KASA 3:7 - Jinghpaw Hanson Version Bible

⁷ shi a hkra lata jum nna dun sharawt wu ai: shaloi jang, shi a lagaw hkarutum ni n-gun rawng wa lu ai.

Jinghpaw Common Language Bible 2009

⁷ Dai hpang shi a hkra lata hpe jum nna dun sharawt dat wu ai. Dai shaloi jang shi lagaw hte hkarutum hkrihkraw ni n-gun rawng wa lu ai.

KASA 3:7 ပူးပေါင်းရင်းမြစ်များ

MARKU 1:31

Shaloi shi sit wa nna, shi a lata jum let shi hpe sharawt wu ai. Dai hkali mung kawp mat nna, shi shanhte hpe galaw daw mu ai.

MARKU 5:41

shaloi dai ma a lata hpe shi jum da nna, “Talihta Kumi,” ngu wu ai; de a ga lachyum gaw, “Mahkawn e, rawt u, ngai ngu de ai,” nga ai rai lu ai.

MARKU 9:27

Yesu mahtang shi a lata hpe dun let, shi hpe sharawt wu ai rai nna, shi rawt wa sai.

LUKA 13:13

shi a ntsa e lata mung mara ya wu ai: shaloi jang shi a malang jan rai lu nna, Karai Kasang hpe shakawn kungdawn nga ai.

KASA 3:6

Petru chyawm gaw, “Aja, gumhpraw gaw ngai n lu nngai, rai timung, ngai lu ai nang hpe jaw de ga: Nazaret wa Yesu Hkristu a amying ningsang hte rawt hkawm wa u,” nga nna tsun let,

KASA 3:8

Alawan rawt tsap let shi hkawm sa wa yu nhtawm, hkawm sa let, gumlawt let, Karai Kasang hpe shakawn nna, shan hte rau Htingnu de shang wa ai.

KASA 4:16

“Ndai yan hpe kaning di na rai nga ga ta? shan a lata hte dan hkung ai lamik kumla langai mi byin wa sai gaw, Yerusalem e nga ai ni nlang a man e dan dan pra pra rai wa sai rai nna, anhte mung ndang shara n mu sagaw ai.

KASA 4:9

ndai chyahten labye wa hpe madun ai chyeju lam a majaw, dai wa hpe kaning di shamai ai nga nna, dai ni an deng ai hkrum na rai yang gaw,

KASA 9:41

Petru mung lata ladawn nna gang sharawt nhtawm, chyoi pra ai ni hte gaida jan ni hpe shaga la nna, shi hpe chyahkrung ap ya wu ai.