KASA 7:3 - Jinghpaw Hanson Version Bible

³ ‘Na a mung, na amyu kaw na pru nhtawm, ngai madun na ra de ai mung de sa wa su,’ ngu nna, shi hpe tsun dan wu ai.

Jinghpaw Common Language Bible 2009

³ ‘Na amyu hte na a mung na pru nhtawm ngai nang hpe madun na de ai mung de sa wa su,’ ngu shi hpe tsun dan wu ai.

KASA 7:3 ပူးပေါင်းရင်းမြစ်များ

NINGPAWT NINGHPANG 12:1

Shaloi Yehowa gaw Abram hpe, “Na a buga hte na a amyu, na a nwa nta na pru nhtawm ngai nang hpe madun na ra de ai mung de sa wa su:

NINGPAWT NINGHPANG 15:7

Bai shi tsun wu ai gaw, “Ndai mung hpe na a Sali wunli shatai na matu jaw na nga nna, Hkaladea masha ni nga ai Ura mare kaw nna nang hpe shaga woi wa ai Yehowa gaw ngai rai nga nngai,” ngu wu ai.

NINGPAWT NINGHPANG 20:13

Karai Kasang ngai hpe nye wa nta na jahkawm dat ai shaloi, Nang ngai hpe galaw na chyeju gaw ndai rai nga ai: an du hkawm wa ai shara shagu e, ngai e, N-yung re ai, ngu nna she tsun u, ngu nna shi hpe ngai htin da we ai,” ngu nna htan wu ai.

NEHEMIA 9:8

Shi gaw na a man e kangka nga ai hpe, nang mu nna, shi a aru arat ni hpe Hkanani, Hiti, Amori, Perizi, Yebusi hte Girgasi masha ni a mung ni hpe jaw na nga, nang shi hte ga shaka tawn da nna, nang dinghpring rai nga ai majaw, na a ndat ga hpe nang shadik ya nu ai.”

MAHTE 10:37

Kadai mung, ngai hpe tsawra ai hta, kanu kawa hpe grau nna tsawra ai wa gaw, ngai hte n ging n dan nga ai: ngai hpe tsawra ai hta, shayi shadang sha hpe grau nna tsawra ai wa mung, ngai hte n ging n dan nga ai.

LUKA 14:33

Dai hte maren, nanhte hta tinang a arai nga manga hpe n kau da ai wa gaw, nye a sape n tai lu ai.

KASA 7:4

Shaloi Hkalde a mung na shi pru nna, Haran mung e wa shingbyi nga ai; dai hpang, shi a kawa si mat jang, dai kaw nna ya nanhte nga nga ai ndai mung de, Karai Kasang shi hpe woi htawt wa wu ai:

2 KORINHTU 6:17

Dai rai nna, Shanhte a ka-ang na pru nhtawm, Kaga lak lak rai wa mu, nga nna dai Madu tsun nga ai. Awu asin re ai hpe hkum hkra mu, Shaloi ngai nanhte hpe hkap la na made ai.

HEBRE 11:8

Abraham gaw, sali wunli hkam la lu na ra ai mung de pru hkawm wa na lam shaga la ai hkrum yang, gade sa wa ai shi n chye timung, kamsham ai hte madat mara nna pru hkawm wa ai.

YAWSHU 24:3

Shaloi nanhte a kawa Abraham hpe Hka wora hkran na ngai shaga nna, Hkanan mung ting shi e woi hkawm let shi a amyu matu shalaw jahtam ai hte Isak hpe jaw we ai.