KOLOSE 1:15 - Jinghpaw Hanson Version Bible

¹⁵ Shi gaw myi e n mu lu ai Karai Kasang a hkrang bung sumla rai nga ai hte, hpan da ai arai yawng mayawng hta alat rai nga ai.

Jinghpaw Common Language Bible 2009

¹⁵ Hkristu gaw myi hte n mu lu ai Karai Kasang hpe madun ai myi hte mu lu ai hkrang bung sumla rai nga ai. Shi gaw Kasha alat rai nna hpan da ai arai yawng mayawng hta ningtawn ai wa rai nga ai.

KOLOSE 1:15 ပူးပေါင်းရင်းမြစ်များ

SHAKAWN KUNGDAWN 89:27

Ngai mung kasha alat shara shi hpe jaw da nna, Mungdan hkawhkam ni hta grau kaba ai wa shatai na we ai.

PRU MAT 24:10

shanhte gaw Israela a Karai Kasang hpe mu ma ai; shi a lagaw npu e, sahpira lungseng zawn htoi ala ai hte lamu san kabrim ai zawn re ai nep nga ai.

BU HKAWM 12:8

shi hta ngai ga tsun yang gumwai ga hku ngai n tsun, ngai hkum nan hkra dan dan leng leng tsun na we ai; shi gaw Yehowa a hkrang mung mu lu na rai nga ai: dai rai nna, nye a shangun ma wa Mawshe hpe hpa rai mara shagun rip myit ta?” ngu wu ai.

YAWHAN 1:1

Shawng ningpawt e Mungga nga ai; dai Mungga gaw Karai Kasang hte rau rai nga ai rai nna, dai Mungga nan Karai Kasang rai nga ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 1:18

Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.

YAWHAN 14:9

Yesu gaw, “Hpilip e, ngai nanhte hte nde nlaw na hkra nga nga sa timung, nang ngai hpe n chye nni? Ngai hpe mu yu ai wa gaw, Wa hpe mu yu nu ai: dai re ai mi, Wa hpe anhte e madun mi, nga nna hpa rai tsun n ta?

YAWHAN 15:24

Masha kaga n di lu ai amu, ngai shanhte hta n di nngai rai taw gaw, shanhte hta mara n nga na re ai: ya chyawm gaw shanhte ngai hte nye Wa hpe mu da ninglen, an lahkawng hpe n dawng n yawt rai masai.

YAWHAN 3:16

Kaning rai nme law, Karai Kasang a Kasha hpe kamsham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsawra wu ai.

ROMA 8:29

Kaning rai nme law, shi a Kasha gaw kahpu kanau lanlak hta e alat ningshawng tai u ga, shawng nna chye tawn da ai ni hpe, shi a Kasha a gawng shing-yan hte bung na matu, shi shanhte hpe shawng nna san tawn da mu ai:

2 KORINHTU 4:4

Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

HPILIPI 2:6

shi gaw Karai Kasang a ahpraw nsam hta pra nga timung, Karai Kasang hte maren rai nga na shingjawng kashun ai hku n nawn ai sha,

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

1 TIMOHTI 1:17

Ya, htani htana re ai, n hten n mat chye ai, myi e n mu lu ai Hkawhkam ngu ai, Karai Kasang langai sha kaw, arawng sadang hte hpung shingkang gaw, htani htana prat dingsa e, anga nga u ga law. Amen.

1 TIMOHTI 6:16

shi chyu sha htani htana asak a rawng nga ai hte, n dep lu ai nhtoi hta anga nga ai; masha gade ai mung shi hpe n mu yu ai hte, n mu lu nga ai: shi kaw htani htana arawng sadang hte hpung shingkang anga nga u ga law. Amen.

HEBRE 1:3

shi gaw Karai Kasang a hpung shingkang a ningchya hte, shi a gawng shing-yan a hkrang sumla rai nga ai rai nna, shi a mungga atsam hte yawng mayawng hte hpe bau sin da ai: yubak mara hpe jasan jaseng kau ngut jang, matsaw ningtsang na daru magam a hkra maga de shi dung nga ai rai nna,

HEBRE 1:6

Dai hta kaga, dai Kasha alat hpe mungkan ga de bai jashawn dat ai shaloi e, “Karai Kasang a lamu kasa ni yawng shi hpe nawku mu ga,” nga dat ai.

HEBRE 11:27

Kamsham ai hte, Egutu hkawhkam a masin pawt ai hpe n hkrit ai sha, dai mung na pru kau da wu ai, kaning rai nme law, myi hte n mu lu ai wa hpe mu lu ai hpe zawn, shakut sharang nga ai.

SHINGRAN 3:14

Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai: