KOLOSE 1:27 - Jinghpaw Hanson Version Bible

²⁷ Dai sung htum ai lam chyawm gaw, shi a chyoi pra ai ni hpe ya e shadan dan nu ai; ndai sung htum ai lam a hpung shingkang ngu ai sutgan gaw, maigan masha ni hta hpa rai nga ai gaw, shanhte hpe shadan dan u ga, Karai Kasang gaw ra nga ai: dai gaw, Hkristu gaw nanhte hta e nga ai hpe, hpung shingkang myit mada ai lam ngu ai, rai nga ai.

Jinghpaw Common Language Bible 2009

²⁷ Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

KOLOSE 1:27 ပူးပေါင်းရင်းမြစ်များ

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

LUKA 17:21

dai hte maren, ‘Yu mu, nang e nga nga ai, wonang nga nga ai, nga nna mung tsun lu na ma ai, n rai:’ kaning rai nme law, Karai Kasang a mungdan gaw, nanhte a kata e rai nga ai,” ngu nna shanhte hpe htan mu ai.

YAWHAN 14:17

mungkan ga gaw dai Wenyi hpe n mu n chye ma ai majaw, n hkap la lu ma ai: nanhte chyawm gaw dai Wenyi hpe chye nga myit dai; kaning rai nme law, shi gaw nanhte hte rau rai nga ai, nanhte hta mung rawng nga na ra ai.

YAWHAN 14:20

Ngai gaw nye Wa hta nga nga nngai mung, nanhte ngai hta nga nga myit dai mung, ngai nanhte hta nga nga nngai mung, dai shani e nanhte chye lu na marin dai.

YAWHAN 14:23

Yesu gaw, “Ngai e tsawra ai wa rai yang gaw, nye ga matsun hkan shatup na ra ai: nye Wa mung dai wa hpe tsawra na wu ai rai nna, an lahkawng gaw dai wa kaw sa nna shi hte rau hpawng de nga na ga ai.

YAWHAN 17:26

nang ngai e tsawra ai n-gaw nwai myit gaw, shanhte hta anga nga u ga mung, ngai shanhte hta anga nga na matu mung, na a mying ningsang hpe ngai shanhte e shachye shachyang mase ai rai nna, a shachye shachyang nga na nngai law,” nga ai.

YAWHAN 6:56

Nye a ashan sha nna, nye a asai lu ai wa gaw, ngai hta rawng nga ai; dai wa hta mung ngai rawng nga nngai.

ROMA 11:33

Karai Kasang a n taw n tsang ai hpaji byeng-ya hte chye chyang ai myit gaw, gade wa sung nga a hka! kadai n sawk ya lu ai shi a jeyang ai hku, kadai n gawn ya lu ai shi a ningsang magam lam ni gaw, mau n ma rai nga ai.

ROMA 2:4

Karai Kasang a chyeju gaw myit malai lu hkra nang hpe woi awn wa nit dai hpe n chye n dum let, shi a n taw n tsang ai chyeju mung, myit sharang ai hte myit galu kaba ai hpe mung, nang n kaw n law a di da wu ni?

ROMA 5:2

Yesu a gawp e mung, ya lu la sagaw ai chyeju hta e, anhte kamsham ai hte shang lu saga ai rai nna, Karai Kasang a hpung shingkang hpe myit mada nga let, kabu gumrawng nga ga ai.

ROMA 8:10

Hkristu gaw nanhte hta e nga nga a yang gaw, hkumhkrang gaw yubak a majaw si nga rai timung, wenyi mahtang dinghpring ai a majaw ahkrung nga ai.

ROMA 9:23

hpung shingkang a matu shawng e lajang da ai chyeju di ngu ai, Yuda ni hta sha n rai, maigan amyu ni hta na mung,

1 KORINHTU 3:16

Nanhte gaw Karai kasang a nawku htingnu rai nga nna, Karai Kasang a Wenyi gaw nanhte hta e rawng nga malit dai hpe, nanhte n chye nga myit ni?

2 KORINHTU 2:14

Rai timung, anhte hpe Hkristu hta tutnawng e padang manau hta nlaw shangun nna, shi a chye chyang ai manam pyaw bat anhte a lata hte shara shagu hkan e shapraw shadan ai Karai Kasang gaw, a nga u ga law.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

2 KORINHTU 6:16

Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

GALATI 4:19

Nye a ma kaji ni e, Hkristu a shing-yan nanhte hta hkum wa ai du hkra, shangai wa ai shinggyim machyi hpe ngai nanhte a matu naw hkam nga nngai.

EHPESU 1:7

Shi a n taw n tsang ai chyeju a majaw mung, tsawra htum ai Kasha a asai hta nan, htingrai htingrat na lam hte, yubak hpe raw dat kau na akyu, anhte lu la sagaw ai:

EHPESU 2:22

Wenyi a jaw e Karai Kasang a rawng nga na wahpang tai myit ga, nanhte mung shi hta e jawm de nga myit dai.

HPILIPI 4:19

Nye a Karai Kasang chyawm gaw, shi sutgan su nga ai hte maren, Hkristu Yesu hta e hpung shingkang hte nanhte a ra mara hte hpe jahkum shatsup na marin dai.

KOLOSE 1:5

dai myit mada ai a lam nanhte kaw du dep ai tengman ai kabu gara shiga a majaw, nanhte shawng e na yu manit dai.

KOLOSE 2:3

Hkristu hta e chyawm gaw hpaji byeng-ya hte chye chyang ai lam ngu ai sutgan yawng mayawng kyem da nga ai.

KOLOSE 3:11

dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.

1 TIMOHTI 1:1

Anhte a Hkye hkrang la ai Madu Karai Kasang hte, anhte a myit mada shara rai nga ai Hkristu Yesu a htet da ai hte maren, Hkristu Yesu a kasa rai nga ai, ngai Pawlu gaw, dai makam masham hta nye a kasha majing rai nga ai Timohti hpe ga shana dat nngai.

HEBRE 6:19

Dai myit mada shara chyawm gaw, anhte a myit masin a matu hpri chyinghkyi tai nga ai rai nna, dai gaw ngang mung ngang, grin mung grin rai nga ai hte, nba grang a nhku maga de nga ai chyeju du hkra shang manoi nga ai;

1 YAWHAN 4:4

Shu sha ni e, nanhte gaw Karai Kasang kaw na rai nga myit dai rai nna, shanhte hpe dang kau manu ai: kaning rai nme law, nanhte hta e rawng nga ai wa gaw, mungkan ga e nga nga ai wa hta grau nna kaba nga ai.

SHINGRAN 3:20

Yu u, ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai timung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.