KOLOSE 1:18 - Jinghpaw Hanson Version Bible

¹⁸ Dai Hpung ngu ai hkumhkrang a baw, shi rai nga ai. Shi nan lam shagu hta grau ai nhtung nhka tai wa u ga, shi gaw npawt nhpang hte si mat ai ni kaw na alat ningshawng rai nga ai.

Jinghpaw Common Language Bible 2009

¹⁸ Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

KOLOSE 1:18 ပူးပေါင်းရင်းမြစ်များ

SHAKAWN KUNGDAWN 89:27

Ngai mung kasha alat shara shi hpe jaw da nna, Mungdan hkawhkam ni hta grau kaba ai wa shatai na we ai.

Shawlumon A Mahkawn Ga 5:10

Ngai tsawra ai wa gaw, hpraw ai hkyeng ai ningchya pru nna, Masha mun mi hta, dawnghkawn zawn rai nga ai.

ESAIA 52:13

Yu mu, nye a shangun ma gaw awng wa na ra ai: shi gaw shagrau shatsaw hkrum ai hte, hpung shingkang rawng nna, nachying galu kaba na ra ai.

MAHTE 23:8

Nanhte mahtang gaw, ‘Rabai,’ ngu nna shamying na hpe hkum ra myit: nanhte a Sara gaw langai sha rai nga ai rai nna, nanhte yawng kahpu kanau ni rai nga myit dai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

YAWHAN 1:1

Shawng ningpawt e Mungga nga ai; dai Mungga gaw Karai Kasang hte rau rai nga ai rai nna, dai Mungga nan Karai Kasang rai nga ai.

YAWHAN 1:16

Kaning rai nme law, anhte mahkra gaw, shi a hkum tsup ai hta na, chyeju htap mi hta htap mi, lu la saga ai.

YAWHAN 1:27

dai wa gaw nye a hpang e du sa ai wa rai nga ai; shi a kyepdin sumri pyi ngai n raw ging nngai,” ngu nna shanhte hpe htan mu ai.

KASA 26:23

Hkristu nni nkri hkrum lu na hte, si ai ni kaw na shawng hkrung rawt wa lu nna, shi a amyu hte maigan amyu ni hpe nhtoi lam madun dan lu na ra ai, nga nna byin wa na ra ai lam ni a matu, myihtoi ni hte Mawshe tsun ai lam hta kaga, ngai hpa mung n tsun jan nngai,” ngu wu ai.

ROMA 8:29

Kaning rai nme law, shi a Kasha gaw kahpu kanau lanlak hta e alat ningshawng tai u ga, shawng nna chye tawn da ai ni hpe, shi a Kasha a gawng shing-yan hte bung na matu, shi shanhte hpe shawng nna san tawn da mu ai:

1 KORINHTU 11:3

Rai timung, lasha nlang hte a baw gaw, Hkristu rai nga ai, numsha a baw gaw lasha rai nga ai, Hkristu a baw chyawm gaw, Karai Kasang rai nga ai hpe nanhte chye myit ga, ngai ra nga nngai.

1 KORINHTU 12:27

Ya nanhte gaw Hkristu a hkumhkrang rai nga ai hte, langai hte langai de a daw shan ni rai nga myit dai.

1 KORINHTU 15:25

kaning rai nme law, gumlau ni yawng hte hpe shi a lagaw npu e tawn da ai du hkra, shi up ai ahkang aya lu la na ru ai.

EHPESU 1:10

dai sung htum ai lam chyawm gaw, shi a sharawng awng ai myit hku hkan nna, Hkristu hta e myit shatawng da sai hte maren, madat da ai aten ladaw du wa yang, sumsing lamu tang na arai hpe mung, ginding aga na arai hpe mung, nga manga hte hpe Hkristu hta e gumhpawn tawn da na ru ai lam, rai nga ai.

EHPESU 5:23

kaning rai nme law, Hkristu gaw dai Hpung a baw rai nga ai zawn, dai madu wa mung madu jan a baw rai nga ai: Hkristu shi hkum nan dai hkumhkrang a Hkye hkrang la ai Madu rai nga ai.

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

KOLOSE 2:19

dai baw hta nna, hkum ting gaw hkrihkraw lamyi hte lasa ni hta lanawn ya ai hkrum nna shachyaw nga let, Karai Kasang a kaba wa shangun ai hte kaba wa nga ai.

1 YAWHAN 1:1

Shawng npawt kaw nna nga ai rai nna, anhte na yu ai hte, anhte a myi hte mu yu ai hpe, anhte mada yu ai hte anhte a lata hte hkra ai, asak hkrung ai mungga a lam, anhte nanhte hpe gawn dan ga ai;

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 1:5

kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

SHINGRAN 1:8

“Ngai gaw Alhpa mung rai nga nngai, Omega mung rai nga nngai,” nga nna ndai aprat e, moi na aprat e anga nga ai hte, htawm hpang du na ra ai wa, Chyahtum chyalai n-gun rawng ai Madu Karai Kasang gaw tsun nga ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 21:6

Dai hta kaga shi gaw, “Dai hte gaw ngut mat sai; ngai gaw Alhpa hte Omega, apawt ningshawng mung, ahpang jahtum mung, rai nga nngai: hpang kara ai wa hpe asak hka hpawk na ntsin, manu jahpu n hpyi ai sha, ngai jaw na we ai.

SHINGRAN 22:13

Ngai gaw Alhpa hte Omega, ningshawng wa hte jahtum wa, apawt ningshawng mung, ahpang jahtum mung, ngai rai nga nngai.

SHINGRAN 3:14

Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai: