KASA 26:4 - Jinghpaw Hanson Version Bible

⁴ Shawng nnan, nye a brang ram prat kaw nna, nye a amyu hta mung, Yerusalem mare hta mung, ngai hkan nang ai arawn alai, Yuda masha ni nlang chye chyalu rai ma ai.

Jinghpaw Common Language Bible 2009

⁴ “Nye a brang ram prat kaw nna ngai kaning rai asak hkrung lai wa sai lam Yuda masha ni yawng chye chyalu rai ma ai. Shawng nnan nye a dai daw buga hta, dai hpang Yerusalem mare hta nye a prat tup ngai kaning rai asak hkrung lai wa sai hpe shanhte chye ma ai.

KASA 26:4 ပူးပေါင်းရင်းမြစ်များ

KASA 22:3

“Ngai gaw Kiliki mung, Tarshu mare e shangai ai Yuda masha rai nga nngai; rai timung, ndai mare hta Gamale a lagaw nhpang e ngai kaba wa nna, anhte a ji wa ni a ja la ai jep ai tara htung hking hte maren azin ayang sharin achyin la nna, dai ni na nanhte zawn, ngai mung, Karai Kasang hpang maga myit kaba ai hte,

KASA 24:14

Rai timung, lam mi chyawm gaw nang hpe shapraw dan de ga; Jep ai tara lam shagu hte myihtoi ni a laika hta ka da ai hku yawng mayawng kamsham let, shanhte hka bra Lam ngu nna shamying ai htung hku hkan nna, ngai ji wa ni a Karai Kasang hpe nawku nga nngai:

GALATI 1:13

Yuda htung hta naw nga ai shaloi e, nye a arawn alai a lam nanhte na yu manit dai; Karai Kasang a Hpung hpe nachying ladu lai hkra ngai zingri zingrat nga nna, dai hpe akrin atsai di kau mawe ai.

HPILIPI 3:5

Ngai gaw matsat ya nhtoi e matu gadoi hkam nngai; Israela amyu, Ben-yamin a aru arat hte, Hebre masha hta na Hebre majing, rai nga nngai:

2 TIMOHTI 3:10

Nang mahtang gaw, nye a sharin shaga ai lam, nye a lai len, maw mawn ai hku, kamsham ai lam, myit galu kaba ai, tsawra ai, shakut sharang ai,