KASA 8:2 - Jinghpaw Hanson Version Bible

² Rai timung, tara hkungga ai masha Stehpan hpe makoi mayang nna, shi a majaw hkrap ngu hkrap ngoi kaba di mu ai.

Jinghpaw Common Language Bible 2009

² Tara hkungga ai masha nkau mi Stehpan a moi mang hpe makoi mayang nna, shi a majaw hkrap ngu hkrap ngoi kaba hte yawn hkyen ma ai.

KASA 8:2 ပူးပေါင်းရင်းမြစ်များ

NINGPAWT NINGHPANG 50:9

Leng mung gumra jawn ai masha mung shi hte rau lung wa ma ai rai nna, dai gaw ja ja kaba ai wunawng wuwa rai nga ai:

2 SAMUELA 3:31

Dawi chyawm gaw, Yoab hte shi kaw hkan nang ai masha ni nlang hte hpe, “Nanhte a hpun palawng gang je kau nna, lachyit nba lawai let, Abna a matu hkrap ngu hkrap ngoi nga mu,” ngu nna hkang dat wu ai. Hkawhkam Dawi shi hkum nan, dai mang lup ai de hkan sa wu ai.

2 HKAWHKAM LABAU 32:33

Ya Hezekia gaw kaji kawa ni hte rau yup pyaw wa nna, Dawi a kashu kasha ni a lupwa lahta tsang e makoi mayang di ai hkrum wu ai: Yuda hte Yerusalem masha ni nlang, shi a mang bru ai hta, shi hpe shagrau sha-a ma ai. Shi a kasha Manashe gaw shi a malai hkaw dung nga ai.

2 HKAWHKAM LABAU 35:25

Yeremia mung Yoshia majaw sharung shayawt nga ai rai nna, mahkawn mangoi chye ai numsha lasha ni gaw tinang a sharung shayawt ai ga hte, dai ni du hkra Yoshia lam shagawp tsun nga ma ai; dai ga gaw Israela amyu hta tsun nga na htung tai wa nna, sharung shayawt laika hta ka da nga ai.

YEREMIA 22:10

Si ai wa a matu hkum hkrap myit; shi a matu sharung shayawt hkum rai myit: pru mat wa ai wa a matu grai hkrap mu; shi bai nhtang wa lu na n rai; shi a dai daw ga hpe bai mu lu na n rai.

YEREMIA 22:18

Dai re ai majaw Yehowa gaw, Yuda hkawhkam Yoshia kasha Yehoiakim hpe lakap nna ning nga ai: Dai wa si yang, mung masha ni gaw, Aka, hpu e, ala, jan e, nga nna hkrap na ma ai n rai; bai, shi a matu mung, Aka, madu du e, ala, shi a arawng sadang e, nga nna sharung shayawt na ma ai n rai.

BU HKAWM 20:29

Arun si mat sai hpe shawa hpung ting mu ma yang, Israela nta masha ni nlang Arun a majaw, nhtoi sumshi ya tup hkrap ngu hkrap ngoi rai nga ma ai.

MARKU 6:29

Shi a sape ni dai na mu yang, shanhte sa du nna, shi a moi mang hpe la wa nhtawm, lup hta e tawn da mu ai.

LUKA 2:25

Ya, yu mu, Simun mying ai masha langai mi Yerusalem mare e nga ai: dai wa gaw dinghpring ai hte tara hkungga nna, Israela hpe shalan shabran na lam myit mada nga ai wa rai nga ai; dai Chyoi pra ai Wenyi mung shi a ntsa e nga nga ai.

KASA 10:2

dai wa gaw tara hkungga myit rawng nna, shi a nta na ni nlang hte rau Karai Kasang hpe hkrit hkungga ai hte, masha ni hpe alu law law jaw let, Karai kasang hpe tut tut a hpyi nga ai.

KASA 2:5

Dai shaloi e sumsing lamu a npu e nga ai masha amyu shagu hta na, tara hkungga ai Yuda masha, Yerusalem mare e nga nga ma ai.

KASA 8:1

Shawlu mung shi hpe sat kau ai amu hta awlaw lawm nga ai. Dai shani e Yerusalem mare na Hpung gaw zingri zingrat kaba hkrum wa ai rai nna, kasa ni hta kaga, gale nlang hte gaw, Yuda mung, Samari mung, shara magup hkan e bra mat wa ma ai.

KASA 8:3

Shawlu chyawm gaw, nta shagu shang nna, numsha lasha hpe ahkyit karawt la nhtawm, htawng hta sharen da ai hte, dai Hpung hpe hpya sharun da mu ai.

TARA JAHPRANG 34:8

Israela kashu kasha ni gaw Mawshe hpe dum nna Moba pa e nhtoi sumshi ya hkrap ngu hkrap ngoi rai nga ma ai: shing rai, Mawshe a matu sharung shayawt hkrap ai nhtoi gaw htum mat sai.

1 SAMUELA 28:3

Dai shaloi e Samuela n nga ai, si mat sai rai nna, Israela masha ni yawng shi a majaw hkrap ngu hkrap ngoi rai let, shi nga ai Rama mare e makoi mayang manu ai. Shawlu mung, atsu chye shaga ai ni hte gumhpan hpan ai ni hpe, mung ting na seng kau wu ai.