KOLOSE 1:23 - Jinghpaw Hanson Version Bible

²³ shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

Jinghpaw Common Language Bible 2009

²³ Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

KOLOSE 1:23 ပူးပေါင်းရင်းမြစ်များ

SHAKAWN KUNGDAWN 125:5

Magaw ai lam de shang mat wa ai ni hpe chyawm gaw, Yehowa gaw yubak galaw ai ni hte rau, jahten kau mu ga: Israela ntsa e, ngwipyaw ai gaw anga nga u ga law.

SHARUNG SHAYAWT 3:66

Nang pawt bu hte shanhte hpe hkan shachyut nna, Yehowa sumsing lamu npu na, shamyit kau na mu ai.

EZEKELA 18:26

Dinghpring ai wa gaw htak mat nna, shut hpyit ai amu galaw yang, dai amu majaw shi si na ra ai; shi galaw yu ai shut hpyit ai hte shi si na ra ai.

ZEHPANI 1:6

Yehowa kaw na htak mat wa ai ni hte, Yehowa hpe galoi n hkan tam ai ni hpe mung, jahtum kau na nngai.

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

LUKA 22:32

rai timung na a kamsham ai myit n hten lit ga, ngu nna na a matu ngai akyu hpyi da ni ai; nang bai kayin dum yang, na nhpu nnau ni hpe shangang shakang ya u,” ngu wu ai.

LUKA 6:48

dai wa gaw, wahpang gaw yang, sung sung htu nna lunghkrung ntsa e npawt gaw ai wa hte bung nga ai: hka rawt hka tung wa yang, hka hpungla ni dai nta hpe ahtu adawt rai timung, ngang ngang kang kang gaw da sai majaw, dai hpe n shamawt lu ai.

YAWHAN 15:6

Ngai hta n jung n noi ai wa gaw, lakung lakying hpe zawn kabai kau ai hkrum nna hkraw mat wa ai hte, masha ni e magawn la nhtawm, wan hta kabai bang nna, hkru krawp mat ai kaw du wa ai.

KASA 1:17

Kaning rai nme law, dai wa gaw anhte hta hti lawm nna, ndai sara aya hta shi hte seng ai kumhtaw lu la nu ai.

KASA 1:25

kau da ai shi a sara aya hte kasa ahkang hpe, kadai lu la na gaw, ndai yan hta gara mahtang hpe nang lata la ai madun ya mi,” nga nna hpyi ma ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 11:23

Dai wa du nna, Karai Kasang a chyeju mu lu yang, kabu gara nga ai hte, shanhte dai Madu hta lashum shawt manoi manat nga na matu, nlang hte hpe shadum jahprang mu ai:

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

KASA 2:5

Dai shaloi e sumsing lamu a npu e nga ai masha amyu shagu hta na, tara hkungga ai Yuda masha, Yerusalem mare e nga nga ma ai.

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 26:16

Rai timung, rawt u, jan rai tsap u: kaning rai nme law, nang ngai hpe mu mada lu sai lam hte, ngai nang hpe naw madun na ra de ai lam ni a matu, amu gun hpai masha hte sakse wa shatai na san da de ga, ngu nna ya nang kaw ngai dan pru ring ngai:

KASA 4:12

Shi hta shaje hkye krang la ai lam n nga sai; anhte hkye hkrang la kaw du lu na matu, sumsing lamu a npu, shinggyim masha ni hta jaw ya ai amying ningsang shaje, kanang mung n nga sai,” ngu nna htan wu ai.

ROMA 10:18

Rai timung, ngai tsun nngai gaw, Shanhte n na yu ma hka kun? Gaja wa teng teng, “Mung shagu hkan e shanhte a nsen gaw, Mungkan ting hta shanhte a mungga pri rai wa sai,” nga ai.

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

ROMA 2:7

kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

ROMA 5:5

dai myit mada ai chyawm gaw, kaya kahpa jahkrum mi ai n rai: kaning rai nme law anhte hpe jaw da sai Chyoi pra ai Wenyi e Karai Kasang a tsawra ai myit, anhte a kraw lawang hta e ru bang ya ma ni ai.

