KASA 1:7 - Jinghpaw Hanson Version Bible

⁷ Shi gaw, “Wa gaw shi a hpung shingkang hte, hkang tawn ai aten hte ahkying ladaw hpe, nanhte chye shara n nga ai:

Jinghpaw Common Language Bible 2009

⁷ Yesu gaw, “Wa gaw shi a ahkaw ahkang hte daw dan masat da ai aten ahkying ladaw hpe nanhte chye lu na ahkang n nga ai,” ngu nna tsun mu ai.

KASA 1:7 ပူးပေါင်းရင်းမြစ်များ

YOBA 24:1

N-gun chyalai rawng ai wa gaw, hpa majaw aten ladaw n madat da a ta? Shi hpe chye chyang ai ni, hpa majaw shi a nhtoi ni hpe n chye ginhka ma ta?

Daniela 2:21

Shi gaw ahkying aten hte, du hkra ladaw hpe galai nga ai; hkawhkam langai mi hpe shi shayu kau nna, hkawhkam kaga hpe shagrau shatsaw wu ai; hpaji rawng ai ni hpe hpaji, nyan rawng ai ni hpe chye chyang ai chyeju, shi jaw wu ai:

MAHTE 20:23

Bai shi gaw, “Nye a gawm hpe nanhte gaja wa lu na rai nga myit dai; rai timung, nye a hkra maga pai maga de dung nga lu na, ngai ahkang n jaw lu nngai: dai gaw, nye a Wa lajang da ya ai ni a matu mara sha rai nga ai, ngu nna shanhte hpe tsun wu ai.

MAHTE 24:36

Rai timung, dai shani hte ahkying hpe chyawm gaw kadai mung n chye lu ai: lamu kasa ni hte Kasha pyi, dai hpe n chye lu ai; Wa hkrai sha dai hpe chye lu ai.

MARKU 10:40

rai timung, nye a hkra maga pai maga de dung nga lu na, ngai ahkang n jaw lu nngai; dai gaw, lajang da ya ai ni a matu mara sha, rai nga ai,” ngu nna shan hpe tsun mu ai.

MARKU 13:32

Rai timung, dai shani hte ahkying hpe dai Wa hta kaga, kadai mung n chye lu ai: lamu na kasa ni hte dai Kasha pyi dai hpe n chye lu ma ai.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

KASA 17:26

Shi gaw, shinggyim masha ni Karai Kasang hpe hkan tam masawp lamawm yu nna, mu yang me mu mu ga nga, dinghta ga e nga pra na matu, masha amyu danghta hpe daju langai hte sha hpan tawn da nna,

EHPESU 1:10

dai sung htum ai lam chyawm gaw, shi a sharawng awng ai myit hku hkan nna, Hkristu hta e myit shatawng da sai hte maren, madat da ai aten ladaw du wa yang, sumsing lamu tang na arai hpe mung, ginding aga na arai hpe mung, nga manga hte hpe Hkristu hta e gumhpawn tawn da na ru ai lam, rai nga ai.

1 TIMOHTI 6:15

ahkying aten ang wa yang, dai paw pru ai lam hpe, shi madun dan na ra ai. Shi gaw langai sha rai nga ai a rawng ai Daru Magam re ai du, hkawhkam ni a Hkawhkam, madu ni a Madu rai nga ai rai nna,

2 TIMOHTI 3:1

Dai hta kaga, hpang jahtum na nhtoi ni hta e, yak la ai aten du na ra ai, chye nga u,