KOLOSE 2:11 - Jinghpaw Hanson Version Bible

¹¹ Hkristu a matu gadoi hkam ai ngu ai, hkumhkrang na ashan hpe sharun kau ai, lata hte n re ai matu gadoi hkam ai hte, nanhte shi hta e hkam manit dai:

Jinghpaw Common Language Bible 2009

¹¹ Nanhte gaw Dai Madu hte langai sha tai nna asak hkrung ai shaloi e matu gadoi hkam la manit dai rai nga ai. Dai gaw masha a lata hte galaw ai n re ai sha, ndai yubak kap ai hkum shan a n-gun atsam kaw na shalawt dat ai ngu ai Hkristu e shabyin ai matu gadoi hkam ai lam rai nga ai.

KOLOSE 2:11 ပူးပေါင်းရင်းမြစ်များ

YEREMIA 4:4

Yuda hte Yerusalem masha ni e, Yehowa matu mara tinang dai matu gadoi hkam mu; nanhte a myit masin a hpyi magap hpe hkoi kau mu; shing n rai, nanhte a n hkru n hkra ai amu majaw, nye a pawt sindawng ai gaw wan zawn pru nna, kadai n sat lu hkra hkru na ra ai.

MARKU 14:58

“Ndai wa gaw, Lata hte galaw ai ndai nawku Htingnu hpe ngai run kau nna, masum ya laman e, lata hte n re ai sha, kaga hpe bai de lu na we ai, nga nna shi tsun ai ga hpe anhte na sagaw ai,” ngu mu ai.

LUKA 2:21

Dai ma hpe matu gadoi lam jaw na, matsat ya nhtoi du jang, hkritung hkriwang e shi garai n rawng yang, lamu kasa shamying da ai amying hte maren, shi hpe Yesu ngu nna shamying mu ai.

KASA 17:24

Mungkan ga hte dai hta nga ai yawng mayawng hpe, hpan tawn da ai Karai Kasang gaw, sumsing lamu hte ginding aga a Madu rai nga ai rai nna, masha lata hte shachyaw ai nawku nta hta rawng nga ai n rai:

KASA 7:48

Rai timung Tsaw Htum ai Wa gaw masha a lata hte sha gap ai nta hta rawng ai n rai; dai lam myihtoi wa htawn tsun ai gaw,

ROMA 2:29

kraw kata e Yuda wa rai nga ai mahtang gaw, Yuda masha majing rai nga ai: dai gadoi ai mung, laika hku hte sha n rai, wenyi hta na kraw lawang e byin nga ai rai nna, de a shakawn kungdawn ai gaw shinggyim masha kaw na n rai, Karai Kasang kaw na sha pru nga ai.

ROMA 6:6

Si mat ai wa gaw yubak hta na lawt pru nga ai majaw,

ROMA 7:24

Chyum sha hkrum ai ngai wa e, ndai si shangun ai hkumhkrang hta na, ngai hpe kadai wa mawai la na law e?

2 KORINHTU 5:1

Dinghta ga na nta ngu ai anhte a sum gaw run mat wa rai timung, lata hte n galaw ai nta, sumsing lamu e htani htana re ai Karai Kasang kaw na wahpang anhte lu nga ga ai gaw, anhte chye nga ga ai.

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

GALATI 5:24

Hkristu Yesu hte seng ai ni chyawm gaw, tinang a hkum shan myit mung, myit kayut ai hte marin marit ai hte nawng, wudang hta jen da manu ai.

EHPESU 4:22

shawng na nanhte a arawn alai hte maren, marin marit nna hkalem hkalau ai hte hten mat wa ai gawng shing-yan dingsa hpe raw kau nhtawm;

TARA JAHPRANG 10:16

Dai re ai majaw na a myit masin a matu gadoi kau u, htawm hpang de du hkum ja nit.

TARA JAHPRANG 30:6

Nang hkrung nga lu hkra, na a Karai Kasang Yehowa hpe na a myit masin kraw lawang mahkra hte tsawra lu na matu, na a Karai Kasang Yehowa gaw na a myit masin hte, na matu mara ni a myit masin hpe matu gadoi ya na ra ai.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

HEBRE 9:11

Hkristu chyawm gaw, lata hte n gap tawn ai rai nna, ndai hpan tawn da ai mungkan ga hte n seng ai grau kaba nna hkum tsup re ai nawku sum hta, du na ra ai ngamu ngamai ai lam ni a hkinjawng agyi tai na matu, du sa ai re ai majaw,

HEBRE 9:24

Kaning rai nme law, Hkristu gaw, lamu na kasi a sumla sha rai nga nna, masha lata hte gap tawn ai chyoi pra ai shara kata de n shang ai sha, anhte a matu mara Karai Kasang a man e dan pru nga na nga, sumsing lamu kata de nan shang wa sai: