KOLOSE 2:14 - Jinghpaw Hanson Version Bible

¹⁴ Anhte a shut hpyit ai yawng mayawng hte hpe shi raw dat kau ya nna, anhte hte nhtan shai ai htet da ai ga rawng ai, anhte hpe jeyang ai lata jahpan hpe katsut kau ya nu ai; wudang hta e dai hpe dit shakap let shi dai hpe yeng seng kau nu ai.

Jinghpaw Common Language Bible 2009

¹⁴ Shi gaw anhte a n hpru n mai ai yubak mara a hka jahpan hpe mung, dai hte seng ai jep da ai tara ni hpe mung wudang ntsa e hpri hte dit shakap nna yeng seng kau nu ai.

KOLOSE 2:14 ပူးပေါင်းရင်းမြစ်များ

NEHEMIA 4:5

Mare bunghku kum ai ni a man e shanhte nang hpe pawt bu shangun ai majaw, shanhte a mara hpe hkum magap kau u ga; shanhte a yubak hpe na a man e arut kau ai n hkrum u ga law.

ESHTA 3:12

Shaloi jang, shawng shata na shi masum ya e, hkawhkam wa a chyare ni hpe shaga la nna, Haman hkang dat ai hte maren, hkawhkam a du ni hpe, mungdaw shagu a munggyi ni hte amyu masha ni a agyi ni hpe, mungdaw langai hte langai a laika ka ai hku hte, amyu langai hte langai a ga ga ai hku hkan nna, laika ka shabra dat mu ai: hkawhkam Ahasuru amying gang let ka nhtawm, hkawhkam a lachyawp hte dazik shakap wu ai.

ESHTA 8:8

Rai timung, hkawhkam a amying gang let ka ai hte, hkawhkam lachyawp dazik shakap ai laika hpe, kadai mung n shabai kau lu nga ai majaw, nan mung myit ra ai hte maren, hkawhkam a mying gang let, Yuda masha ni a lam, ka shabra dat mu,” ngu nna hkawhkam jan Eshta hte, Yuda masha Mordehkai hpe tsun mu ai.

SHAKAWN KUNGDAWN 51:1

Karai Kasang e, na a chyeju hte maren, ngai hpe matsan dum la e, Na a n-gaw nnyeng myit kaba nga ai hte maren, nye a mara arut kau ya e.

SHAKAWN KUNGDAWN 51:9

Nye a yubak kaw na, na a myi man kayin kau nna, Nye a shut hpyit ai nlang hte hpe, arut kau ya e.

ESAIA 43:25

Nye a chyeju majaw, na a tara tawt lai ai lam arut kau ai hte, na a yubak hpe n dum ai wa gaw, ngai nan rai nga nngai.

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

ESAIA 57:14

Bai shi gaw, “Nye a amyu masha ni numdaw numdan n hkrum mu ga, htu kau mu, htu kau mu, lam hpe lajang mu ga,” nga nna tsun ai.

BU HKAWM 5:23

Bai hkinjawng wa gaw, dagam dala ga dai hpe laika hta ka da nna, dai ntsin hka hte bai shaprai kau nhtawm,

LUKA 1:6

Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

KASA 3:19

Dai re ai majaw, dai Madu kaw na ngwipyaw ai aten ladaw du ru ga hte,

KOLOSE 2:20

Ya, Hkristu hte rau mungkan ga na hkang ai tara hta nna nanhte si mat teng nga myit yang gaw, masha a htet da ai ga hte sharin shaga ai ga hte maren,

2 HTESALONI 2:7

Kaning rai nme law nga yang, n tara ai a sung htum ai lam ya e pyi shachyen nga ai; rai timung, ban hkum ai wa naw nga nga nna, yeng kau ai hkrum ai du hkra, naw ban hkum nga na ra ai.

HEBRE 7:18

Jep ai tara gaw, hpa lam hpe mung n shatsup lu ai rai nna, shawng na ga matsun gaw n-gun kya nga ai hte akyu n rawng nga ai a majaw, yeng kau hkrum nna,

HEBRE 8:13

Ya, ga shaka ningnan, nga nna shi tsun ai gaw, shawng na ga shaka hpe ningsa shatai kau wu ai; ningsa hte aprat kaba ai arai chyawm gaw, wai mat magang nga ai.

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.