KOLOSE 1:9 - Jinghpaw Hanson Version Bible

⁹ Dai re ai majaw, anhte mung na yu lu ai shani kaw nna, nanhte a matu mara akyu hpyi na, n sim n sa rai nga ai hte: Wenyi hte seng ai hpaji byeng-ya hte nyan amyu myu hta shi a myit mang ai a chye chyang ai lam hte nanhte hpring chyat lu nna,

Jinghpaw Common Language Bible 2009

⁹ Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

KOLOSE 1:9 ပူးပေါင်းရင်းမြစ်များ

SHAKAWN KUNGDAWN 119:99

Na a sakse ga hpe ngai myit aru nga nngai majaw, Ngai sharin la ai sara ni yawng hta, ngai grau nna chye lu nngai.

SHAKAWN KUNGDAWN 143:10

Nye a Karai Kasang nang rai nga ndai majaw, Na a myit hkan nang na, ngai hpe sharin ya e. Na a mai kaja ai Wenyi gaw, Ngwipyaw ai mung de ngai hpe woi wa u ga.

YAWHAN 7:17

Dai wa a myit hkan mayu ai wa rai yang gaw, sharin shaga ai ga ndai, Karai Kasang kaw na re ai, shing n rai, nye a myit hte tsun nga ai ga re ai, chye ginhka lu na wu ai.

KASA 12:5

Shing rai Petru htawng hta rawng nga ai; Hpung masha ni chyawm gaw shi a matu mara Karai Kasang kaw akroi anoi akyu hpyi ma ai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

1 KORINHTU 1:5

lam yawng mayawng hta ang ai, n-gup atsam shagu hte, chye chyang ai lam shagu hta, nanhte shi hta hkum tsup nga manit dai majaw,

EHPESU 1:8

shi a shawang myit na sung htum ai lam anhte hpe shadan dan yang,

EHPESU 5:10

Kaning rai nme law, nhtoi a asi gaw mai kaja ai, dinghpring ai hte tengman ai hkrai hkrai rai nga ai.

EHPESU 5:17

Dai rai nna, angawk angak re ai ni hkum tai myit; dai Madu a myit ra ai lam, hpa rai nga ai gaw, chye ginhka nga mu.

EHPESU 6:6

Myi man pa mayu ai hte masha a myit shapyaw na zawn n rai; Hkristu a mayam ni zawn, myit masin ting hte Karai Kasang a ra ai hku galaw nga mu:

HPILIPI 1:4

nanhte hpe dum shagu e nye a Karai Kasang hpe ngai shakawn kungdawn nna,

KOLOSE 1:6

Dai kabu gara shiga gaw, mungkan ting chyam hkra du dep wa ai hte, nanhte na yu nna Karai Kasang a chyeju hpe teng teng chye chyang lu ai nhtoi kaw nna, nanhte hta asi si nna kaba wa lu ai hte maren, mungkan ting e mung, asi si nna kaba wa lu ai.

KOLOSE 3:16

Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.

KOLOSE 4:12

Nanhte kaw na rai nga ai Hkristu Yesu a mayam Epahpra gaw nanhte hpe shakram dat myit dai: nanhte gaw Karai Kasang a myit mang ai hku nlang hte hta hkum tsup ai hte dinggrin nga let lahpran tsap nga lu myit ga, dai akyu hpyi ai hta shi nanhte a matu mara tutnawng e shingjawng hkat nga ai.

KOLOSE 4:5

Shinggan de nga ai ni a man e hpaji byeng-ya hte hkawm nga nna, ahkying aten hpe lata mari la mu.

1 HTESALONI 1:3

anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai.

1 HTESALONI 5:17

n sim n sa akyu hpyi nga mu; lam shagu hta shakawn kungdawn nga mu:

2 HTESALONI 1:11

Dai re ai majaw, anhte a Karai Kasang hte Madu Yesu Hkristu a chyeju marang e, anhte a Madu Yesu a mying nsang gaw nanhte hta e shagrau ai hkrum lu na hte, nanhte mung shi hta e shagrau ai hkrum lu hkra,

HPILEMON 1:4

Madu Yesu hpe mung, chyoi pra ai ni yawng hte hpe mung, nang tsawra ai hte kamsham lam hkan ai hpe, ngai na nngai majaw,

HPILEMON 1:6

nye a akyu hpyi ai ga hta nang hpe adum nga let, Karai Kasang hpe ngai tut tut a shakawn nga nngai.

HEBRE 10:36

Kaning rai nme law, Karai Kasang a myit ra ai hku hkan shachyen ngut jang, ga ndat a akyu hkam la lu hkra, shakut sharang ai myit nanhte naw ra nga myit dai.

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.

YAKU 1:5

Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe ndaw nhta a jaw nga ai Karai Kasang kaw, hpyi nga u ga; shaloi shi lu la na ru ai:

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

1 PETRU 2:15

kaning rai nme law, kaja ai bungli shachyen let, myit n gring ai ni a n chye n chyang ai ga hpe nanhte jasim lu na gaw, Karai Kasang myit da ai hku rai nga ai.

1 PETRU 4:2

ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.

1 YAWHAN 2:17

Dai dinghta ga hte de a marin ai lam chyawm gaw, lai mat lu ai rai timung, Karai Kasang a myit ai hku hpe hkan galaw ai wa gaw, htani htana e anga nga ai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.

1 SAMUELA 12:23

Ngai chyawm gaw, nanhte a matu n hpyi nna, Yehowa hpe shut ai lam gaw, ngai hte tsan nga u ga law: dai mai kaja ai hte tengman ai lam hpe ngai nanhte hpe naw madun na nngai.