KASA 15:3 - Jinghpaw Hanson Version Bible

³ shing rai Hpung masha ni shanhte hpe sa sa jang, shanhte gaw Hpinisi mung hte Samari mung ga sa wa let, maigan masha ni a myit malai ai lam hkai dan nna, hpunau ni yawng mayawng hpe grai kabu shangun mu ai.

Jinghpaw Common Language Bible 2009

³ Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 15:3 ပူးပေါင်းရင်းမြစ်များ

LUKA 15:32

Rai timung, pyaw pyaw rai kabu gara mai nga ai; hpa majaw nga yang, ndai na nnau gaw si mat sai, ya bai hkrung ra ai: mat mat sai mung, ya bai mu la saga ai, ngu nna shi hpe nem wu ai,” ngu mu ai.

KASA 1:15

Dai nhtoi hte yang, masha latsa e hkun daram rai hpawng nga ai kahpu kanau ni a ka-ang e Petru rawt tsap nna,

KASA 13:48

Maigan amyu ni dai na jang, kabu gara nga ai hte, Karai Kasang a mungga hpe shagrau sha-a ma ai: n htum n wai asak lu la na san da ai ni nlang hte mung, kamsham mat ma ai.

KASA 13:52

Sape ni chyawm gaw, kabu gara ai hte Chyoi pra ai Wenyi hpring nga ma ai.

KASA 14:27

Shan du wa jang, Hpung masha ni hpe jahpawng tawn nna, Karai Kasang shan hta galaw ai lam yawng mayawng mung, maigan amyu ni hpe dai makam masham lam chyinghka hpaw ya wu ai mung, hkai dan mu ai.

KASA 15:1

Ya Yuda mung na ni nkau mi sa du nna, hpunau ni hpe, “Nanhte Mawshe a htung hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 15:12

Shaloi shawa hpung ting atsin sha nga nna, Barnaba yan Pawlu, shan a lata hte maigan amyu ni hta, Karai Kasang kaning re ai lamik kumla hte mauhpa amu shabyin ya ai lam ni hkai dan ai ga, madat nga ma ai.

KASA 15:22

Shaloi kasa ni hte salang ni gaw hpung masha nlang hte bawng nna, shanhte hta na masha lata la nhtawm, Pawlu yan Barnaba hte rau Antioki de shangun dat na lam myit hkrum ma ai: dai hte maren hpunau ni hta na, myit su ai salang Barsaba ngu ai Yuda yan Sila hpe lata la nna,

KASA 15:32

Yuda yan Sila gaw, myihtoi mung rai ma ai rai nna, mungga law law hte hpunau ni hpe shadum jahprang let shadaw shangang da mu ai.

KASA 15:4

Yerusalem mare de du jang, Hpung masha ni, kasa ni hte salang ni, shanhte hpe hkap hkalum la ma ai rai nna, Karai Kasang shanhte hta galaw dan ai lam magup shanhte hkai dan ma ai.

KASA 17:15

Rai timung, Pawlu hpe hkan sa ai ni gaw, Ahten mare du hkra shi hpe hkan sa kau da nna, Sila yan Timohti hpe alawan hkan nang na lam, htet dat ai ga gun let, bai wa ma ai.

KASA 20:38

Hpang de shi a myi man bai n mu lu na nga ai ga majaw, shanhte grau yawn ma ai. Li du hkra mung shi hpe hkan sa dat ma ai.

KASA 21:5

Sanit ya nhtoi lai jang, anhte bai pru wa ga ai; shanhte mung, madu jan kasha ni hte rau, mare shinggan du hkra hkan sa dat ma ai rai nna, hka kau e hput di let, akyu hpyi ga ai: shing rai shada da shakram ngut jang,

KASA 28:15

Dai mare na hpunau ni, anhte du na lam na nna, tau la na nga, Api gat hte Manam Jarawp masum du hkra sa ma ai; Pawlu shanhte hpe mu jang, Karai Kasang hpe shakawn kungdawn nna shalan shabran nga ai.

KASA 8:14

Samari masha ni, Karai Kasang a mungga hta la ma ai hpe, Yerusalem e nga ai kasa ni na ma yang, shanhte gaw Petru yan Yawhan hpe shangun dat mu ai:

ROMA 15:24

Kaning rai nme law, lai sa wa yang, nanhte hte hkrum mu nna, nanhte hte tawng marang mi kanawn mazum ngut jang she, dai mung de nanhte ngai hpe hkan shakram sa dat mi ga, ngai myit mada nga nngai.

1 KORINHTU 16:11

Dai re ai majaw kadai mung shi hpe n gawn n sawn, n di u ga. Ngai hpang de shi bai wa lu u ga, shi hpe apyaw sha sa dat mu; hpunau ni hte nawng shi wa na ra ai hpe, ngai ala nga na nngai.

1 KORINHTU 16:6

ngai gade pru hkawm rai timung, nanhte ngai hpe hkan sa dat lu myit ga, ngai nanhte hte rau hkring nga lu nna, kashung ta pyi naw lai lu nhten.

2 KORINHTU 1:16

nanhte a makau hku hprang let Makedoni mung de sa nhtawm, Makedoni kaw na nanhte hpang de bai wa nna, nanhte ngai hpe Yuda mung de hkan sa dat mi ga, ngai myit da nga nngai.

TITU 3:13

Bawmung wa Zena yan Apolo hta lam jarit hpa mung n kadawn malu ga, shan hpe hkum hkum di nna shabawn dat u.