KASA 7:16 - Jinghpaw Hanson Version Bible

¹⁶ shanhte hpe Shehkem de la wa nna, Shehkem e nga ai Hamora a kashu kasha ni kaw na, Abraham gumhpraw manu hte mari da ai lup hta wa lup ma ai.

Jinghpaw Common Language Bible 2009

¹⁶ Shanhte a moi mang hpe Shehkem de la wa nna, Shehkem e nga ai Hamon a kashu kasha ni kaw na Abraham gumhpraw manu hte mari da ai lup hta wa lup ma ai.

KASA 7:16 ပူးပေါင်းရင်းမြစ်များ

NINGPAWT NINGHPANG 23:16

Abraham mung Ehprun a ga madat wu ai rai nna, Heti kashu kasha ni a man e Ehprun manu dawdan ai hte maren, hpaga ni jai ai gumhpraw lap sanit tsa jan shi hpe shen ya wu ai.

NINGPAWT NINGHPANG 23:4

“Ya ngai gaw nanhte kaw e malet nhprang manam hte sa chyu nga ai wa sha rai nga nngai; nye a madu jan si mang hpe nye a man na lup kau lu na matu, ngai madu nga na lup ra nanhte kaw e san da jaw mi,” ngu wu ai.

NINGPAWT NINGHPANG 35:19

Shaloi Rahkela si mat nna Betlehim ngu ai Ehprat de sa ai lam makau e, shi hpe lup makoi mu ai.

NINGPAWT NINGHPANG 47:30

ngai ji ngai wa ni hte ngai yup nga yang, Egutu mung na nang ngai hpe la lung wa nna shanhte hpe lup ai shara hta e ngai hpe mung lup makoi lu na rai ndai, ngu wu ai. Yawsep mung, Nang wa tsun ai hte maren ngai galaw na nngai, ngu wu ai.

NINGPAWT NINGHPANG 50:12

Shing rai Yaku a shadang sha ni gaw shanhte hpe tsun da ai madat hte maren kawa hpe di mu ai:

NINGPAWT NINGHPANG 50:13

shi a shadang sha ni gaw shi hpe Hkanan mung de hpai lung wa nna, Abraham gaw shi a matu lup ra di na, Heti masha Ehpron kaw pa hte nawng mari la ai Mamre tawtap na Makhpela pa hta na ginlawng hku hta e shi hpe lup makoi mu ai.

PRU MAT 13:19

Dai hta kaga, shawng de Yawsep Israela kashu kasha ni hpe, grai grai nga nna, Karai Kasang nanhte hpe gaja wa teng teng kawan katsan sa yu na ra ai; shaloi nye a nrut nra hpe ndai mung na nanhte la wa ya lu na rai myit dai, nga nna dagam shangun mu ai majaw, Mawshe gaw shi nrut nra dai hpe shi hte rau la lung wa wu ai.

YAWSHU 24:32

Israela kashu kasha ni gaw Egutu mung na la wa ai Yawsep a nrut nra hpe, Shehkem a kawa Hamura kashu kasha ni kaw na, Yaku gaw gumhpraw lap latsa hte mari la ai, Shehkem mare a ginwang na ga dachyawk hta wa lup mu ai; dai gaw Yawsep a kashu kasha ni a sali wunli rai nga ai.