KASA 2:41 - Jinghpaw Hanson Version Bible

⁴¹ Ga dai hta la ai ni gaw baptisma hkam la shajang nna, dai shani e masha hkying masum dang jat bang wa ma ai.

Jinghpaw Common Language Bible 2009

⁴¹ Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai.

KASA 2:41 ပူးပေါင်းရင်းမြစ်များ

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

YAWHAN 14:12

Nanhte hpe ngai gaja wa teng teng tsun made ai gaw, Ngai hpe kamsham ai wa gaw, ngai galaw ai amu lu galaw na ra ai; dai hta grau kaba ai amu mung, lu galaw na ra ai: kaning rai nme law, ngai gaw Wa hpang de wa na nngai.

YAWHAN 21:11

Dai majaw Simun Petru lung nna, nga kaba latsa e manga shi masum ting rawng ai sumgawn hpe hkarang ntsa de karawt shalun wu ai: dai hte wa law timung, sumgawn gaw n je lu ai.

KASA 1:15

Dai nhtoi hte yang, masha latsa e hkun daram rai hpawng nga ai kahpu kanau ni a ka-ang e Petru rawt tsap nna,

KASA 13:48

Maigan amyu ni dai na jang, kabu gara nga ai hte, Karai Kasang a mungga hpe shagrau sha-a ma ai: n htum n wai asak lu la na san da ai ni nlang hte mung, kamsham mat ma ai.

KASA 2:37

Dai na ma yang, shanhte myit hta hkra malu ai rai nna, shanhte gaw, “Hpunau ni e, anhte kaning rai na rai ta?” nga nna Petru hte kaga kasa ni hpe tsun ma ai.

KASA 2:47

Karai Kasang hpe shakawn kungdawn let, kabu gara ai hte myit tsup rai lusha shahpa sha ma ai; masha mahkra a man e mung myi man pa lu ma ai. Dai Madu mung, hkye hkrang la hkrum ai ni hpe, shani shagu shanhte hta jat wa shangun ya mu ai.

KASA 27:37

Dai li hta rawng ai masha yawng gaw, ni tsa e sanit shi kru rai nga ga ai.

KASA 3:23

Kadai wa dai myihtoi a ga hpe n madat yang, dai wa gaw tinang amyu hta na sumri dan kau ya ai hkrum lu na rai nga ai, nga ai.

KASA 4:4

Rai timung, mungga na la ai ni law law wa, kamsham ma ai rai nna, kamsham ai lasha yawng hkying manga daram rai nga ma ai.

KASA 7:14

Dai shaloi Yawsep gaw kawa Yaku hte hpawn, nta masha yawng ngu ai, marai sanit shi manga hte hpe, shi hpang de woi la wu ai.

ROMA 13:1

Shinggyim masha nlang hte gaw, daru magam ahkang aya lu ai ni a npu e ataw nga mu ga: kaning rai nme law, Karai Kasang kaw nna sha n rai yang gaw, ahkang aya n nga nga ai: nga nga ai ahkang aya hte mung, Karai Kasang e san da manu ai.

1 HTESALONI 1:6

Nni nkri law law hkrum timung, Chyoi pra ai Wenyi a kabu gara ai hte dai mungga hpe hkap la let, nanhte gaw anhte a samnang ai ni mung, dai Madu a samnang ai ni mung, tai nga manit dai rai nna,

1 PETRU 3:20

dai ni gaw, moi shawng na Noa lakhtak e, Karai Kasang a matsan dum ai myit ala nga timung, masha law ma ai n rai, marai matsat sha, hka hta na sai la jahkrum ai sanghpaw li hpe shachyaw da nga ai shaloi e, n madat mara re ai ni hpe nan, rai nga ma ai.

SHINGRAN 16:3

Bai, hpang na wa shi a gawm nammukdara hta ru bun dat wu ai: dai gaw masha chyasi a asai zawn tai wa nna, nammukdara kata e rawng ai nsoi nsa hkrung mahkrung hte gaw si mat ma ai.