KASA 1:2 - Jinghpaw Hanson Version Bible

² galaw dan ai hte, sharin shaga wa ai yawng mayawng a lam, shawng na laika hta ngai hpajang da se ai, Htawhpilu e:

Jinghpaw Common Language Bible 2009

² sumsing lamu de shalun la hkrum ai shani du hkra, galaw dan ai hte sharin shaga wa ai lam yawng mayawng a lam shawng na laika hta ngai ka hpajang da se ai. Yesu gaw sumsing lamu de shalun la ai garai n hkrum yang, shi a lata la ai kasa ni hpe Chyoi Pra ai Wenyi a atsam hte matsun hkang da mu ai.

KASA 1:2 ပူးပေါင်းရင်းမြစ်များ

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 48:16

Ngai hpang de sit sa nna, ndai ga madat mara mu; ngai gaw npawt kaw nna mayun e tsun ai n rai: byin pru ai shani kaw nna ngai lawm nga nngai; ya mung Madu Yehowa hte shi a Wenyi ngai hpe shangun dat nngai.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

MAHTE 12:28

Karai Kasang a wenyi hte nat ni hpe ngai shaden kau mawe ai rai yang gaw, Karai Kasang a mungdan nanhte kaw du sai rai nga ai.

MAHTE 3:16

Ya Yesu gaw baptisma hkam la ngut jang, dai hka hta na byawn hprang rai lung wa nna, yu u, lamu gaw hpaw malang wa nhtawm, Karai Kasang a Wenyi gaw, hkrudu zawn yu hkrat wa nna, shi a ntsa e dung nga ai hpe shi mu lu ai:

MARKU 6:30

Dai hpang, kasa ni gaw Yesu kaw wa zup nna, shanhte galaw sai lam nlang hte hte, sharin shaga ya ai lam yawng shi hpe shana dan mu ai.

LUKA 24:51

Shing rai shanhte hpe shaman ya nga yang, shi shanhte kaw na hka mat wa nna sumsing lamu de woi shalun la ai hkrum wu ai.

LUKA 9:51

Ya shi hpe shalun la na nhtoi du wa magang yang, Yerusalem mare de sa na shi myit dingren di da wu ai rai nna, shi a shawng de kasa shangun dat wu ai.

YAWHAN 1:16

Kaning rai nme law, anhte mahkra gaw, shi a hkum tsup ai hta na, chyeju htap mi hta htap mi, lu la saga ai.

YAWHAN 13:1

Ya dai Shalai wa ai poi garai n du yang, Yesu gaw ndai mungkan ga nna, shi a Kawa hpang de htawt wa na ahkying du wa sai, chye wu ai rai nna, mungkan ga e nga ai shi a masha ni hpe tsawra nga ai re ai hte maren, jahtum nhtoi du hkra shanhte hpe tsawra mu ai.

YAWHAN 13:18

Nanhte yawng hpe sha-ang nna ngai tsun nngai n rai: ngai lata la ai ni hpe gaw, ndai chye da we ai: rai timung, Nye a shat sha ai wa gaw, shi a lahtin hte ngai hpe shingdit nngai, nga nna ka da ai ga shadik na a majaw rai nga ai.

YAWHAN 13:3

Yesu gaw Kawa e shi a lata de nga yawng nga pra ap ya nu ai mung, Karai Kasang kaw na shi pru sa nna, Karai Kasang hpang de bai wa na rai nga ai mung, chye wu ai majaw,

YAWHAN 16:28

Ngai gaw Wa kaw na pru sa nna, mungkan ga de du sa ni ai; bai mungkan ga hpe ngai kau da nna, Wa hpang de wa na nngai,” ngu mu ai.

YAWHAN 17:13

“Ya gaw nang hpang de ngai wa na rai nna, nye a kabu gara ai gaw shanhte hkum hta nan hpring tup wa malu ga, ngu nna mungkan ga e, ga ndai ngai tsun da nga nngai.

YAWHAN 20:17

Bai Yesu gaw, “Ngai e hkum hkra et; kaning rai nme law, ngai Wa hpang de ngai garai n lung wa nngai: rai timung, ngai nau ni hpang de wa nna, Ngai gaw nye a Wa hte nanhte a Kawa, nye a Karai Kasang hte nanhte a Karai Kasang hpang de lung wa sa na da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 20:21

Bai Yesu gaw, “Nanhte ngwipyaw nga myit ga; nye Wa ngai hpe shangun dat nngai hte maren, ngai mung nanhte hpe shangun dat made ai,” ngu nna shanhte hpe tsun mu ai.

