KASA 8:9 - Jinghpaw Hanson Version Bible

⁹ Rai timung, Simun mying ai wa langai mi, shawng e dai mare hta lakle amu dan nna, shi hkum hpe, “Ngai gaw kang ai wa rai nngai,” nga nna Samari masha ni hpe shamau mu ai:

Jinghpaw Common Language Bible 2009

⁹ Dai mare hta Simun mying ai masha langai mi nga ai. Dai wa gaw dai mare hta tawng marang mi lakle madun dan rai nna masha ni hpe shamau mu ai. Shi gaw shi hkum hpe shi ningbaw ningla kaba langai mi rai nngai nga ai.

KASA 8:9 ပူးပေါင်းရင်းမြစ်များ

PRU MAT 7:11

Shaloi Hpara-u gaw shi a hpaji sara ni hte mandan bau ai ni hpe shaga la nna, Egutu mung na lakle sara ni mung tinang a lakle hte dai hte maren galaw ma ai:

PRU MAT 7:22

Egutu lakle sara ni mung shanhte a lakle hte dai zawn galaw ma ai: shing rai Yehowa tsun ai hte maren Hpara-u a masin ja nga lu rai nna shan a ga n madat ya wu ai.

PRU MAT 9:11

Dai shu gaw lakle sara ni hta mung, Egutu masha mahkra hta mung kap wa ai majaw, lakle sara ni gaw Mawshe a man e n tsap lu ma ai.

JAW JAU 20:6

Nat myihtoi ni hte gumhpan hpan ai ni a lam hkan nna, shut hpyit ai wa hpe ngai ate nna shi a amyu hta na sumri dan kau ya na we ai.

YAWHAN 7:18

Tinang a myit hte tsun ai wa gaw, tinang a arawng sadang tam ai rai nga ai: tinang hpe shangun dat ai wa a arawng sadang tam ai wa chyawm gaw, tengman nga ai rai nna, shi hta n ding n man ai n rawng lu ai.

KASA 13:6

Ya shanhte gaw dai zunlawng ga sa wa nna Pahpu mare du ma yang, Bara-Yesu mying ai Yuda masha rai nga ai lakle sara hte masu ai myihtoi langai mi hpe, mu hkrup mu ai;

KASA 13:8

Shaloi lakle sara ngu ai, lachyum hku shamying ai, Eluma gaw, dai munggyi wa a kamsham ai lam jahpyak kau ya mayu ai rai nna, shanhte hpe ndang shadang mu ai.

KASA 5:36

Kaning rai nme law, moi shawng de Htuda ngu ai wa, shi hkum hpe reng ai wa rai nngai, nga nna paw pru yang, marai mali tsa daram shi kaw hkan nang yu sai; shi hkum nan sat kau ai hkrum nna, shi a ga madat ai ni nlang kamawng mat ma masai.

KASA 8:11

Dai wa gaw, na na wa shi a lakle amu hte shanhte hpe shamau mu ai majaw, shi hpe kam ya ai rai ma ai.

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

2 TIMOHTI 3:2

kaning rai nme law, masha ni gaw, tinang hkum hpe tsawra ai ni, gumhpraw marin ai ni, grang dakat ai ni, gumrawng gumtawng re ai ni, shatan nhkan chye ai ni, kanu kawa ga n madat ai ni, chyeju n chye dum ai ni, n chyoi n pra ai ni,

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.