KASA 7:54 - Jinghpaw Hanson Version Bible

⁵⁴ Dai lam na lu jang shanhte a masin mala la achyaw malu ai majaw, Stehpan hpe wa udik let yu da mu ai.

Jinghpaw Common Language Bible 2009

⁵⁴ Yuda tara kongsi hpung hta lawm ai ni gaw Stehpan a ga hpe na jang masin nachying pawt nna wa wudik let yu da mu ai.

KASA 7:54 ပူးပေါင်းရင်းမြစ်များ

YOBA 16:9

N-yun bu let shi ngai hpe amya nna, ashep kau nga ai; shi nye a ntsa e wa utik nga ai: ngai hpe hpyen ai wa gaw, ngai hpe myi yu kabrim nga ai.

SHAKAWN KUNGDAWN 112:10

Tara n lang ai wa gaw dai hpe mu nna manawn nga ai; Wa utik let shi nga nna, byawng mat wa na ra ai. Tara n lang ai ni a ra ai hku hten mat na ra ai.

SHAKAWN KUNGDAWN 35:16

Shat hpraw madoi ai ni hte rau, shanhte ngai hpe wa utik mi ai.

SHARUNG SHAYAWT 2:16

Hpyen ni yawng nang hpe n-gup mahka ma ai; Shanhte gaw, “Anhte shi hpe mayu kau gaw ai; gaja wa ndai shani gaw, anhte myit mada ai shani rai nga ai; anhte tam mu sagaw ai, Nga nna asawng let, wa utik ai hte tsun ma ai.

MAHTE 13:42

dai yang e hkrap ngu hkrap ngoi ai hte wa udik ai gaw, rai nga ai.

MAHTE 13:50

wan htung hta kabai bang kau na maru ai: dai yang e hkrap ngu hkrap ngoi ai hte wa udik ai gaw rai nga ai.

MAHTE 22:13

Shaloi dai hkawhkam wa gaw shi a ali ama ni hpe, “Shi a lagaw lata hpe gyit hkang nna, shinggan de na nsin de jahkrat bang kau mu,” ngu wu ai: dai yang e hkrap ngu hkrap ngoi ai hte wa udik ai rai nga ai.

MAHTE 24:51

shi hpe katawng daw kau nhtawm, shi a daw hpe hpyi hpun ai ni hte rau tawn da na ru ai: dai yang e hkrap ngu hkrap ngoi ai hte wa udik ai rai na ra ai.

MAHTE 25:30

Dai n hkaw ai mayam hpe gaw shinggan na nsin sin ai de shaden kau mu: dai shara e hkrap ngu hkrap ngoi ai hte wa udik ai rai na ra ai,’ ngu nna jeyang nu ai.

MAHTE 8:12

Dai mungdan a kashu kasha ni chyawm gaw, shinggan de na nsin hta shaden bang kau ai hkrum na mara ai: dai yang e, hkrap ngu hkrap ngoi ai hte wa urin udik rai nga na mara ai,” ngu mu ai.

LUKA 13:28

Abraham, Isak, Yaku hte myihtoi ni nlang, Karai Kasang a mungdan e nga nga ai hpe nanhte mu lu nna, nanhte hkum dai gaw shinggan de shapraw kau hkrum myit dai shaloi, dai yang e hkrap ngu hkrap ngoi ai hte wa urin udik ai, rai na ra ai.

KASA 5:33

Dai ga na jang, shanhte a myit masin hta mala la hkra malu ai majaw, kasa ni hpe sat kau na pyi myit lu ma ai.