KASA 26:3 - Jinghpaw Hanson Version Bible

³ Yuda masha ni ngai hpe shagun ai mara lam shagu hpe, dai ni na a man e mara raw ga tsun lu ai gaw, ngai hta a nga sai, ngu nna myit nga nngai law: dai rai nna, myit galu kaba ai hte ngai e madat mara ya na, ngai hpyi nem nngai.

Jinghpaw Common Language Bible 2009

³ Yuda amyu masha ni a htung hking lam ni hte dangrang hkat chye ai manghkang lam magup hpe nang grai chye ai wa rai nga ndai. Dai rai nna myit galu kaba ai hte ngai hpe madat ya na, ngai hpyi nem nngai.

KASA 26:3 ပူးပေါင်းရင်းမြစ်များ

YEREMIA 32:11

Shing rai tara hte htung nga ai hte maren, dazik kap ai ga sadi laika hpe mung, dazik kap ai laika katsu hpe mung ngai la nna, wa di a kasha Hanamela man e mung, ga sadi laika hta tinang mying shakap ai sakse ni a man e mung, htawng wang hta dung nga ai Yuda masha ni mahkra a man e, Masea kashu Neria kasha Baruk hpe ap ya nngai.

KASA 21:21

rai timung, maigan amyu ni hta jahkran nga ai Yuda masha yawng hpe, tinang a kashu kasha ni e matu gadoi n jaw ra ai hte, tara htung hking n hkan nga na, nga nna Mawshe a tara kabai kau na hku nang sharin achyin ya ai da, nga ai ga dai ni nlang na ma masai.

KASA 24:10

Munggyi wa lata dingsi nna, ga tsun na ahkang jaw wu yang, Pawlu gaw, “Nang madu tsawmra ning na hkra ndai amyu a ntsa e tara agyi tai yu nit dai, ngai chye nngai majaw, nye a mara raw ai ga hpe kabu gara ai myit hte ngai tsun we ga:

KASA 24:4

Rai timung, ngai nang hpe nau wa n shapu ai sha, ga gadun hte anhte tsun na lam hkaw mi, na myit galu kaba hte naw madat ya na, ngai hpyi nngai law.

KASA 25:26

Sa dat nga yang mung, nye a Madu hpang de shi a lam azin ayang ka shana dat na mi, n rawng lu ai. Dai rai nna, dai wa hpe manaw yu ngut yang, ka dat lu na ga langai ngai ngai mu lu hkra, nanhte a man e mung, grau nna nang hkawhkam Agripa man e mung, ngai shi hpe shapraw dan de ai.

KASA 26:2

“Hkawhkam Agripa e, Yuda masha ni a htung hking lam hte dangrang hkat ai lam magup hpe nang chye grau ai wa rai nga ndai majaw;

KASA 26:26

Ndai lam hpe Hkawhkam wa nan chye da wu ai; shi a man e dingsa tsun ai mung, rai nga nngai: kaning rai nme law, ndai lam gaw njut nnaw e sha n byin re ai majaw, hkawhkam wa shi n chye ai mi n nga na re ai, ngu nna ngai kam nga nngai.

KASA 26:7

dai ga ndat chyeju hkam la lu hkra nga, anhte a amyu shi lahkawng ting, shani shana Karai Kasang hpe jaw jau let, shaja nga ma ai: dai myit mada lam majaw, Hkawhkam wa e, Yuda masha ni ngai e mara shagun ma ai.

KASA 28:17

Masum ya nhtoi lai ai hpang, Pawlu gaw dai yang na Yuda agyi salang ni hpe shaga la wu ai: shanhte du sa shajang ma yang, shi gaw shanhte hpe, “Hpunau ni e, nye a amyu hpe mung, ji wa ni a htung hking hpe mung, nhtan jashai nna, ngai hpa mung n galaw yu nngai; rai timung Yerusalem mare kaw nna, Roma masha ni a lata de bawng di ap kau ai, ngai hkrum nngai:

KASA 6:14

Nazaret na Yesu ngu ai wa gaw, shara ndai hpe hpya kau nna, anhte hpe Mawshe jaw da ai tara a htung hking hpe galai kau na rai nga ai, nga nna shi nan tsun ai ga anhte na saga ai,” ngu nna tsun mu ai.

1 KORINHTU 13:2

Ngai myihtoi chye htoi ai hte, sung ai ga yawng mayawng, chye chyang ai lam amyu myu hkum nga ai hte, bum hpe jasit lu hkra re ai makam masham rawng timung, tsawra ai myit n rawng yang gaw, ngai hpa n rai nga nngai.

TARA JAHPRANG 17:18

Dai hta kaga dai wa gaw shi a shu mashi shu masha prat dingsa, Israela amyu a mungdan hta asak galu kaba nga lu hkra, shi a Karai Kasang Yehowa hpe hkrit hkungga nga nna,