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

YAWHAN 6:62

Dai Masha Kasha, myi nga ai shara de bai lung wa ai hpe nanhte mu myit yang gaw, kaning nga na myit ta?

YAWHAN 6:70

Bai Yesu gaw, “Nanhte shi lahkawng hpe ngai lata la masade ai, n rai ni? rai timung, nanhte hta na langai mi gaw nat matse rai nga ai,” ngu nna shanhte hpe htan mu ai.

KASA 1:11

“Galile masha ni e, hpa rai lamu de naw dawng yu nga myit ta? Nanhte a man na sumsing lamu de shalun la ai wa, dai Yesu gaw, nanhte mu nga yang sumsing lamu de wa ai zawn, dai hku bai du na ra ai,” ngu nna tsun mu ai.

KASA 1:13

Du wa ma yang shanhte nga nga re ai ntsa gawk de lung wa ma ai: dai ni gaw, Petru, Yawhan, Yaku, Andre, Hpilip hte Htawma, Barhtolume hte Mahte, Alhpe a kasha Yaku, Zelutu ngu ai Simun, Yaku a kasha Yuda hte rai ma ai.

KASA 1:22

rau hkawm rau sa ai nhtoi hte ting, anhte hte kanawn nga ai wa langai mi gaw, anhte hte rau, shi a bai rawt wa ai lam, sakse wa tai na ra ai,” ngu wu ai.

KASA 1:9

Ndai tsun nga yang, shanhte yu nga ninglen shi hpe ntsa de shalun la ai rai nna, sumwi gaw shanhte a man na shi hpe magap la mat wa ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

GALATI 1:1

Masha kaw na n rai, masha a ahkang majaw mung n re ai sha, Yesu Hkristu hte si mat ai ni kaw na shi hpe sharawt la ai Kawa Karai Kasang a ahkang majaw kasa rai nga ai ngai Pawlu hte,

EHPESU 2:20

kasa ni hte myihtoi ni, gaw da ai wahpang npawt hta nanhte de kahtap myit dai; Hkristu Yesu nan dai hta e grau htum ai njut nlung rai nga ai;

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

HEBRE 9:24

Kaning rai nme law, Hkristu gaw, lamu na kasi a sumla sha rai nga nna, masha lata hte gap tawn ai chyoi pra ai shara kata de n shang ai sha, anhte a matu mara Karai Kasang a man e dan pru nga na nga, sumsing lamu kata de nan shang wa sai:

1 PETRU 3:22

Yesu Hkristu mahtang gaw, sumsing lamu de lung shang mat wa nhtawm, Karai Kasang a hkra maga de anga nga ai rai nna, lamu kasa ni, ahkang aya lu ai ni hte, hpung shingkang rawng ai ni gaw, shi a npu e a daw nga ma ai.

2 PETRU 3:2

dai Madu hte Hkye hkrang la ai wa a htet da ai ga hpe mung, nanhte adum nga myit ga, ndai laika yan hta nanhte a san seng ai myit hpe shadum jahprang let, ngai jasu da made ai.

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 2:11

Wenyi gaw Hpung ni hpe kaning nga tsun ai gaw, na tu ai wa gaw na la u ga. Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:17

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, makoi da ai manna hpe mung, ahpraw nsan ai lungdin hpe mung, ngai jaw na nngai: dai lungdin hta amying ningnan ka da nga ai rai nna, dai hpe lu la ai wa hta kaga, kadai mung dai amying hpe n chye ya lu ai.

SHINGRAN 2:29

Wenyi gaw Hpung ni hpe kaning nga tsun ai gaw, na tu ai wa gaw na lu u ga.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 21:14

Dai mare a bunghku gaw npawt shi lahkawng hte gaw da nga ai rai nna, dai ni a ntsa e Sagu Kasha a kasa shi lahkawng ni a amying shingteng shi lahkawng kap nga ai.

SHINGRAN 3:13

Wenyi gaw Hpung ni hpe kaning nga tsun ai gaw, na tu ai wa gaw na la u ga.

SHINGRAN 3:16

Ya gaw, nang kahtet ai mung n rai, katsi ai mung n rai, lum nai rai nga ndai majaw, nye a n-gup hta na ngai nang hpe nhpat kau magang sade ai.

SHINGRAN 3:22

Wenyi gaw Hpung ni hpe kaning nga tsun ai gaw, na tu ai wa gaw na la u ga, nga nna tsun nga ai.