KASA 10:1 - Jinghpaw Hanson Version Bible

¹ Ya Kesare mare e, Itali ngu ai hpyen dap hta, Korneli mying ai hpyen latsa up ai bu langai mi nga ai:

Jinghpaw Common Language Bible 2009

¹ Kesare mare e, Korneli ngu ai wa langai mi nga ai. Shi gaw Itali dap ngu ai Roma lagaw dap hta hpyen latsa rawng ai dap kung langai mi a du wa rai nga ai.

KASA 10:1 ပူးပေါင်းရင်းမြစ်များ

MAHTE 27:27

Shaloi, dai munggyi a hpyen ma ni gaw, Yesu hpe htingnu nhku de woi wa nna, dai hpyen dap na nlang hte hpe, shi a man e jahpawng tawn mu ai.

MAHTE 27:54

Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

MARKU 15:16

Shaloi hpyen ma ni gaw Pretori Htingnu wang kata de, Yesu hpe woi wa nna, dai hpyen dap ting hpe shaga tawn mu ai.

LUKA 7:2

Dai shaloi hpyen du langai mi a tsawra ai shangun ma gaw machyi nna, si wa magang nga lu ai.

YAWHAN 18:12

Shaloi hpyen ma ni, hpyen du wa hte, Yuda masha ni a agyi ni gaw, Yesu hpe rim la nna gyit ngut jang, Anna hpang de shawng woi wa mu ai:

YAWHAN 18:3

Dai rai nna Yuda gaw, hpyen langa ni hte, Hkinjawng agyi ni hte Hparishe ni kaw na, hpyen du ni hpe lu la jang, pyengdin, shanan, ri nhtu hte rai nna, dai de sa wa ma ai.

KASA 10:24

De a hpang shani Kesare mare de shang wa ai; Korneli chyawm gaw, shi a hpunau ni hte makyin jinghku ni hpe jahpawng tawn nna, shanhte hpe la nga ma ai.

KASA 21:31

Shing rai Pawlu hpe sat kau na maw nga ma yang, Yerusalem mare ting kabrawng nga ai, nga nna hpyen dap up ai bu kaba kaw ga hkawn pru ai.

KASA 21:8

Hpang shani e anhte bai pru nna, Kesare mare de du ga ai; shing rai sara sanit hta na, kabu gara shiga hkaw tsun ai wa Hpilip a nta e, anhte shang manam nga ga ai.

KASA 22:25

Shanhpyi sumri hte shi hpe gang jen mu yang, Pawlu gaw makau e tsap nga ai hpyen du wa hpe, “Taw, Roma masha rai nga ai wa hpe, garai n jeyang ngut yang, nanhte kayat sharim mai a ni?” ngu wu ai.

KASA 23:23

Bai shi gaw, hpyen du lahkawng shaga la nna, “Dai na ahkying masum hta Kesare mare de sa wa na, hpyen ma ni tsa, gumra jawn ai sanit shi, ri lang ai ni tsa hte hpe shajin tawn mu,” ngu wu ai:

KASA 23:33

gumra hpyen ni mung Kesare mare de du nna, munggyi wa hpe laika ya da nhtawm, Pawlu hpe mung shi a man e jashawn mu ai.

KASA 25:1

Ya Hpestu dai mungdaw hta shang ai masum ya rai yang, Kesare mare kaw nna Yerusalem de lung wa ai.

KASA 25:13

Dai hpang nhtoi gade n na yang, hkawhkam Agripa Yan Bernike hte Kesare mare de du nna Hpestu hpe sa shachyen ma ai.

KASA 27:1

Ya, anhte hpe Itali mung de li hte sharap sa wa na myit shatawng da ngut jang, shanhte Pawlu hte kaga bawng ni nkau mi hpe, Agustu hpyen dap hte seng ai, Yuli ngu ai hpyen du a lata hta ap dat mi ai.

KASA 27:31

Pawlu gaw hpyen du hte hpyen ma ni hpe, “Ndai ni li e n nga sayang me, nanhte lawt lu na mi n rai sai,” ngu nna tsun mu ai.

KASA 27:43

Hpyen du wa chyawm gaw, Pawlu hpe hkye la mayu nna, shanhte a bawng ai lam hpe hkum kau nhtawm, hpung-yawt chye ai ni kadai mung, hka de yu nna, hkarang de shawng kaw wa mu ga, nga nna mung;

KASA 8:40

Hpilip chyawm gaw, Azutu mare e wa du ai rai nna, dai mung ga sa wa yang, Kesare mare du hkra mare shagu hkan e dai kabu gara shiga hkai dan wu ai.