KASA 7:34 - Jinghpaw Hanson Version Bible

³⁴ Egutu mung na nye amyu a ru tsang ai hpe ngai gaja wa mu se ai; shanhte a madai ai nsen ngai na ni ai; shanhte hpe hkye la na ngai yu wa ring ngai; ya sa rit, ngai nang hpe Egutu mung de shangun dat de ga,” nga nna shi hpe tsun wu ai.

Jinghpaw Common Language Bible 2009

³⁴ Egutu mung na nye a amyu masha ni a zingri zingrat nni nkri hkrum sha nga ai hpe ngai mu se ai. Shanhte a madai ai nsen hpe ngai na ni ai; Shanhte hpe hkye shalawt la na ngai yu wa ring ngai. Ya sa rit, ngai nang hpe Egutu mung de shangun dat de ga,” ngu nna shi hpe tsun wu ai.

KASA 7:34 ပူးပေါင်းရင်းမြစ်များ

NINGPAWT NINGHPANG 11:5

Shaloi Yehowa gaw, shinggyim masha ni galaw ai mare hte langchyi hpe yu yu na nga, yu hkrat wa ai.

NINGPAWT NINGHPANG 11:7

Sa marit, langai hte langai tinang a manang tsun ai ga n chye na mat hkra, shanhte a shaga ai ga hpe shanut kau ya na, anhte yu hkrat saga,” nga ai.

NINGPAWT NINGHPANG 18:21

ya ngai sa yu nna, ngai kaw hkrang pru ai nsen hte maren shanhte gaja wa galaw ai n galaw ai gaw ngai yu yu na we ai; n galaw ai rai yang mung ngai chye na we ai,” nga ai.

NEHEMIA 9:9

“Anhte a ji wa ni gaw, Egutu mung hta e hkrum ai tsin-yam tsindam hpe nang mu nna, Nawng Hkyeng makau e shanhte a nsen hpe madat mara nu ai:

SHAKAWN KUNGDAWN 105:26

Shi a mayam Mawshe hte, Shi lata la ai Arun hpe, shi shangun dat mu ai.

SHAKAWN KUNGDAWN 106:44

Rai timung, shanhte a jahtau ai ga na ya mu yang, Shi shanhte a ru tsang ai hpe mu ya mu ai.

SHAKAWN KUNGDAWN 144:5

Yehowa e, na a sumsing lamu hpe shanem nna, yu hkrat wa rit; Bum ni hpe ahtawk nna, dai ni wan nhkut shapraw mu ga.

PRU MAT 3:14

Shaloi Karai Kasang gaw, “Ngai rai nga nngai hte maren ngai wa rai nga nngai; Ngai Wa Rai Nga Nngai nga ai wa gaw nanhte hpang de ngai hpe shangun dat ni ai, ngu nna Israela a kashu kasha ni hpe nang tsun na rai ndai,” ngu nna Mawshe hpe tsun wu ai.

PRU MAT 4:31

amyu masha ni mung kamsham nga ma ai: Yehowa gaw Israela a kashu kasha ni hpe kawan katsan yu sa ai mung, shan hte hkrum ai ru tsang ai hpe yu ya ai mung shanhte na ma yang, shanhte gum dagup nna nawku ma ai.

ESAIA 64:1

Nang gaw sumsing lamu hpe hpaw malang nna, yu wa rit law e; bum ni na a man e ashun gari nga mu ga:

HOSEA 12:13

“Yaku gaw Suri mung de hprawng wa sai; Israela gaw num lu la hkra mayam tai nna, sagu rem nga ai.

MIHKA 6:4

Ngai gaw Egutu mung na nang hpe shapraw la nna, mayam tai nga ai nta na hkrang la ni ai; Mawshe, Arun hte Miriam hpe, na a shawng e ngai shangun dat ni ai.

BU HKAWM 11:17

Shaloi ngai yu sa nna, dai yang e nang hte ga matut na ring ngai: nang hta dung ai Wenyi hta na ngai la nna shanhte a ntsa e mara ya na we ai; ndai amyu a lit nang chyu sha gun hpai na n rai, shanhte nang hpe gun hpai karum na rai ma ai.

YAWHAN 3:13

Sumsing lamu de na yu hkrat wa ai hte, sumsing lamu e nga nga yu ai Masha Kasha hta kaga, kadai mung sumsing lamu de lung wa yu ai n rai.

YAWHAN 6:38

Kaning rai nme law, sumsing lamu nna ngai yu sa ai gaw, nye a myit hkan na ngu, yu sa nngai n rai, ngai hpe shangun dat ai wa a myit hkan na she, yu sa ai rai nngai.

TARA AGYI 2:18

Yehowa shanhte a matu tara agyi paw pru shangun yang, dai wa hte rau shi nga nga nna, tara agyi wa lakhtak ting hpyen ni a lata na shanhte hpe hkye la wu ai: kaning rai nme law, shanhte sharu shatsang zingri zingrat hkrum sha ai majaw jahtau shaga jang, Yehowa myit kayin ai rai nga ai.