KOLOSE 1:6 - Jinghpaw Hanson Version Bible

⁶ Dai kabu gara shiga gaw, mungkan ting chyam hkra du dep wa ai hte, nanhte na yu nna Karai Kasang a chyeju hpe teng teng chye chyang lu ai nhtoi kaw nna, nanhte hta asi si nna kaba wa lu ai hte maren, mungkan ting e mung, asi si nna kaba wa lu ai.

Jinghpaw Common Language Bible 2009

⁶ Nanhte gaw Karai Kasang a chyeju lam hpe shawng nnan chye lu ai nhtoi kaw nna, dai chyeju hpe teng teng chye na hkam sha lu ai hte maren, dai Kabu Gara Shiga gaw nanhte kaw du dep sa wa ai. Dai hte maren, dai Kabu Gara Shiga gaw mungkan ting chyam bra wa nna asi law law si wa nga ai.

KOLOSE 1:6 ပူးပေါင်းရင်းမြစ်များ

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

SHAKAWN KUNGDAWN 98:3

Shi a chyeju hte sadi sahka, Israela a nta a matu shi dum nu ai: Lamu ga makau shagu hkan e mung, Anhte a Karai Kasang a hkye hkrang la ai lam mu lu masai.

MAHTE 24:14

Dai mungdan a kabu gara shiga gaw, masha amyu baw shagu a matu mara sakse tai lu u ga, mungkan ting hta e hkaw dan lu na rai nga ai; dai hpang e dai jahtum ai gaw du na ra ai.

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

MARKU 4:8

Bai, kaga gaw ga kaja hta hkrat ai; dai gaw asi si let, kaba wa ai hte grawng wa ai rai nna, dang sumshi, kru shi, latsa rai, mayat wa ai.”

YAWHAN 15:16

Nanhte ngai hpe lata la myit dai n rai, ngai she nanhte hpe lata la made ai rai nna, nanhte gaw pru sa nna, asi si na hte, nanhte a asi grin nga u ga, ngu nna mung, nye a amying hte Wa kaw nanhte hpyi mahpyi lu la mu ga, ngu nna mung, ngai nanhte hpe san da masade ai.

YAWHAN 17:19

Shanhte hkum nan, tengman ai lam hta chyoi pra nga mu ga, ngu nna ngai gaw shanhte a matu mara, nye hkum dai shachyoi shapra tawn se ai.

YAWHAN 4:23

Rai timung, tengman ai hku nawku ai ni gaw, wenyi hta mung, tengman ai hta mung, Wa hpe nawku na aten gaw, du wa ra ai rai nna, ya e pyi rai nga ai: Wa gaw shing rai nawku ai ni hpe tam nga ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 12:24

Dai Madu a mungga chyawm gaw galu kaba wa nna, maden jat wa sai.

KASA 16:14

Shaloi, Karai Kasang hpe nawku ai, Htuatira mare na, sumpan hkyeng dut ai num, Ludi ngu ai jan anhte a ga na la nna, Pawlu tsun dan ai lam hpe madat mara u ga nga, Madu gaw shi a myit hpaw ya wu ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

ROMA 1:13

Dai hta kaga, hpunau ni e, maigan amyu kaga ni hta akyu hkam la lu nngai hte maren, nanhte hta na mung langai ngai lu la n ga, nanhte hpang de sa du na law law lang a myit lu nga nngai rai timung, ya du hkra hkum shadang ai hkrum nngai hpe, nanhte n chye nga na ngai n ra nngai.

ROMA 15:19

Shing rai, dai ni hpe tau yu nna, Yerusalem kaw na Ituri mung ginwang grup hkra, Hkristu a kabu gara shiga ngai hkaw jahproi dan ni ai.

ROMA 15:28

Dai re ai majaw, ndai amu hpe galaw ngut nna, ndai shawang si hpe shanhte a man e dazik dawk da ngut jang, nanhte hpang hku hprang rai, Spani mung de ngai lai sa wa na nngai.

ROMA 16:26

ya e shadan dat ai sung ai shingran ga hku hkan let, nye a kabu gara shiga hte, Yesu Hkristu a lam hkaw dan ai ga hte maren, nanhte hpe shadaw shangang ya lu ai,

2 KORINHTU 10:14

Nanhte kaw du dep na matu ntsa hku chyan ga ai n re ai sha, anhte Hkristu a kabu gara ai shiga hte nanhte kaw mung du dep saga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

EHPESU 3:2

shawng e nanhte hpe loi mi ka dat ni ai hte maren, dai sung htum ai lam, shingran ga hte ngai hpe shana dat nngai gaw,

EHPESU 4:21

nanhte shi a ga na yu nna, dai tengman ai ga Yesu hta e nga nga ai hte maren, shi hta e sharin achyin hkam myit taw gaw,

EHPESU 4:23

nanhte a myit mang na wenyi hta ningnan wa tai nna,

EHPESU 5:9

Dai Madu a sharawng awng ai lam hpa rai nga ai gaw, dinglik yu nga let, nhtoi a kashu kasha ni zawn, a hkawm nga mu.

HPILIPI 1:11

nanhte a tsawra ai myit gaw chye chyang ai hte myit leng ai yawng hta grau nna jat htam wa na matu ngai a hpyi nga nngai.

HPILIPI 4:17

Shing rai ngai tsun nngai gaw, kumhpaw kumhpa hpe ngai tam nngai n rai, nanhte a akyu a matu mara, law htam wa na asi hpe sha ngai tam nga nngai.

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

1 HTESALONI 1:5

kaning rai nme law, anhte a kabu gara shiga gaw, mung sumtu hte sha du ai n rai, n-gun atsam hte, Chyoi pra ai Wenyi hte, maju jung ai grai wa hte, nanhte kaw e du lai wa sai; nanhte hte rau nga yang, nanhte a matu mara anhte kaning rai nga ga ai gaw, nanhte nan chye nga myit dai.

1 HTESALONI 2:13

Dai rai nna, anhte kaw nna na la ai Karai Kasang a mungga hpe nanhte hkam la myit dai shaloi e, masha a ga hpe zawn n rai, gaja wa teng teng rai nga ai hte maren, nanhte kamsham ai ni hta e a shachyen nga ai Karai Kasang a mungga hpe nanhte hta la manit dai majaw, anhte mung Karai Kasang hpe n sim n sa shakawn kungdawn a rai nga ga ai.

2 HTESALONI 2:13

Rai timung, dai Madu e tsawra nga ai hpunau ni e, nanhte a lam Karai Kasang hpe tutnawng e shakawn kungdawn na anhte ra nga ga ai: kaning rai nme law, Wenyi a shachyoi shapra na hte, tengman ai ga hpe kamsham na hta, hkye hkrang la ai hkrum na matu, Karai Kasang gaw shawng npawt kaw nna nanhte hpe lata la manit dai.

1 PETRU 5:12

Shing rai, dai lam gaw, Karai Kasang a chyeju lam teng teng rai nga ai hpe, shadum jahprang nna sakse hkam ya na matu, ngai nawn nga nngai hte maren, sadi sahka re ai Silwanu ngu ai hpunau a lata hte, ndai ga gadun ngai nanhte hpe ka ya dat nngai: ndai chyeju hta e mung nanhte anga nga myit dai.