1 KORINHTU 15:58

Dai re ai majaw ngai tsaw ngai ra ai hpunau e, nanhte gun hpai ai amu gaw dai Madu hta e kaman lila n rai nga ai dum chye nga let, ngang ngang kang kang, dakring dalang nga nga nna, dai Madu a bungli hta tutnawng e tsam mari shakut sharang nga nga mu law.

1 KORINHTU 3:5

Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

2 KORINHTU 11:23

Shanhte Hkristu a bungli gun hpai ai ni rai ma yang gaw, ngai mahtang grau nna rai nga nngai, ngu nna mana bu ai wa zawn ngai tsun nngai. Amu bungli grau nna ngai galaw nngai; htawng hkrat ai grau nna ngai hkrum nngai; ladu lai ai shingna ngai hkam ni ai; si hkrung si htan law law lang ngai hkrum nngai.

2 KORINHTU 3:6

ningnan ga shaka sara tai na shi anhte hpe shaging sharam ma ni ai; dai ga shaka gaw, laika hkum hta na n re ai sha, Wenyi hta na rai nga ai: kaning rai nme law, laika hkum gaw sat kau chye ai, Wenyi chyawm gaw jahkrung ya lu ai.

2 KORINHTU 4:1

Dai rai nna, chyeju lu la sagaw ai hte maren, ndai ahkang aya gun hpai lu ga ai majaw, anhte n hki n sang ga ai:

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 4:11

Ngai gaw nanhte kaw kaman lila sha shakut sharang kau nga nngai nhten, ngu nna nanhte a lam ngai myit tsang nga nngai.

GALATI 5:5

Anhte mahtang gaw, dinghpring ai lu la na myit mada ai lam hpe, dai Wenyi a jaw e kamsham ai hte a la nga ga ai.

GALATI 5:7

Nanhte atsawm sha kagat yu manit dai: dai tengman ai lam hpe n madat myit ga, nanhte hpe kadai hkum shadang myit ta?

GALATI 6:9

Kaja ai amu galaw na, anhte n hki n sang nga ga: kaning rai nme law, anhte myit n yaw ga yang gaw, aten ladaw du jang, anhte dan la na ra ga ai.

EHPESU 1:18

shi shaga la ai a jaw e myit mada shara gaw gade wa kaba nga ai mung; n taw n tsang ai hpung shingkang rawng ai shi a sali wunli gaw chyoi pra ai ni hta e gade wa kaba nga ai mung; kamsham nga ai anhte hta e shi a nachying galu kaba htum ai atsam gaw, gade wa galu kaba nga ai mung,

EHPESU 2:21

shi hta e wahpang langai hte langai, matut manoi htuk shachyaw sai rai nna, dai Madu hta e chyoi pra ai nawku htingnu de kaba wa sai:

EHPESU 3:17

Hkristu gaw nanhte a kraw lawang e makam masham hte shanu nga lu u ga, shi a n taw n tsang ai hpung shingkang hte maren, nanhte hpe chyeju gam jaw na hte,

EHPESU 4:16

shi kaw nna, dai hkum ting gaw, hkrihkraw lamyi ni yawng lanawn ya ai a marang e, matut manoi htuk nna shachyaw nga let, daw shan ni langai hte langai shachyen lu ai hte maren, tsawra ai hta de shatup hkra, tinang kung kaba wa ai lam, dai hkumhkrang gaw shabyin wu ai.

TARA JAHPRANG 2:25

Sumsing lamu a npu e nga ai masha amyu nlang hte hpe, dai ni kaw nna nang hpe hkrit gari ai hte ma shajang shangun na mawe ai; shanhte gaw na a shi na jang, na a majaw shanhte gari kanan nna myit htum shajang na ma ai,’ nga nna tsun dat nngai.

TARA JAHPRANG 4:19

sumsing lamu de mada yu nna mung, na a Karai Kasang Yehowa gaw sumsing lamu a npu na shinggyim masha ni a matu san da ai ja, shata, shagan ni ngu ai sumsing lamu a zaw nawng zaw wa ni hpe mu lu myit dai shaloi, dai hpe nawku ga nga yang, nanhte n naw n ku na hte n hkan nang shut lu hkra, tinang dai tinang sadi nga mu.

