KOLOSE 2:13 - Jinghpaw Hanson Version Bible

¹³ Nanhte gaw tara tawt lai nna, nanhte a hkum shan a matu gadoi n hkam ai hte chyasi ni rai nga myit timung, shi gaw nanhte hpe shi hte rau jahkrung ya manit dai.

Jinghpaw Common Language Bible 2009

¹³ Nanhte gaw moi shawng de yubak galaw ai ni rai nga myit dai majaw mung, Yuda masha n rai nna tara kata ai hte matu gadoi n hkam ai maigan masha ni rai nga myit dai majaw mung, Wenyi lam hta masha chyasi rai nga myit dai. Rai ti mung ya gaw Karai Kasang nanhte hpe Hkristu hte rau asak bai jahkrung ya manit dai. Karai Kasang gaw anhte a yubak yawng mayawng hte hpe raw dat kau ya sai.

KOLOSE 2:13 ပူးပေါင်းရင်းမြစ်များ

SHAKAWN KUNGDAWN 119:50

Na a ga hte ngai bran nga nngai, Dai gaw nye a nni nkri hta e, ngwipyaw shara tai wa ai.

SHAKAWN KUNGDAWN 32:1

Shut hpyit ai hta na raw dat kau ya ai hte, Yubak hpe makoi kau ya ai hkrum ai wa gaw, a nga ai.

SHAKAWN KUNGDAWN 71:20

Tsin-yam tsindam kaba law law anhte hpe madun ai wa e, Nang anhte hpe bai shalan shabran la nna, Ga a sung htum ai kaw na bai sharawt la na ndai.

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

YEREMIA 31:34

dai ni gaw, Yehowa hpe chye u, nga nna langai hte langai tinang a htingbu wa hte, tinang hpunau wa hpe, sharin achyin ya nga na ma ai n rai; kaning rai nme law, kaji htum ai wa kaw nna, shanhte a kaba htum ai wa du hkra, nlang hte gaw ngai hpe chye ma na mara ai, nga nna Yehowa tsun ai: shanhte mara hpe ngai dat kau nna, shanhte a yubak hpe bai dum ya na ni ai, n rai, nga nna Yehowa tsun ai.

LUKA 15:24

hpa majaw nga yang, ndai ngai sha gaw si mat sai, ya bai hkrung sali ai; mat mat sai mung, ya bai mu la se ai,” ngu mu ai.

LUKA 15:32

Rai timung, pyaw pyaw rai kabu gara mai nga ai; hpa majaw nga yang, ndai na nnau gaw si mat sai, ya bai hkrung ra ai: mat mat sai mung, ya bai mu la saga ai, ngu nna shi hpe nem wu ai,” ngu mu ai.

LUKA 9:60

Yesu gaw, “Masha chyasi ni gaw tinang a chyasi ni hpe makoi mu ga: nang gaw Karai Kasang a mungdan lam sa hkaw dan su,” ngu nna shi hpe tsun wu ai.

YAWHAN 5:21

Kaning rai nme law, Kawa gaw si ai ni hpe sharawt nna jahkrung ya ai hte maren, Kasha wa mung shi ra mara ni hpe jahkrung ya wu ai.

YAWHAN 6:63

Asak jahkrung ai gaw Wenyi rai nga ai; hkum shan gaw hpa lam mung n la ai: ngai nanhte hpe tsun ai mungga gaw, Wenyi rai nga ai, asak mung rai nga ai.

ROMA 4:17

Abraham hpe gaw, Amyu law law a kawa ngai nang hpe shatai sade ai, nga nna ka da nga ai hte maren si mat ai ni hpe jahkrung ya ai hte, garai n tai ai ni hpe ya e rai nga ai zawn ngu da ai rai nna, shi kamsham nga ai Karai Kasang a man e, anhte mahkra a kawa rai nga ai.

