KASA 1:3 - Jinghpaw Hanson Version Bible

³ shi gaw nni nkri hkrum ai hpang, shi hkum chyahkrung hpe, kam ging ai sakse law law hte shanhte hpe madun dan nna, Karai Kasang a mungdan lam hkai dan let, nhtoi mali shi ya laman e, shanhte kaw shi hkum sa pru dan dan di mu ai.

Jinghpaw Common Language Bible 2009

³ Yesu gaw si hkam ngut ai hpang, nhtoi mali shi ya laman kasa ni hpe law law lang shi a hkum shadan dan nna, shi asak hkrung nga ai lam kam ging ai sakse ni hpe madun dan sai. Kasa ni mung shi hpe mu nna, shi shanhte hpe Karai Kasang a Mungdan lam hkaw tsun dan mu ai.

KASA 1:3 ပူးပေါင်းရင်းမြစ်များ

1 HKAWHKAM 19:8

Shaloi shi gaw rawt nna lusha nga ai hte, dai lusha hta n-gun lu la nna, Karai Kasang a bum Horeb du hkra, shani mali shi ya, shana mali shi na hkawm sa wa ai.

MAHTE 21:43

Dai rai nna, ngai nanhte hpe tsun made ga, Karai Kasang a mungdan gaw, nanhte kaw na shaw la kau nna, de a asi shapraw lu na amyu hpe jaw kau na ru ai.

MAHTE 28:9

Shaloi, yu mu, Yesu shan hpe tau la nna, Ngwipyaw nga myit ga, ngu mu ai: shan gaw shi a lagaw hpe sa ginshum let shi hpe nawku ma ai.

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 4:2

Ya shani mali shi ya, shana mali shi na tup, shi lusha gam ai hpang kawsi wu ai.

MARKU 16:19

Shing rai, dai Madu Yesu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna, Htawma mung shanhte hte rau rai nga ai. Chyinghka la da nga yang, Yesu sa du nna shanhte a ka-ang e tsap let, “Nanhte ngwipyaw nga myit ga law,” ngu wu ai.

YAWHAN 21:1

Dai hpang Yesu gaw Tiberi nawng makau e, sape ni hpe shi hkum bai madun dan mu ai; dai shaloi na madun dan ai lam gaw, ning rai nga ai:

YAWHAN 21:14

Yesu shi si ai ni kaw na bai hkrung rawt ai hpang, sape ni hpe shi a hkum madun dan ai hta na, ndai gaw masum lang na rai nga ai.

KASA 13:31

Galile mung kaw nna Yerusalem mare de shi hte rau lung wa ai ni ngu ai, mung masha ni a man e ya shi a sakse tai nga ai ni, nhtoi tsawmra na hkra shi hpe mu lu masai.

KASA 19:8

Dai hpang Pawlu gaw tara jawng de shang nna, shata masum tup nden ja ai hte Karai Kasang a mungdan lam tsun hkai hkat nga nna, woi awn da wu ai.

KASA 28:23

Ya shanhte shi hte hkrum chyai na nhtoi madat da nhtawm, shi manam nga ai nta de masha law law wa sa hpawng nga ma ai: shaloi shi gaw, jahpawt kaw nna shana de du hkra, Mawshe a tara hte myihtoi ni a ga hta hkan nna, Karai Kasang a mungdan lam sakse hkam ai hte, Yesu a lam shanhte hpe shapraw shadan dan mu ai.

KASA 28:31

Karai Kasang a mungdan lam, hkaw dan ai hte, Madu Yesu Hkristu hte seng ai lam hpe nden ja ai myit hte sharin shaga nga nna, kadai mung shi hpe hkum shadang ai n rai.

KASA 8:12

Rai timung, Karai Kasang a mungdan hte Yesu Hkristu a amying ningsang hte seng ai kabu gara shiga lam, Hpilip hkaw dan ai hpe, kamsham ma yang, numsha lasha baptisma hkam la shajang ma ai.

ROMA 14:17

Kaning rai nme law, Karai Kasang a mungdan gaw, sha sha, lu lu rai na hku n re ai sha, Chyoi pra ai Wenyi e, dinghpring ai, ngwipyaw ai hte kabu gara ai, rai nga ai.

TARA JAHPRANG 9:18

Yehowa a man e nanhte n shawp ai amu shapraw nna, shi hpe shapawt ai mara nlang a majaw, shawng na zawn nhtoi mali shi ya tup Yehowa a man e ngai dingnyawm dagup nga nna, shat n sha ntsin n lu ai bai nga nga nngai.

TARA JAHPRANG 9:9

Yehowa nanhte hte tawn da ai ga shaka ka ai lungpa wa la na matu bum de ngai lung wa ai shaloi nhtoi mali shi ya tup dai bum ntsa e, shat n sha ntsin n lu ai wa nga nga nngai.

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

1 HTESALONI 2:12

kawa gaw tinang a kasha ni hpe di ai hte maren, langai hte langai hte hpe anhte shadum jahprang nna, shangwi shapyaw ai hte sakse hkam ya ai hpe, nanhte nan chye nga myit dai.

1 YAWHAN 1:1

Shawng npawt kaw nna nga ai rai nna, anhte na yu ai hte, anhte a myi hte mu yu ai hpe, anhte mada yu ai hte anhte a lata hte hkra ai, asak hkrung ai mungga a lam, anhte nanhte hpe gawn dan ga ai;