KASA 2:3 - Jinghpaw Hanson Version Bible

³ Bra karan ai wan shinglet zawn re ai mung, shanhte kaw dan pru nna, langai hte langai a ntsa e jung nga ai.

Jinghpaw Common Language Bible 2009

³ Shaloi bra garan ai wan shinglet zawn re ai mung, shanhte kaw dan pru nna langai hte langai a ntsa e jung nga ai.

KASA 2:3 ပူးပေါင်းရင်းမြစ်များ

NINGPAWT NINGHPANG 11:6

Dai rai nna Yehowa gaw, “Yu mu, shanhte gaw amyu langai sha rai ma ai hte, shaga ai ga langai sha rai nga malu ai rai nna, ndai gaw shanhte nnan galaw hpang ai amu rai nga malu ai: ya kaw nna shanhte maw mamaw hpe n hkum shadang lu na ra ai.

SHAKAWN KUNGDAWN 55:9

Madu e, dai mare hta e ahkrim sha ai hte, Ga law ga la ngai mu se ai majaw, Shanhte a ga shanut ya nna shabra kau mu.

ESAIA 6:5

Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

YEREMIA 23:29

Nye a mungga gaw wan zawn, nlung dup ai sumdu zawn, rai nga ai, n rai ni? nga nna Yehowa tsun ai.

MAHTE 3:11

Ngai gaw, myit malai lu myit ga, hka hta nanhte hpe baptisma jaw made ai, rai timung, nye a hpang e du sa ai wa mahtang gaw, ngai hta n-gun grau ja ai rai nna, shi a kyepdin gun na pyi ngai n ging n dan nngai: dai wa gaw Chyoi pra ai Wenyi hta mung, wan hta mung nanhte hpe baptisma jaw na myit dai:

MAHTE 3:15

Shaloi Yesu gaw, “Ya dai shabyin ya e; dingman ai lam shagu hpe shadik lu mu ga, an a matu sut nga mali ai,” ngu nna shi hpe htan wu ai: shaloi, shi hpe dai lam shabyin ya wu ai.

LUKA 24:32

Dai rai nna shan gaw, Lam e anhte ga tsun nna, Chyum laika ni a ga lachyum tsun hpaw dan mi ai shaloi, an a myit masin gadau gadap nga mali ai, n rai ni?” nga nna shada da tsun ma ai.

KASA 1:15

Dai nhtoi hte yang, masha latsa e hkun daram rai hpawng nga ai kahpu kanau ni a ka-ang e Petru rawt tsap nna,

KASA 2:11

Kreti hte Arabi mung na ni, anhte gaw, Karai Kasang a mauhpa amu magam lam shanhte hkai dan ai ga hpe, tinang a buga ga hku na la lu nga ga hka,” nga nna myit kahpra rai tsun ma ai.

KASA 2:2

Shaloi lamu de nna nbung laru kaba wa ai zawn, akajawng sha kadu pru nna, shanhte rawng nga ai nta ting hpring chyat rai wa ai.

KASA 2:4

Shanhte nlang hte mung, Chyoi pra ai Wenyi hpring shajang nna, Wenyi e shadut mu ai hte maren, ga amyu kaga ga hku shaga wa ma ai.

1 KORINHTU 12:10

kaga wa hpe lamik kumla galaw dan na ahkang; kaga wa hpe myihtoi htoi na ahkang; kaga wa hpe wenyi ni hpe chye ginhka na ahkang; kaga wa hpe ga amyu myu chye tsun na ahkang; kaga wa hpe ga amyu myu a ga lachyum shapraw dan na ahkang, jaw shajang mu ai:

YAKU 3:6

Dai shinglet mung wan rai nga ai; anhte a daw shan ni hta e, dai shinglet gaw, yubak a mungkan tai wa nga ai rai nna, anhte a hkum ting hpe awu asin di kau wu ai hte, dai gawng shing-yan a hkrang hpe nat kau wu ai rai nna, ngarai mung gaw dai hpe nan shachyi wu ai.

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

SHINGRAN 14:6

Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai: