KASA 20:3 - Jinghpaw Hanson Version Bible

³ Dai yang shata masum nga nhtawm, Suri mung de li hte bai wa na hkyen yang, Yuda masha ni shi hpe gyam ma ai majaw, Makedoni mung hku nhtang wa na, myit da wu ai.

Jinghpaw Common Language Bible 2009

³ Dai kaw shi shata masum nga nga ai. Dai hpang Suri mung de li hte bai wa na hkyen shajin nga yang, Yuda masha ni shi hpe gyam nga ma ai hpe mu chye kau wu ai majaw Makedoni mung hku ga lai nna nhtang wa na myit daw dan wu ai.

KASA 20:3 ပူးပေါင်းရင်းမြစ်များ

EZRA 8:31

Dai hpang anhte gaw, Yerusalem mare de lung wa na nga, shata langai a shi mali ya shani e Ahawa hka kau na pru wa ga ai anhte a Karai Kasang a lata anhte a ntsa e nga nga ai rai nna, lam hkan e makoi nga ai hpyen ni a lata na anhte hpe mawai la mi ai.

GA SHAGAWP 1:11

Shanhte gaw, anhte hte rau hkan rit, Masha asak sat na anhte gyam yu ga; Mara n kap ai ni hpe majoi mayun yu ga:

YEREMIA 5:26

Kaning rai nme law, nye a amyu masha ni hta tara n lang ai ni hkran nga ma ai; shanhte gyam yu let, u hkam ai ni zawn gawp nga ma ai: masha hpe hkam na matu mahkam tawn da ma ai.

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

KASA 16:12

dai kaw na bai lai yang, Makedoni mung e, Roma masha de ai, dai ginwang na mare daju, Hpilipi de, anhte du nna, dai yang tawng marang mi nga nga ga ai.

KASA 16:9

Dai yang, shana e Pawlu gaw shingran hta, Makedoni masha langai mi sa tsap nna, “Makedoni mung de rap sa nna, anhte hpe karum la mi,” nga nna shi hpe hpyi ai mu wu ai.

KASA 18:18

Dai hpang Pawlu gaw, dai yang nhtoi tsawmra wa na hkra naw nga nga nhtawm, hpunau ni hpe shakram da nna, li jawn let Suri mung de sa wa ai; Priskila yan Akula shan la mung, shi hte rau rai nga ma ai; shawng e ga shaka da ai ga nga lu ai majaw, Kenhkrea mare e baw doi wu ai.

KASA 19:21

Ndai lam ni byin ai hpang e, Pawlu gaw, Makedoni mung hte Ahkaia mung ga sa wa ngut yang, Yerusalem de bai wa nhtawm, “Dai hpang e Roma mare de mung ngai du yu na nngai,” nga nna myit da nga ai.

KASA 20:1

Ya dai kabring kabrawng lam sim mat ai hpang, Pawlu gaw sape ni hpe shaga la nna, shanhte hpe shadum jahprang ngut jang, shakram da nhtawm, Makedoni mung de sa wa na pru wa ai.

KASA 20:19

shi Madu a magam gun hpai ai hta nachying myit shanem nna, nep myi prwi hte, Yuda masha ni jahte tam ai a majaw ngai hta byin ai sharu shatsang hkam sha ai lam hpe mung;

KASA 20:2

Makedoni ginwang hkan e ga sa wa nna, law law wa shadum jahprang da ngut jang, Heleni mung de wa du ai.

KASA 21:3

Ya Kupru zunlawng mu mada jang, de a hkra maga hku lai mat wa nhtawm, Suri mung de anhte jawn sa wa nna, hpaga rai jahkrat na matu, Turu mare hta sek ga ai.

KASA 25:3

Pawlu hpe lam e hkap gyam sat kau lu hkra maw ai myit hte, shi hpe Yerusalem mare de sa dat ya na lam, chyeju hkap hpyi mu ai.

2 KORINHTU 1:15

Ya, ning rai myit mu nga yang, nanhte gaw lahkawng lang na chyeju lu la myit ga she, nanhte hpang de shawng sa du nna,

2 KORINHTU 11:26

Law law lang ningwan hkawm nga nngai; hka e rap ai tsin-yam, damya hkrum ai tsin-yam, nye a amyu masha ni e di ai tsin-yam, maigan amyu ni e di ai tsin-yam, kahtawng mare hkan e hkrum ai tsin-yam, nam mali hkan e hkrum ai tsin-yam, nammukdara e hkrum ai tsin-yam, masu ai hpunau ni e di ai tsin-yam ngai a hkrum nga nngai;

2 KORINHTU 7:5

Kaning rai nme law, Makedoni mung de du yang pyi anhte a hkum shan hta n ngwi n pyaw rai nga ai hte, lam shagu hta tsin-yam tsindam hkrum nga ga ai; shinggan maga de gasat gala, kata maga de hkrit kang ai pra nga ga ai.

GALATI 1:21

Dai hpang e Suri hte Kiliki ginwang hkan e ngai sa du nngai.