KASA 17:3 - Jinghpaw Hanson Version Bible

³ Hkristu gaw nni nkri hkrum lu na hte, si ai kaw na bai hkrung rawt wa na gaw, shi a lam rai nga ai, nga nna mung, Ngai nanhte hpe tsun dan ai Yesu gaw, dai Hkristu nan rai nga ai, nga nna mung, shanhte hpe jahprang mu ai.

Jinghpaw Common Language Bible 2009

³ Meshia gaw nni nkri hkrum na lam, si ai kaw na bai hkrung rawt wa na lam hpe Chyum Laika hku hkan nna tsun sanglang dan wu ai. Pawlu gaw, “Ngai nanhte hpe tsun dan nga ai Yesu gaw, dai Meshia nan rai nga ai,” nga nna mung tsun jahprang mu ai.

KASA 17:3 ပူးပေါင်းရင်းမြစ်များ

LUKA 24:32

Dai rai nna shan gaw, Lam e anhte ga tsun nna, Chyum laika ni a ga lachyum tsun hpaw dan mi ai shaloi, an a myit masin gadau gadap nga mali ai, n rai ni?” nga nna shada da tsun ma ai.

LUKA 24:44

Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

LUKA 24:46

“Hkristu gaw nni nkri hkam nna, masum ya du ai nhtoi e si ai ni kaw na hkrung rawt wa na ra ai lam mung,

YAWHAN 20:9

Kaning rai nme law, Yesu gaw si ai ni kaw na bai hkrung rawt na ra ai, nga nna rawng ai Chyum laika hpe, shan garai n chye ma ai.

KASA 1:4

Shing rai rau hpawng nga yang, shi shanhte hpe, “Yerusalem kaw na n pru ai sha, nanhte ngai kaw na na la ai, Wa a ga ndat hpe a la nga mu,” nga nna hkang da nga ai:

KASA 18:28

kaning rai nme law, Yesu gaw Hkristu nan rai nga ai, nga nna Chyum laika hku madun let, Yuda ni hpe dan dan leng leng, aja awa tsun kapat kau nga ai.

KASA 18:5

Ya Sila yan Timohti Makedoni mung nna hkan dep jang, Pawlu gaw mungga hkaw lam hkrai san rai nna, Yesu gaw Hkristu nan rai nga ai, nga nna Yuda masha ni hpe sakse hkam da wu ai.

KASA 3:18

Dai gaw, Karai Wa a Hkristu nni nkri hkrum na re ai, nga nna myihtoi ni yawng a n-gup hte tau tsun shangun ai Karai Kasang shi nan, ning re ai lam hte shadik nu ai.

KASA 9:22

Shawlu chyawm gaw n-gun ja wa nna, Yesu gaw Hkristu nan rai nga ai lam pra pra madun dan ai hte, Damasku e nga ai Yuda ni hpe shamak kau mu ai.

GALATI 3:1

Angawk angak re ai Galati masha ni e, wudang hta jen da ai Yesu Hkristu hpe nanhte a myi man e dem shakap dan sai mi, nanhte hpe gade e hkalau kau myit ta?