KASA 2:4 - Jinghpaw Hanson Version Bible

⁴ Shanhte nlang hte mung, Chyoi pra ai Wenyi hpring shajang nna, Wenyi e shadut mu ai hte maren, ga amyu kaga ga hku shaga wa ma ai.

Jinghpaw Common Language Bible 2009

⁴ Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

KASA 2:4 ပူးပေါင်းရင်းမြစ်များ

2 SAMUELA 23:2

Yehowa a wenyi ngai hta tsun nga ai: Shi a mungga nye a shinglet hta lawm nga ai.

ESAIA 28:11

gaja wa, Dai gaw ban sa ai lam rai nga ai; hki ba hkrum ai wa hpe ban sa shangun u; dai gaw nsa awai ai lam rai nga ai, nga nna shanhte hpe tsun dan timung, n madat hkraw ma ai majaw,

ESAIA 59:21

Bai Yehowa gaw, “Ngai shanhte hte tawn da ai, nye a ga shaka gaw, da ndai rai nga ai: na ntsa e dung ai nye a wenyi mung, na n-gup hta ngai bang da ai nye a sumtu ga mung, na a n-gup hta na mung, na nshu nsha ni a n-gup hta na mung, na a shu mashi shu masha ni a n-gup hta na mung, ya kaw nna htani htana prat du hkra, htum mat na n rai,” nga nna Yehowa tsun ai.

YEREMIA 6:11

Dai re ai majaw, Yehowa a myit kahtet ai hte ngai hpring nga nngai; naw sharang nga lu ai n rai; “Mare lam e nga ai ma ni a ntsa e mung, zuphpawng nga ai shabrang ni a ntsa e mung, dai hpe ru dat u: madu wa hte madu jan mung, aprat kaba ai hte dingla ugut gu ai ni mung, rim la ai hkrum na mara ai.

EZEKELA 3:11

Bawng dung hkrum ai, na a baw sang ni hpang de sa nhtawm, Madu Yehowa ning nga ai, ngu nna, shanhte madat timung, n madat timung, hkaw tsun u,” nga nna ngai hpe tsun ai.

MIHKA 3:8

Ngai chyawm gaw, Yaku hpe tinang a tara tawt lai ai lam, Israela hpe tinang a yubak lam, madun dan na matu, Yehowa a Wenyi jaw e, n-gun atsam, tara dara ai nyan hte hpung shingkang hpring nga nngai.

MAHTE 10:19

Nanhte hpe ap kau myit dai shaloi, kaning ngu nna, hpa hku tsun lu na hpe, myit hkum tsang myit: dai ahkying hta, hpa tsun mai na gaw, nanhte hpe shadum na marin dai:

MARKU 16:17

Kamsham ai ni madun dan lu na lamik kumla gaw, da ndai ni rai nga ai: Shanhte nye a amying hte nat ni hpe shaden kau lu na mara ai; ga amyu kaga ga mung, tsun dan lu na mara ai;

LUKA 1:15

Kaning rai nme law, shi gaw dai Madu a man e galu kaba wa na ra ai; tsabyi hte chyaru shi lu na n rai; kanu a hkritung nna pyi, Chyoi pra ai Wenyi hte hpring na ra ai.

LUKA 1:41

Mari hkrum shaga ai ga Elisabet na la jang, shi a hkritung na ma gaw gumlawt nga ai:

LUKA 1:67

Shaloi shi a kawa Zakari Chyoi pra ai Wenyi hte hpring wa nna, myihtoi ga hku tsun wu ai gaw,

LUKA 12:12

dai ahkying hta nan hpa tsun mai na gaw, Chyoi pra ai Wenyi nanhte hpe sharin ya na marin dai,” ngu mu ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

LUKA 4:1

Dai hpang Yesu gaw, Chyoi pra ai Wenyi hte hpring let, Yawdan hka nna bai wa yang, dai Wenyi e nam mali de

YAWHAN 14:26

Nye Wa e nye a amying hte shangun dat na ra ai, Shalan Shabran ai wa ngu ai, Chyoi pra ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng, nanhte hpe shadum jahprang ya na ra ai.

YAWHAN 20:22

Shing nga nhtawm, sape ni a ntsa e shi kawut nna, “Chyoi pra ai Wenyi hkap la mu:

KASA 1:5

ga ndat dai gaw, Yawhan gaw hka hte baptisma jaw ai; nanhte chyawm gaw nhtoi gade n na yang, Chyoi pra ai Wenyi hta baptisma hkam la lu na marin dai, nga ai, rai nga ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 10:46

kaning rai nme law, shanhte ga amyu myu tsun ai hte Karai Kasang hpe shagrau ma ai, na lu ma ai.

KASA 10:47

Dai rai nna Petru gaw, “Anhte zawn Chyoi pra ai Wenyi hkam la ai ni hpe, baptisma n hkam shangun na nga, hka hpe kadai hkum lu a ta?” ngu wu ai.

KASA 11:15

Ya, ngai ga hpaw nna tsun nga yang, shawng de anhte a ntsa e Chyoi pra ai Wenyi yu hkrat ai zawn, shanhte hta mung yu hkrat wa malu ai.

KASA 11:24

kaning rai nme law, dai wa gaw masha kaja rai nna, Chyoi pra ai Wenyi hte mung, makam masham hte mung, hkum tsup ai wa rai nga ai: masha law law wa hpe dai Madu hpang de jat bang wa shangun mu ai.

KASA 13:52

Sape ni chyawm gaw, kabu gara ai hte Chyoi pra ai Wenyi hpring nga ma ai.

