KASA 9:2 - Jinghpaw Hanson Version Bible

² ndai lam hkan ai, numsha lasha mu mamu hpe rim la nna, Yerusalem de dun wa lu hkra, Damasku mare na tara jawng ni hpe, jaw dat na ahkang laika hpyi gun wu ai.

Jinghpaw Common Language Bible 2009

² Yesu a lam hkan ai numsha lasha ni hpe rim la nna Yerusalem de dun wa lu hkra shi hpe ahkaw ahkang jaw sai lam Damasku mare na tara jawng ni hpe htet dat ai laika hpyi gun wu ai.

KASA 9:2 ပူးပေါင်းရင်းမြစ်များ

NINGPAWT NINGHPANG 14:15

Dai shana e shi gaw shi a ma ni hpe karan nhtawm, shanhte hpe gasat jahtaw dat nna, Damasku mare a pai maga na Hoba mare du hkra hkan shachyut mu ai.

ESAIA 17:1

Damasku mare hta ang ai myihtoi ga: “Yu u, Damasku shara gaw, mare n tai hkra, marawng marang sumpum tai na ra ai.

YEREMIA 49:23

Damasku hpe lakap nna tsun ai ga: Hamat yan Arpad gaw, n kaja ai shi na lu ai majaw, mak mat nna minla byaw mat ma ai: nammukdara ndi nda rai nga ai; dai gaw asim sha nga lu ai n rai.

MAHTE 10:17

Rai timung, masha ni hpe sadi nga mu: kaning rai nme law, shanhte gaw salang hpawng ni a lata hta nanhte hpe ap kau na mara ai rai nna, shanhte a tara jawng ni hta e nanhte hpe anu kayat na marin dai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

KASA 18:25

Dai wa gaw, Madu a lam sharin la hkrup nna, nachying sharawng let, Yesu a lam atsawm sha sharin achyin ya nga ai; rai timung, shi gaw Yawhan a baptisma lam sha naw chye nga ai:

KASA 19:23

Ya dai tawng hte yang dai lam majaw Kabring kabrawng grai wa byin wa ai.

KASA 19:9

Rai timung, nkau mi gaw myit ja ma ai rai nna, n madat hkraw ai hta n-ga, shawa masha ni a man e ndai Lam hpe aroi asawng ya jang, shanhte kaw na shi pru nna, sape ni hpe kaga jahka la nhtawm, Turanu ngu ai wa a hpaji jawng hta, shani shanang sharin shaga hkat nga ai.

KASA 24:14

Rai timung, lam mi chyawm gaw nang hpe shapraw dan de ga; Jep ai tara lam shagu hte myihtoi ni a laika hta ka da ai hku yawng mayawng kamsham let, shanhte hka bra Lam ngu nna shamying ai htung hku hkan nna, ngai ji wa ni a Karai Kasang hpe nawku nga nngai:

KASA 24:22

Hpilik shi mahtang, dai tara lam grau chye da nhtawm, “hpyen du kaba Lusi du jang she, ngai nanhte a amu dawdan na nngai,” ngu nna shanhte hpe jahkring kau mu ai.

KASA 26:10

Gaja wa dai hku Yerusalem mare e galaw yu se ai, hkinjawng agyi ni kaw na ahkang lu la nna, chyoi pra ai ni hpe htawng e bang kau ai hte, shanhte hpe sat kau yang, ngai mung awlaw lawm ni ai.

KASA 26:12

Shing rai, hkinjawng agyi ni kaw na mungga ahkang la gun nna, Damasku mare de ngai sa wa yang,

KASA 6:9

Shaloi, Shanglawt ngu ai ni a tara jawng hte seng ai ni hte, Kureni, Alesandru, Kiliki hte Asi ngu ai tara jawng hte seng ai ni nkau mi rawt nna, Stehpan hte ndang kalang hkat ma ai.

KASA 7:19

Dai hkawhkam wa gaw, anhte a baw sang ni hpe hpaji hte manai nna, ma chyangai ni hpe n jahkrung da lu hkra kabai kau na lam hte, ji wa ni hpe zingri zingrat mu ai.

KASA 9:14

ndai yang e mung, na a mying ningsang hpyi gang ai ni yawng mayawng hpe gyit dun la na nga, hkinjawng agyi ni kaw na ahkang lu la sai rai nga ai,” ngu nna htan wu ai.

KASA 9:21

Shi a ga na ai ni nlang mau mahka let, “Ndai wa gaw Yerusalem e amying ndai gang ai ni hpe sharun shabya ai wa rai nga ai, n rai ni? ya ndai de mung, dai baw ni hpe gyit la nna, hkinjawng agyi ni hpang de wa ap na maw ai hte sa du ra hka,” nga nna tsun shajang ma ai.

2 KORINHTU 11:32

Damasku hta e ngai hpe rim la na hkawhkam Areta a munggyi gaw Damasku masha ni a mare hpe a sin da nga wu ai.

GALATI 1:17

Dai hta kaga nye a shawng e kasa tai ai ni hte sa hkrum na, ngai Yerusalem de n lung wa ai sha, Arabi mung de sa nhtawm, Damasku mare de bai wa nngai.