KOLOSE 1:25

Moi chyaloi nhkoi prat mi hte prat mi makoi magap da ai sung htum ai lam ngu ai Karai Kasang a mungga hpe jahkum shatsup nga u ga.

KOLOSE 2:7

shi hta e ru jung nna gaw da nga ai hte, nanhte sharin achyin la ai hte maren, nanhte a makam masham hta ngang ngang hkang hkang rai nga let, dai hta e shakawn kungdawn ai hte law htam wa mu.

1 HTESALONI 3:3

Hkristu a kabu gara shiga hta Karai Kasang a shangun ma rai nga ai anhte a hpunau Timohti hpe shangun dat gaw ai: tsin-yam tsindam hkrum na matu san da sai ni anhte rai nga ga ai, nanhte nan chye nga myit dai.

1 HTESALONI 3:5

Dai rai nna ngai naw n sharang nga lu nngai majaw, gunglau ai wa gaw nanhte hpe gunglau ai hte anhte a bungli kaman lila tai mat nhten, nga nna nanhte a makam masham hpe chye lu na, ngai shangun dat we ai.

1 HTESALONI 5:8

Anhte chyawm gaw shani hte seng ga ai majaw, htauli htaula rai nga nna, makam masham hte tsawra ngu ai sinda magap hpe dagap nga ai hte, hkye hkrang la ai de myit mada ai lam ngu ai hpri gup chyawp hpe chyawp nga ga.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

1 TIMOHTI 1:12

Ngai hpe kangka re ai wa nawn nna, dai aya hta ngai hpe dang da ai majaw, ngai hpe n-gun shaja ya ai, anhte a Madu Hkristu Yesu hpe nan, ngai shakawn kungdawn nngai.

1 TIMOHTI 2:7

Dai sakse hkam ai hta, ngai gaw tara hkaw ai wa hte kasa rai nga nna, maigan amyu ni a kangka hte tengman ai sharin shaga ai wa ngai rai nga nngai: ning nga ngai tsun nngai gaw, tengman ai ga ngai tsun nga nngai, ngai n masu nngai law.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

TITU 3:7

dai rai nna, shi a chyeju hte dinghpring ai hkrum lu ga ai majaw, htani htana asak lu la na lam myit mada nga ai hte maren, anhte sali wunli hkam la ai ni rai na ga ai.

HEBRE 10:38

Nye a dinghpring ai wa chyawm gaw, kamsham ai hte hkrung na ra ai. Shi sit kanut mat wa yang gaw Nye a myit masin, shi hta sharawng awng na n rai,” nga ai.

HEBRE 3:14

kaning rai nme law, anhte a myit maju jung ai a npawt nhpang hta, jahtum nhtoi du hkra ngang ngang manat nga ga yang gaw, Hkristu hte jawm hpawng ai ni anhte rai nga ga ai.

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

HEBRE 4:14

Dai rai nna, sumsing lamu de hkrang shang wa sai hkinjawng agyi kaba ngu ai, Karai Kasang a Kasha Yesu gaw anhte lu ga ai majaw anhte yin la ai nawku htung hta maju jung nga ga.

HEBRE 6:19

Dai myit mada shara chyawm gaw, anhte a myit masin a matu hpri chyinghkyi tai nga ai rai nna, dai gaw ngang mung ngang, grin mung grin rai nga ai hte, nba grang a nhku maga de nga ai chyeju du hkra shang manoi nga ai;

1 PETRU 1:3

Anhte a Madu Yesu Hkristu a Kawa Karai Kasang gaw a nga u ga: si mat ai ni kaw na Yesu Hkristu a bai hkrung rawt wa ai a marang e, ahkrung nga ai myit mada shara hte,

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.

1 YAWHAN 2:27

Nanhte hta chyawm gaw, shi kaw nna nanhte lu la ai nam man chya ai chyeju gaw, anga nga ai rai nna, kadai wa mi nanhte hpe sharin shaga lu na shara n nga ai. Rai timung, shi a namman chya ai chyeju gaw, lam shagu hta e nanhte hpe sharin shaga nga ai hte, dai gaw tengman nga ai rai nna, masu ai hpa n lawm ai sha, nanhte hpe sharin shaga nga ai hte maren, shi hta e nanhte anga nga myit dai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.