KOLOSE 2:15 - Jinghpaw Hanson Version Bible

¹⁵ Du aya hte ahkang aya lu ai hte hpe htawk jahkrat kau nhtawm, shi dai ni hpe leng leng mahtan tawn nna, dai wudang hta shanhte a ntsa e padang nlaw da mu ai.

Jinghpaw Common Language Bible 2009

¹⁵ Dai wudang ntsa e Hkristu gaw lamu hte aga ntsa na n-gun atsam rawng ai ni hte ahkang aya lu ai yawng hte hpe htawk jahkrat yeng seng kau nhtawm, shanhte hpe bawng masha shatai kau nna padang dip yan hkawm ai a hpang e hkan nang shangun ai hte shawa masha ni e jawm yu ai masha ni shatai kau nu ai.

KOLOSE 2:15 ပူးပေါင်းရင်းမြစ်များ

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

SHAKAWN KUNGDAWN 68:18

Karai Kasang Yehowa gaw dai yang e nga lu n ga, Tsaw ai shara de nang lung wa nna, Bawng dung na ni hpe rim la wa mu ai; Masha ni hta na kumhpa lu la nga ndai, Rai sa, je hpre ai ni hta na pyi, nang lu la nga ndai.

ESAIA 53:12

Dai re ai majaw ngai gaw, daru magam rawng ai ni hte rau, shi hpe kamhtaw karan jaw nna, shi gaw n-gun atsam rawng ai ni hte rau, lanep karan na ra ai: kaning rai nme law, shi gaw si du hkra shi a myit masin hpe ru kau nna, tara tawt lai ai ni hta hti lawm nga ai: rai timung shi gaw; masha law law a yubak hpe gun hpai nna, tara tawt lai ai ni a matu mara htinglu htinglai ya ai.

MAHTE 12:29

N-gun ja ai wa hpe shawng n gyit kau yang gaw, shi a arai kashun la na, n-gun ja ai wa a nta nhku de kadai shang lu na rai ta? gyit da yang she shi a nta hpe hpya lu na rai nga ai.

LUKA 10:18

Shing nga jang shi gaw, “Satan gaw lamu de nna myihprap zawn hkrat wa ai hpe, ngai mu se ai.

LUKA 11:22

shi hta n-gun grau ja ai wa sa nna, dai wa hpe gasat dang kau ngut jang she, shi kam ai ri nhtu hpe magawn la kau ya nhtawm, shi a arai ni hpe karan kachyan di la kau ya wu ai.

YAWHAN 16:11

tara jeyang ai lam dawdan da na gaw, ndai mungkan ga a Du wa tara jeyang hkrum sai majaw, rai na rai nga ai.

YAWHAN 19:30

Yesu gaw dai ntsin hkri hkap lu ngut jang, “Ngut masali ai,” nga nhtawm, baw nga di nna, nsa jahti kau wu ai.

1 KORINHTU 15:24

dai hpang e chyahtum ladaw du na ra ai; dai shaloi e shi gaw Kawa Karai Kasang kaw dai mungdan hpe ap ya na ru ai rai nna, du aya yawng mayawng mung, up ai ahkang hte hpung shingkang yawng mayawng hpe mung, shi yeng kau ngut nu ai:

2 KORINHTU 2:14

Rai timung, anhte hpe Hkristu hta tutnawng e padang manau hta nlaw shangun nna, shi a chye chyang ai manam pyaw bat anhte a lata hte shara shagu hkan e shapraw shadan ai Karai Kasang gaw, a nga u ga law.

2 KORINHTU 4:4

Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

EHPESU 3:10

nga manga hte hpe hpan da sai Karai Kasang hta e moi chyaloi nhkoi kaw nna makoi magap da ai sung htum ai ga a aya a lam, hpa rai nga ai gaw, madun dan na,

EHPESU 4:8

Dai re ai majaw, Shi gaw tsaw ai shara de lung wa yang, Bawng dung ai ni hpe rim la nna, Masha ni hpe kumhpa jaw mu ai, nga nna tsun ai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

KOLOSE 1:16

Kaning rai nme law, sumsing lamu hte ginding aga hta yawng mayawng hte gaw, mu lu ai hte n mu lu ai hte hpe rai timung, hpa hkawhkam tingnyang, munggyi aya, du aya hte ahkang aya hte hpe rai timung, shi hta e hpan tawn da nga sai; arai yawng mayawng gaw, shi a jaw e mung, shi a matu mara mung, hpan tawn da nga sai.

KOLOSE 2:10

Shi hta e mung nanhte hkum tsup nga myit dai; shi gaw du aya lu ai hte ahkang aya lu ai ni yawng mayawng a baw rai nga ai.

HEBRE 2:14

Dai re ai majaw, kashu kasha ni asai ashan hkan dagraw ai zawn, shi mung, si lam up ai wa ngu ai Nat wa hpe shabyak kau lu na hte,

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.