KASA 2:1 - Jinghpaw Hanson Version Bible

¹ Ya Pentekoti shani du jang, shanhte nlang shara sha hta rau hpawng nga ma ai.

Jinghpaw Common Language Bible 2009

¹ Ya, Pentekoti shani du jang, kam sham ai ni nlang hte gaw shara mi hta sha hpawng nga ma ai.

KASA 2:1 ပူးပေါင်းရင်းမြစ်များ

2 HKAWHKAM LABAU 30:12

Dai hta kaga, Yehowa a ga hkan nna, hkawhkam wa hte du salang ni hkang dat ai hte maren, Yuda mung masha ni gaw myit langai sha hte hkan nang lu hkra, Karai Kasang a lata shanhte a ntsa e rai ngai ai.

2 HKAWHKAM LABAU 5:13

ya pahtau dum ai ni hte mahkawn mangoi ai ni gaw, rau Yehowa a chyeju dum let shi hpe shakawn kungdawn nna, pahtau, shupsheng, dum ai baw kaga hte nsen langai sha hte Yehowa hpe shakawn kungdawn nna, Shi gaw mai kaja nga ai; rai sa, shi a chyeju htani htana e agrin nga ai, nga nna tsun ma yang, sumwi gaw Yehowa nta hpe nan ka-up nga ai;

SHAKAWN KUNGDAWN 133:1

Yu mu, hpunau ni myit hkrum nga nna, Rau hpawng nga lu ai gaw, Gade ngwipyaw nga a hka!

PRU MAT 23:16

yi hkauna galaw nna nsi naisi nnan shu ai shaloi, nlung nnan poi mung; shaning jahtum na nmut tawm hta nsi naisi dan shinggyin la ai shaloi, nmut shinggyin poi mung, nang galaw lu na ndai.

PRU MAT 34:22

Hkaulan mam dan hpang ai ta hta bat sanit poi mung, shaning ladu hkrum ai hta nmut shinggyin poi mung, nang hkan nga lu na rai ndai.

YEREMIA 32:39

shanhte hte shanhte a kashu kasha ni ngamu ngamai na matu, ngai hpe tutnawng hkrit hkungga nga lu hkra, ngai shanhte hpe myit langai sha hte lam langai sha jaw da na nngai:

ZEHPANI 3:9

“Dai hpang e, amyu baw ni mahkra gaw, Yehowa amying hpe shaga nna, myit langai sha hte shi hpe daw jau lu hkra, ngai shanhte hpe san seng ai n-gup jaw na nngai.

KASA 1:5

ga ndat dai gaw, Yawhan gaw hka hte baptisma jaw ai; nanhte chyawm gaw nhtoi gade n na yang, Chyoi pra ai Wenyi hta baptisma hkam la lu na marin dai, nga ai, rai nga ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 2:46

Shani shagu myit langai sha hte nawku Htingnu hta shanhte htep lahti machyu nga nna, tinang a nta e muk ahkyep karan nga yang,

KASA 20:16

Kaning rai nme law Pawlu gaw, Pentekoti shani e Yerusalem mare de dep lu yang dep hkra nga tin da wu ai rai nna, Asi mung e nhtoi hkatum n shama mayu ai majaw, Ehpesu mare hpe lai kau da na, myit shatawng da wu ai.

KASA 4:24

Dai na jang shanhte gaw myit langai sha hte Karai Kasang hpang de tinang a nsen shaja nna, “Sumsing lamu hte ginding aga, nammukdara hte dai hte hta nga manga hpan tawn da ai Madu e;

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna, nlang hte hta Chyoi pra ai Wenyi hpring wa ai hte, Karai Kasang a mungga hpe nden ja ai myit hte tsun dan wa ma ai.

KASA 4:32

Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.

KASA 5:12

Ya kasa ni a lata hta lamik kumla hte mauhpa amu law law wa, mung masha ni a man e byin dan nga ai; dai ni nlang myit langai sha hte, Shawlumon mying ai jarawp hta nga nga ma ai.

ROMA 15:6

Hkristu Yesu a jaw e nanhte shada da myit mang ara sha rai nga lu u ga, shakut sharang ya ai hte shangwi shapyaw ya ai a Karai Kasang gaw, nanhte hpe awn nga u ga law.

1 KORINHTU 16:8

Dai Pentekoti poi du hkra, Ehpesu mare hta e ngai naw anga nga na nngai.

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

HPILIPI 2:2

nanhte myit hkrum mang hkrum langai sha, tsawra ai myit langai sha, myit masin langai sha hte myit mang langai sha e hkan nang nga myit dai hta, nye a kabu gara lam hpe shadik shatup nga mu.