KOLOSE 1:28 - Jinghpaw Hanson Version Bible

²⁸ Masha shagu hte hpe Hkristu a man e hkum tsup ai hte jashawn lu u ga, shi a lam anhte hkaw dan nna masha shagu hpe shadum jahprang ai hte, masha shagu hpe hpaji byeng-ya amyu myu hte sharin shaga nga ga ai.

Jinghpaw Common Language Bible 2009

²⁸ Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

KOLOSE 1:28 ပူးပေါင်းရင်းမြစ်များ

EZRA 7:25

Nang Ezra mung, na a Karai Kasang a nyan hpaji nang hta rawng nga ai hte maren, na a Karai Kasang a tara hpe chye na ai, Hka sinna hkran de nga ai ni mahkra hpe, tara dawdan ya na matu mung, dai hpe garai n chye ai ni hpe, sharin achyin ya na matu mung, du ni hte tara agyi ni hpe san da mu.

GA SHAGAWP 8:5

Hpaji tang ai ni e, htauli htaula rai nga mu: Angawk ai ni e, myit let nga mu.

HPAJI NINGLI 12:9

Dai hta n-ga, Tara Hkaw Sara gaw, hpaji rawng ai wa rai nga ai majaw, mung masha ni hpe sharin achyin ya nga ai; gaja wa, shi sumru yu nna sawk yu let, ga shagawp law law hpajang da nu ai.

YEREMIA 3:15

Bai ngai gaw, ngai tsawra ai hpung up ni hpe dang da nna, shanhte gaw chye chyang ai nyan hpaji hte nanhte hpe woi up na mara ai.

YEREMIA 6:10

Shanhte madat mara lu hkra, ngai kadai hpe ga tsun nna, sakse shatai na rai ta? yu u, shanhte a na matu gadoi n hkam ai na rai nna, n madat mara lu ma ai; Yehowa a mungga gaw shanhte a jahpoi shara rai nga ai; dai hta sharawng awng ma ai n rai.

EZEKELA 7:10

Dai nhtoi hpe yu u; gaja wa dai du ra ai; nang ari hkrum sha na, dawdan ngut sai; shingna pu pu sai, gumrawng gumtawng asi si sai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

MAHTE 3:7

Ya Hparishe hte Saduke masha law law wa baptisma hkam la na nga sa ma ai hpe shi mu mu yang, shanhte hpe shi tsun mu ai gaw, “Pu htum amyu ni e, du magang ra ai yubak ari hta na hprawng wa lu myit ga, nanhte hpe kadai shadum da myit ta?

MAHTE 5:48

Dai majaw, sumsing lamu na nanhte a Kawa gaw kup nga ai hte maren, nanhte mung kup kup rai nga mu.

MARKU 6:34

Shing rai shi pru nna masha wunawng kaba mu mada ai hte shanhte gaw rem ai wa n nang ai sagu hpung hte bung nga ma ai majaw, shi shanhte hpe matsan dum nna, law law wa sharin shaga ya mu ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

KASA 10:36

Nga yawng nga pra Madu rai nga ai Yesu Hkristu a marang e ngwipyaw ai hte seng ai kabu gara shiga hkaw tsun dan u ga nga, Israela kashu kasha ni kaw shangun dat ai mungga ngu ai:

KASA 11:20

Rai timung, shanhte hta na Kupru hte Kureni mung na ni nkau mi, Antioki de hkan du ma ai rai nna, Madu Yesu a kabu gara shiga, Heleni masha ni hpe mung tsun dan ma ai.

KASA 13:38

Dai re ai majaw, hpunau ni e, dai wa a marang e, yubak raw dat kau lu na ahkang, nanhte hpe hkaw dan nga ai gaw, chye nga mu:

KASA 17:18

Dai rai nna, Epikuri lam hte Sto-i lam hkan ai hpaji sara ni nkau mi, shi hte dangrang hkat ma ai rai nna, nkau mi gaw, “Ndai baw law ai wa hpa tsun mayu nga ai kun?” nga nna mung, nkau mi gaw, “Hpara kaga ni a lam tsun dan ai wa rai sam ai,” nga nna mung, tsun shajang ma ai: dai gaw, shi Yesu a lam hte bai hkrung rawt wa ai lam tsun dan ai majaw rai nga ai.

KASA 17:3

Hkristu gaw nni nkri hkrum lu na hte, si ai kaw na bai hkrung rawt wa na gaw, shi a lam rai nga ai, nga nna mung, Ngai nanhte hpe tsun dan ai Yesu gaw, dai Hkristu nan rai nga ai, nga nna mung, shanhte hpe jahprang mu ai.

KASA 20:31

Dai re ai majaw, ngai nanhte mahkra hpe masum ning tup shani shana n sim n sa myi prwi hte shadum jahprang da ai hpe, dum nna a maja nga mu.

KASA 3:20

Yesu ngu ai, nanhte a matu san da ya ai Hkristu hpe, shi shangun dat ya ru ga, nanhte a yubak raw mat na matu, myit malai lu nna kayin wa marit;

KASA 5:42

Dai rai timung, shanhte shani shagu nawku Htingnu hta mung, nta hkan e mung, Yesu gaw Hkristu rai nga ai, nga nna a hkaw a tsun nga ma ai.

KASA 8:35

Shaloi Hpilip ga tsun hpaw nna, dai laika hta ga sharawt nhtawm, Yesu hte seng ai kabu gara shiga, shi hpe hkai dan wu ai.

