KOLOSE 1:24 - Jinghpaw Hanson Version Bible

²⁴ Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

Jinghpaw Common Language Bible 2009

²⁴ Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 1:24 ပူးပေါင်းရင်းမြစ်များ

MARKU 10:39

Shan gaw, “An rai lu na ga ai,” ngu mu ai. Bai Yesu gaw, “Ngai lu nga ai gawm hpe, nan mung lu na rai nga myit dai; ngai hkam la na baptisma hpe mung, nan hkam la na rai nga myit dai:

KASA 5:41

Shanhte chyawm gaw, Amying ningsang de a majaw she, kaya hkrum na gaw, ging nga ga ai, nga nna myit la ai majaw, kabu gara ai myit hte dai salang hpawng na pru wa ma ai.

ROMA 5:3

Dai hta n-ga, tsin-yam tsindam hta e mung anhte kabu gumrawng ga ai; tsin-yam tsindam mahtang gaw shakut sharang ai,

ROMA 8:17

Kashu kasha rai nga ga yang gaw, sali wunli hkam la ai ni mung anhte rai nga ga ai; Hkristu hte rau hpung shingkang hkam la lu hkra, shi hte rau nni nkri hkrum nga ga yang gaw, Karai Kasang a sali wunli hkam la ai ni hte, Hkristu hte rum ai sali wunli hkam la ai ni, anhte rai nga ga ai.

1 KORINHTU 12:27

Ya nanhte gaw Hkristu a hkumhkrang rai nga ai hte, langai hte langai de a daw shan ni rai nga myit dai.

2 KORINHTU 12:15

Ngai chyawm gaw nanhte a myit masin a matu sutgan jahkrat mayu ai hta n-ga, nye a hkum hpe pyi jahkrat na grau nna ra nga nngai. Nanhte hpe ning rai ladu lai hkra tsawra nga nngai majaw, ngai hpe n dawng n yawt na mai nga a ni?

2 KORINHTU 6:10

adup achyin hkrum ai ni zawn rai timung, n si n mat ai ni; yawn hkyen hkrum ai ni zawn rai timung, tutnawng e a kabu nga ai ni; matsan mayan re ai ni zawn rai timung, masha law law hpe shalu jasu chye ai ni; hpa n lu ai ni zawn rai timung, yawng mayawng hpe madu nga ai ni rai nga ga ai rai nna, Karai Kasang a bungli daw ai sara ni rai nga ga ai gaw, lam shagu hta anhte hkum marai dan nga ga ai.

2 KORINHTU 7:4

Nanhte a man e nachying nden ja ai myit ngai rawng nga nngai; nanhte a matu mara ngai grai gumrawng nga nngai; ngwipyaw ai hte ngai hpring chyat nga nngai; anhte a tsin-yam tsindam shagu hta ladu lai hkra kabu gara nga nga nngai.

EHPESU 1:23

dai Hpung gaw, yawng mayawng hpe jahpring shatsup lu ai wa a hkum tsup ngu ai Hkristu a hkumhkrang rai nga ai.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

EHPESU 3:13

Dai re ai majaw, nanhte a matu mara ngai hkam ai tsin-yam tsindam hta nanhte myit n hten u ga, ngai hpyi nem nga nngai: dai tsin-yam gaw nanhte a arawng sadang rai nga malit dai.

HPILIPI 3:10

si mat ai ni a bai rawt wa na lam hta ngai mung dep lu hkra, shi hte shi a bai rawt ai lam a atsam chye lu nna, shi a nni nkri hkrum ai hta kanawn lu na hte, shi a si hkam ai hpe hkan dagraw lu u ga,

KOLOSE 1:18

Dai Hpung ngu ai hkumhkrang a baw, shi rai nga ai. Shi nan lam shagu hta grau ai nhtung nhka tai wa u ga, shi gaw npawt nhpang hte si mat ai ni kaw na alat ningshawng rai nga ai.

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

YAKU 1:2

Nye a hpunau ni e, nanhte a kamsham ai myit hpe dinglik yu ai hkrum yang, shakut sharang chye ai myit jat nga ai hpe, nanhte chye nga myit dai majaw,