ROMA 6:13

nanhte a daw shan ni hpe mung, n ding n hpring ai hpyen hking hpe zawn, yubak hpe hkum ap ya myit; si mat ai ni kaw na hkrung rawt lu ai ni zawn, Karai Kasang kaw tinang dai sak ya mu; nanhte a daw shan ni hpe mung, dinghpring ai hpyen hking shatai nna, Karai Kasang hpe sak ya mu.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga a yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkumhkrang ni hpe mung, jahkrung ya na marin dai.

1 KORINHTU 15:36

Angawk wa e, nang gat hkai ai nli mung n si mat yang gaw, tu hkrung wa ai n rai;

1 KORINHTU 15:45

Dai hte maren, shawng na masha Adam gaw asak hkrung ai shinggyim masha tai wa ai, nga nna ka da nga ai: hpang chyahtum na Adam, chyawm gaw, jahkrung ya ai wenyi rai nga ai.

2 KORINHTU 3:6

ningnan ga shaka sara tai na shi anhte hpe shaging sharam ma ni ai; dai ga shaka gaw, laika hkum hta na n re ai sha, Wenyi hta na rai nga ai: kaning rai nme law, laika hkum gaw sat kau chye ai, Wenyi chyawm gaw jahkrung ya lu ai.

2 KORINHTU 5:19

Karai Kasang gaw Hkristu hta nga let, mungkan ga hpe shi hkum lala hte htinglu htinglai ya nga ai; shanhte a mara gaw shi shanhte hpe n shagun ya mu ai rai nna, dai htinglu htinglai ya ai mungga gaw anhte hta e tawn da ya ma ni ai.

EHPESU 2:1

Nanhte mung, nanhte a tawt lai ai bungli hte yubak a majaw chyasi rai nga ai shaloi e,

EHPESU 2:11

Dai rai nna, hkum shan hku yu yang, nanhte shawng e maigan ngu ai ni rai nga myit dai hpe, dum ngu mu; dai hkum shan hta e lata hte sha shabyin ai matu gadoi hkam ai ni gaw, Matu gadoi n hkam ai ni, nga nna nanhte hpe shamying nga ma ai;

EHPESU 5:14

Dai majaw, Yup pyaw ai wa e, rawt u, Si ai kaw na bai rawt wa nu; Shaloi Hkristu nang hpe jahtoi na ra ai, nga nna tsun ai.

KOLOSE 2:12

baptisma hkam ai lam hta nanhte shi hte rau lup wa nna, si mat ai ni kaw na shi hpe hkrung sharawt la ai Karai Kasang a shachyen ai hta, kamsham ai a marang e shi hte rau sharawt la ai mung hkrum manit dai.

1 TIMOHTI 5:6

Tangpyaw sha tam nga ai gaida jan chyawm gaw, naw hkrung nga ninglen chyasi rai nga ai.

1 TIMOHTI 6:13

Anhte a Madu Yesu Hkristu a paw pru ai du hkra, agang chyalang n re ai hte mara n kap ai sha, dai hkang da ai ga hpe nang hkan nang nga u ga,

HEBRE 6:1

Dai re ai majaw, Hkristu a shawng npawt na ga kanu ngu ai, si ging ai magam bungli hta na myit malai lu ai lam, Karai Kasang hpe kamsham ai lam,

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

YAKU 2:17

Dai hte maren, makam masham hta magam bungli n lawm yang gaw, tinang dai chyasi rai nga ai.

YAKU 2:20

Dai hta kaga, wa dan seng breng wa e, makam masham hta magam bungli n lawm yang gaw, kaman lila rai nga ai hpe, nang chye mayu da wu ni?

YAKU 2:26

Kaning rai nme law, dai hkum tsawp hta wenyi n rawng a yang gaw, chyasi rai nga ai zawn, dai makam masham hta mung, magam bungli n lawm yang gaw, chyasi rai nga ai.

1 YAWHAN 2:12

Shu sha ni e, shi a mying nsang a marang e nanhte yubak hpe raw dat kau ai hkrum myit dai majaw, ngai nanhte hpe ka dat nngai.