KASA 7:9 - Jinghpaw Hanson Version Bible

⁹ Dai aji daju ni gaw Yawsep hpe manawn nna, Egutu mung de dut kau dat mu ai.

Jinghpaw Common Language Bible 2009

⁹ “Yaku a kasha ni gaw shanhte a kanau Yosep hpe manawn nna, Egutu mung de mayam hku dut kau dat mu ai. Rai ti mung Karai Kasang gaw shi hte rau rai nga ai rai nna,

KASA 7:9 ပူးပေါင်းရင်းမြစ်များ

NINGPAWT NINGHPANG 39:2

Yehowa chyawm gaw Yawsep hte rau nga nga ai rai nna, shi gaw myit kaw du ai wa rai nga ai: shi madu Egutu masha nta hta shi nga nga ai.

NINGPAWT NINGHPANG 39:5

Shing rai, nta ting hte arai mahkra shi hpe madu shangun ai kaw nna, Yehowa gaw dai Egutu masha a dinghku hpe Yawsep a majaw shaman ya wu ai: dai rai nna nta e mung, yi hkauna de mung, shi lu malu mahkra hta, Yehowa a chyeju lu la wu ai.

NINGPAWT NINGHPANG 45:4

Bai Yawsep gaw, Ngai hpang de sit wa marit, ngu nna kahpu kanau ni hpe tsun wu yang, shanhte mung shi makau de sit wa ma ai. Shaloi shi gaw, Ngai gaw nanhte Egutu mung de dut kau dat ai, nanhte a kanau Yawsep rai nga nngai.

SHAKAWN KUNGDAWN 105:17

Shanhte a shawng e, marai langai mi hpe shi shangun dat wu ai; Mayam tai na, Yawsep gaw dut kau ai hkrum nu ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 43:2

Nang hka rap wa yang, ngai nang hte rau rai nga nngai; hka nu hka shi ni hpe rap wa yang, lim wa na n rai; wan hpe kabye yang, hkru na n rai, wan shinglet mung galip na n rai.

HAGI 2:4

Rai timung Zerubabela e, n-gun da ting u, nga nna Yehowa tsun ai: Yehozadak a kasha, hkinjawng agyi, Yoshua e, n-gun da ting u; mung masha ni mahkra e, n-gun da ting nna, bungli galaw mu, nga nna Yehowa tsun ai:

MAHTE 27:18

Kaning rai nme law, manawn masham majaw, shanhte shi hpe ap kau mu ai hpe, shi chye nga ai.

1 KORINHTU 13:4

Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;