KASA 8:5

Shaloi Hpilip gaw Samari mare de sa wa nna, Hkristu a lam hkaw tsun dan wu ai.

KASA 9:20

Yesu gaw Karai Kasang a kasha rai nga ai, nga nna shaloi jang tara jawng ni hta hkaw dan nga ai.

ROMA 16:25

Amyu baw shagu makam masham a madat mara ai lu la hkra, htani htana Karai Kasang a matsun maroi ga majaw, myihtoi laika ni a jaw e kajai gara pri rai nga ai, chyi nma hpri nhpra e kyem da nhtawm,

1 KORINHTU 1:23

anhte chyawm gaw, Wudang hta jen da hkrum ai Hkristu a lam hkaw dan ga ai; dai wa Yuda ni a man e myit kataw shara, maigan amyu ni a man e angawk angak, rai nga ai:

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

1 KORINHTU 12:8

Kaning rai nme law, langai mi hpe, dai Wenyi a jaw e, hpaji mungga; kaga wa hpe dai Wenyi a jaw e chye chyang ai mungga;

1 KORINHTU 15:12

Ya Hkristu gaw si mat ai ni kaw na bai hkrung rawt wa sai, hkaw dan nga ga yang, si mat ai ni a bai hkrung rawt wa ai lam n nga ai, nga nna nanhte hta na nkau mi kaning rai tsun lu nga myit ta?

1 KORINHTU 2:15

Wenyi rawng ai wa chyawm gaw yawng mayawng hte hpe jeyang lu nga ai; shi hpe mahtang gaw kadai rai timung jeyang ya lu ai n rai.

1 KORINHTU 2:6

Rai timung, anhte gaw kup tsup ai ni hpe hpaji byeng-ya tsun dan ga ai: ndai mungkan ga na hpaji byeng-ya n rai; ndai mungkan ga na hten bya nga ma ai du ni a hpaji byeng-ya mung n re ai sha,

1 KORINHTU 4:14

Nanhte hpe kaya jahkrum na, ndai lam ngai ka da nngai n rai; ngai tsawra ai sha ni hpe zawn ngai nanhte hpe shadum jahprang made ai.

2 KORINHTU 10:14

Nanhte kaw du dep na matu ntsa hku chyan ga ai n re ai sha, anhte Hkristu a kabu gara ai shiga hte nanhte kaw mung du dep saga ai.

2 KORINHTU 11:2

Kaning rai nme law, Karai Kasang a nja nhpra ai hte maren, ngai nanhte a lam nja nhpra rai nga nngai; nanhte hpe hkawnsek hpe zawn Hkristu kaw jaw ya nna, madu langai sha hte ngai nanhte hpe hkungran ya made ai.

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

EHPESU 5:27

chyoi pra ai hte mara n rawng ai hpung shingkang rawng ai Hpung hpe shi hkum nan a matu mara ap tawn da na, de a matu shi hkum nan hpe ap kau wu ai.

TARA JAHPRANG 4:5

Yu u, nanhte wa nna shang sha lu ai mungdan hta hkan nang nga na matsun maroi ga hte hkang ai tara gaw, nye a Karai Kasang Yehowa tsun da ai hte maren ngai nanhte hpe sharin achyin da ma masade ai.

KOLOSE 1:22

dai makam masham hta nga nga nna, de a npawt manat let da hpran nga myit yang gaw, chyoi pra nna agang chyalang n kap ai hte mara n rawng ai ni hpe, shi a man e jashawn myit ga,

KOLOSE 2:10

Shi hta e mung nanhte hkum tsup nga myit dai; shi gaw du aya lu ai hte ahkang aya lu ai ni yawng mayawng a baw rai nga ai.

KOLOSE 2:3

Hkristu hta e chyawm gaw hpaji byeng-ya hte chye chyang ai lam ngu ai sutgan yawng mayawng kyem da nga ai.

KOLOSE 3:16

Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.

KOLOSE 4:12

Nanhte kaw na rai nga ai Hkristu Yesu a mayam Epahpra gaw nanhte hpe shakram dat myit dai: nanhte gaw Karai Kasang a myit mang ai hku nlang hte hta hkum tsup ai hte dinggrin nga let lahpran tsap nga lu myit ga, dai akyu hpyi ai hta shi nanhte a matu mara tutnawng e shingjawng hkat nga ai.

1 HTESALONI 4:6

Anhte shawng e nanhte hpe tsun dan nna sakse hkam ya made ai hte maren, Karai Kasang gaw ndai lam yawng hte a matai dawp ai wa rai nga ai.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

1 TIMOHTI 3:2

Dai re ai majaw Hpung up wa gaw, mara n kap ai wa, num langai sha lu ai wa, sadi sahka ai, myit gring ai, si si re ai, manam daw ai lam sharawng ai hte sharin shaga maka rawng ai wa, rai lu na rai;

HEBRE 10:14

Kaning rai nme law, shi gaw nawng ya ai hkungga langai sha hte, shachyoi shapra hkrum ai ni hpe prat dingsa na matu jahkum shatsup ya wu ai.

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.

2 PETRU 3:15

Anhte a tsawra ai hpunau Pawlu mung, shi lu la ai nyan a hpaji majaw, nanhte hpe ka dat nna, shi a shagun dat ai laika ni yawng hte hta e ka dat nu ai hte maren, dai Madu a galu kaba ai chyeju myit gaw hkye hkrang la ai lam rai nga ai, ngu nna myit tau la nga mu.