kashin kamun ai lam amyu myu hte nawng, htung nnan jashawn na aprat garai n du laman e, gan tawn da ai, hkum shan hte seng ai ahtung ahki sha rai nga ai.

YAKU 4:11

Hpunau ni e, nanhte shada da nsu nnawn ga hkum tsun myit. Tinang a kahpu kanau hpe nsu nnawn ga tsun nga ai, shing n rai, jeyang ai wa gaw, dai tara hpe nsu nnawn ga tsun nga nna jeyang ai wa rai nga ai. Dai tara hpe nang jeyang nga ndai rai yang gaw, tara jeyang ai wa nang tai nga ndai.

1 SAMUELA 20:18

Bai Yonahtan gaw, “Hpawt de shata praw shani rai nga ai: nang dung ai shara man na ra ai majaw, nang n nga ai chye na ra ai.

1 SAMUELA 20:5

Bai Dawi Yonahtan hpe, “Hpawt ni shata praw nhtoi rai nga ai rai nna, hkawhkam wa hte shat sha na matu shat ku e n dung n mai rai nngai: rai timung, masum ya shana du hkra nam e naw makoi nga n ga.