Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KASA 10:2 - Jinghpaw Hanson Version Bible

2 dai wa gaw tara hkungga myit rawng nna, shi a nta na ni nlang hte rau Karai Kasang hpe hkrit hkungga ai hte, masha ni hpe alu law law jaw let, Karai kasang hpe tut tut a hpyi nga ai.

အခန်းကိုကြည့်ပါ။ ကော်ပီ

Jinghpaw Common Language Bible 2009

2 Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

အခန်းကိုကြည့်ပါ။ ကော်ပီ




KASA 10:2
51 ပူးပေါင်းရင်းမြစ်များ  

kaning rai nme law, Abraham a lam Yehowa tsun da ai ga ndat hte maren shi hta shadik lu hkra, Yehowa a lam hkan nga nna, dinghpring ai lam hte tara tengman ai lam hpe shatsup lu na matu, Abraham gaw shi a kashu kasha ni hte shi a dinghku na ni hpe, shi hpang hkan nang nga mu ga nga, shi hkang na ra ai gaw ngai chye da we ai,” nga ai.


na amyu Israela gaw na amying hpe chye nna hkrit hkungga nga ai hte, ndai ngai galaw da ai nta gaw, na a amying nsang rawng ai nta rai nga ai gaw, ga ntsa na amyu baw mahkra chye nga lu hkra, nang gaw sumsing lamu e nga ai, na shanu shara hta madat mara ya nna, tsasam wa hpyi mahpyi hte maren galaw ya u law.”


na amyu Israela gaw na amying hpe chye nna hkrit hkungga nga ai hte, ndai ngai galaw da ai nta gaw na a amying ningsang rawng ai nta rai nga ai gaw, ga ntsa na amyu baw mahkra chye nga lu hkra, nang gaw sumsing lamu e nga ai, na a shanu shara hta madat mara ya nna, tsasam wa hpyi mahpyi hte maren galaw ya u law.


Uza mung hta e, Yoba mying ai wa langai mi nga ai; dai wa gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau wu ai.


Poi sha ngut ai nhtoi ni lai jang, Yoba gaw shaga la nna, shanhte hpe shachyoi shapra nhtawm, jahpawt jau jau e rawt nna, shanhte a nambat gu hkra, wan nat hkungga nawng ya ya re ai: kaning rai nme law, ngai sha ni gaw shut hpyit nna, tinang a myit hta Karai Kasang hpe kau da masai nhten, nga nna Yoba myit la nga ai. Yoba gaw dai lam tutnawng a galaw nga ai.


Shaloi masha amyu ni Yehowa a amying nsang hpe, Ga ntsa hkawhkam ni nlang na a arawng sadang hpe, hkrit hkungga na mara ai.


Shi a sakse ga hpe matsing nga nna, Myit yawng hte shi hpe hkan tam ai ni, a lu ma ai.


Ngai hpe hkye hkrang la ai Karai Kasang nang rai nga ndai majaw, Na a sadi sahka ai hta ngai hpe woi wa nna sharin ya e; Shani tup ngai nang hpe myit a mada nga nngai.


Matsan mayan ni hpe dum ai wa gaw, a nga ai; Yehowa gaw dai wa hpe kyin dut ai nhtoi e shalawt dat na wu ai.


Shana e, jahpawt e, jan pungding ga ai aten e, Ngai myit aru yu let madai nga nna, Shi nye a nsen hpe madat ya na ra ai.


Shani tup ngai nang hpe shaga nga nngai majaw, Madu e, ngai hpe matsan dum la e.


Ngai hpe hkye hkrang la ai Karai Kasang Yehowa e, Shani shana ngai nang hpe shaga nga nngai.


Ndai ga hpe hta la na mai nga ai; dai hpe hkum tat kau et; Karai Kasang hpe hkrit kamyin ai wa gaw, dai lam yawng hta awng wa na ra ai.


Shing rai shanhte gaw sinpraw maga kaw nna sinna maga du hkra, Yehowa a mying nsang hte hpung shingkang hpe hkrit hkungga na mara ai; kaning rai nme law shi gaw, Yehowa a nbung hte ahpawt kau ai hka hpungtun zawn, du na ra ai.


Dai laika hta amying dazik shakap nga ai hpe, Daniela chye jang, shi gaw shi a nta de shang wa sai; ya, shi a gawk hkuwawt chyinghka ni gaw, Yerusalem mare de ang nna hpaw nga ai: shing rai shi gaw shawoi galaw ai hte maren, lani mi hta masum lang lang, lahput hput di let akyu hpyi nna, shi a Karai Kasang hpe shakawn kungdawn nga ai.


Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.


Dai de ni wa jang shi gaw hkrap ngu hkrap ngoi ai nsen hte Daniela hpe shaga nna, “A hkrung nga ai Karai Kasang a shangun ma Daniela e, nang n sim n sa nawku nga ai, na a Karai Kasang gaw, hkanghkyi ni a n-gup na nang hpe mawai la lu a ni?” ngu nna san wu ai.


nye a mungdan ting chyam hkra masha nga manga hte gaw, Daniela a Karai Kasang man e hkrit hkungga nga mu, ngu nna hkang da ai ga ngai hkang dat nngai: kaning rai nme law, shi gaw ahkrung nga ai Karai Kasang rai nga nna, htani htana prat dingsa agrin nga ai: shi a mungdan gaw hten byak mat lu ai n rai; shi a ahkang aya gaw, lamu ga htum hkra rai na ra ai:


Lahkawng lu la ai wa mung dai hte maren ga nna, lahkawng myat la nu ai.