KASA 13:9

Shaloi Pawlu ngu ai Shawlu gaw, Chyoi pra ai Wenyi hpring let, shi hpe azi da nna,

KASA 15:8

Kraw lawang hpe chye ya lu ai Karai Kasang gaw, anhte hpe jaw mi ai hte maren, shanhte hpe mung, Chyoi pra ai Wenyi jaw ya nna, shanhte a hpang maga sakse hkam ya manu ai;

KASA 19:6

Ya Pawlu shanhte a ntsa e lata mara jang, Chyoi pra ai Wenyi shanhte a ntsa e du nna, shanhte ga amyu kaga tsun nna myihtoi htoi ma ai.

KASA 2:11

Kreti hte Arabi mung na ni, anhte gaw, Karai Kasang a mauhpa amu magam lam shanhte hkai dan ai ga hpe, tinang a buga ga hku na la lu nga ga hka,” nga nna myit kahpra rai tsun ma ai.

KASA 2:3

Bra karan ai wan shinglet zawn re ai mung, shanhte kaw dan pru nna, langai hte langai a ntsa e jung nga ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna, nlang hte hta Chyoi pra ai Wenyi hpring wa ai hte, Karai Kasang a mungga hpe nden ja ai myit hte tsun dan wa ma ai.

KASA 4:8

Shaloi Petru, Chyoi pra ai Wenyi hpring nga ai rai nna, shanhte hpe tsun mu ai gaw, “Mung masha ni a du agyi salang ni e,

KASA 6:3

Dai majaw, hpunau ni e, nanhte hta na sari rawng nna, Chyoi pra ai Wenyi hte hpaji byeng-ya hta myit kup ai masha marai sanit lata tawn mu; dai ni hpe ndai amu madu shangun na matu, anhte san da nme ga.

KASA 6:5

Ga dai hpe hpung ting na ra ma ai rai nna, makam masham tsup ai hte, Chyoi pra ai Wenyi hpring ai Stehpan ngu ai wa hte, Hpilip, Prokoru, Nekanora, Timun, Parmena hte Antioki mare na Proselutu hpung na Nikola hte hpe lata la nna,

KASA 6:8

Ya Stehpan gaw chyeju hte n-gun atsam hpring nga ai rai nna, mung masha ni a man e mauhpa amu hte lamik kumla kaba madun dan mu ai.

KASA 7:55

Shi chyawm gaw Chyoi pra ai Wenyi hpring nna, lamu de azi yu wu yang, Karai Kasang a hpung shingkang hte Karai Kasang a hkra maga de Yesu tsap nga ai hpe, mu wu ai rai nna,

KASA 8:17

Dai rai nna kasa yan shanhte a ntsa e lata mara ya jang, shanhte dai Chyoi pra ai Wenyi hkam la lu ma ai.

KASA 9:17

Shaloi Anani du sa nna, dai nta de shang nhtawm, Shawlu a ntsa e lata mara let, “Hpunau Shawlu e, nang myi bai mu lu nna, Chyoi pra ai Wenyi hpring lit ga nga, nang sa wa ai lam e, nang hpe shadan dan ai Madu Yesu gaw, ngai e shangun dat ni ai,” ngu wu yang,

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

1 KORINHTU 12:10

kaga wa hpe lamik kumla galaw dan na ahkang; kaga wa hpe myihtoi htoi na ahkang; kaga wa hpe wenyi ni hpe chye ginhka na ahkang; kaga wa hpe ga amyu myu chye tsun na ahkang; kaga wa hpe ga amyu myu a ga lachyum shapraw dan na ahkang, jaw shajang mu ai:

1 KORINHTU 13:1

Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 13:8

Tsawra ai myit gaw galoi mung htak chye ai n rai: myihtoi chye htoi ai lam rai yang gaw, hkoi mat na ra ai: ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw, hkoi mat na ra ai.

1 KORINHTU 14:18

Nanhte nlang hta ga amyu myu ngai grau nna chye tsun nngai majaw, Karai Kasang hpe ngai shakawn nngai:

1 KORINHTU 14:5

Nanhte nga manga ga amyu myu chye tsun na ngai ra nngai; nanhte myihtoi htoi lu na grau nna ngai ra nngai: kaning rai nme law, ga amyu myu chye tsun ai wa gaw, dai Hpung hpe shadaw shangang na ga lachyum n chye shapraw a yang gaw, myihtoi htoi lu ai wa gaw, shi hta grau kaba nga ai.

EHPESU 3:19

Karai Kasang a hkum tsup ai lam ting hte hkum tsup lu myit ga, chye chyang ai myit hte n dang chye ai Hkristu a tsawra ai lam hpe, nanhte chye na lu na, ngai hpyi nga nngai.

EHPESU 5:18

Chyaru hkum nang mu: dai hta e kabring kabrawng sha rai nga ai: Wenyi hte hpring tsup nga mu:

EHPESU 6:18

Ahkying ladaw shagu hte hta e, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu.

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

2 PETRU 1:21

Kaning rai nme law, masha a myit jasat ai hku majaw, hpa myihtoi ga galoi mung byin pru yu ai n rai; Chyoi pra ai Wenyi e myit shadut ya hkrum ai masha ni gaw, Karai Kasang kaw na ga htawn tsun ma ai.

1 SAMUELA 1:14

Dai rai nna Eli gaw, “Nang gaten du hkra naw nang nga na n ta? Na tsabyi jahku gam kau u,” ngu nna shi hpe tsun wu ai.

1 SAMUELA 10:10

Ya shan gaw dai kawng de du jang, myihtoi hpung masha ni hte hkrum nna, Karai Kasang a wenyi shi a ntsa e aze du ai majaw, shanhte hte rau myihtoi htoi nang nga ai.