Tutnawng e akyu a hpyi nga mu ga hte myit n hten malu ga, shi shanhte hpe ga shadawn tsun mu ai gaw,


Ya, yu mu, Simun mying ai masha langai mi Yerusalem mare e nga ai: dai wa gaw dinghpring ai hte tara hkungga nna, Israela hpe shalan shabran na lam myit mada nga ai wa rai nga ai; dai Chyoi pra ai Wenyi mung shi a ntsa e nga nga ai.


Shanhte gaw, “Dingman nna, Karai Kasang hpe hkrit hkungga ai hte, Yuda amyu ting a man e myi man pa ai, hpyen latsa up ai bu Korneli gaw, nang hpe shi a nta de shaga bang nna, nang tsun ai ga madat la na lam, chyoi pra ai lamu kasa nan shadum dan ai lu la nu ai,” ngu nna tsun dan mu ai.


‘Korneli e, na a akyu hpyi ai ga madat mara nu ai; na alu jaw ai mung Karai Kasang matsing da nu ai.


amyu baw shagu hta shi hpe hkrit hkungga ai hte dingman ai amu galaw ai wa gaw, shi kaw myi man pa nga ai.


Shi gaw dai wa hpe azi yu nna, “Madu e, hpa lam rai ta?” ngu nna hkrit let shi hpe san wu ai. Dai wa chyawm gaw, “Na a akyu hpyi ai hte alu jaw ai lam, Karai Kasang a man e, masat dingsat matu hkrang salit dai.


Shi hte ga tsun ai lamu kasa wa mat jang, shangun ma lahkawng hte, shi kaw tut hkan nga ai ni hta na, tara hkungga ai hpyen ma langai mi hpe shaga nna,


nang hte na nta masha ni nlang hkye hkrang la kaw du lu myit ga, shi nang hpe ga tsun dan na ra ai, nga nna sa tsun ai lam, anhte hpe hkai dan mi ai.


Shaloi Pawlu rawt nna lata dingsi let, “Israela masha ni hte Karai Kasang hpe hkrit hkungga ai ni e, madat mara la mu.


Abraham a amyu kashu kasha ni hte, nanhte hta na Karai Kasang hpe hkrit hkungga ai, hpunau ni e, ndai hkye hkrang la ai lam a mungga gaw, anhte hpang de jaw dat ra ai.


Yuda masha ni chyawm gaw, tara hkungga nna arawng lu ai num ni hte, dai mare na agyi ni hte shadut nna, Pawlu yan Barnaba hpe zingri zingrat di shangun ai hte, shanhte a lamu ga jarit na shaden kau mu ai.


Krispu mying ai tara jawng agyi wa mung, shi a nta masha nlang hte hte hpawn, Madu hpe kamsham ma ai: Korinhtu masha ni law law mung, na la nna kamsham ai hte baptisma hkam la ma ai.


Dai shaloi e sumsing lamu a npu e nga ai masha amyu shagu hta na, tara hkungga ai Yuda masha, Yerusalem mare e nga nga ma ai.


Shing rai, jep ai tara hku tara hkungga nna, dai yang e nga ai Yuda masha ni mahkra man e myi man pa ai Anani ngu ai wa,


Rai timung, tara hkungga ai masha Stehpan hpe makoi mayang nna, shi a majaw hkrap ngu hkrap ngoi kaba di mu ai.


Dai Madu bai tsun wu ai gaw, “Rawt u, Lam Ding ngu ai mare lam de sa nna, Yuda nta e, Tarshu masha Shawlu hpe sa tam su; yu u, shi akyu hpyi nga ai rai nna,


Dai hte yang, Yuda mung, Galile mung hte Samari mung shara magup hkan e nga ai Hpung gaw, shadaw shangang ai lu la nna, angwi apyaw rai nga ai; dai Madu hpe hkrit hkungga ai hte, Chyoi pra ai Wenyi a shalan shabran ai lam ni hta hkawm sa let, shanhte law htam wa ma ai.


Ya, Yopa mare hta Tabihta mying ai numsha sape langai mi nga ai; mying de a ga lachyum gaw Dorka ngu ai rai lu ai: dai numsha gaw kaja ai bungli hte alu jaw ya ai lam hta, myit tsup ai jan rai nga ai.


Akyu hpyi ai hta shakut sharang rai nga mu, dai hta e a maja nga let shakawn kungdawn nga mu.


n sim n sa akyu hpyi nga mu; lam shagu hta shakawn kungdawn nga mu:


Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe ndaw nhta a jaw nga ai Karai Kasang kaw, hpyi nga u ga; shaloi shi lu la na ru ai:


Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.


Madu e, nang hpe n hkrit ai hte, na a amying nsang hpe n shagrau ai gaw kadai wa rai na a ta? Nang chyu sha chyoi pra nga ndai; na a dinghpring ai lam ni dan hkung nga ai majaw, masha amyu baw shagu na a man e sa nawku na mara ai law,” nga nna tsun ma ai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