JAW JAU 8:3 - Jinghpaw Hanson Version Bible

³ shawa sum a chyinghka makau e shawa masha ni nlang hte hpe jahpawng tawn mu, ngu wu ai.

Jinghpaw Common Language Bible 2009

³ Dai yang e shawa masha ni hpe shaga jahpawng da na rai ndai,” ngu nna tsun wu ai.

JAW JAU 8:3 ပူးပေါင်းရင်းမြစ်များ

1 HKAWHKAM LABAU 13:5

Shing rai Dawi gaw Karai Kasang a sakse sumpu hpe, Kiriat-yearim mare na hpai la na nga, Egutu mung na Shihora hka shi kaw nna, Hamat lamu ga jarit du hkra nga ai Israela amyu masha yawng hte hpe jahpawng la nhtawm,

1 HKAWHKAM LABAU 15:3

Dai rai nna Dawi gaw, shi mazing da ai shara de, Yehowa sakse sumpu hpe hpai tawn na nga, Israela amyu ting hpe, Yerusalem mare e jahpawng la mu ai.

2 HKAWHKAM LABAU 30:13

Shing rai shata lahkawng ngu na hta, matsi n rawng ai muk sha na matu, masha law law wa Yerusalem mare e hpawng nga nna, shawa hpawng kaba rai nga ai.

2 HKAWHKAM LABAU 30:2

Kaning rai nme law, shata lahkawng ngu na hta, dai Shalai wa ai poi hpe sha na lam, hkawhkam wa, du salang ni hte yerusalem na shawa hpawng ting, bawng hkut nga masai.

2 HKAWHKAM LABAU 30:25

Hkinjawng ni hte Lewi masha ni hte rau, Yuda shawa hpawng ni Israela mung nna du sa ai shawa hpawng ting, Israela hte Yuda mung e shingbyi nga ai tsasam manam ni gaw, kabu gara nga ma ai.

2 HKAWHKAM LABAU 5:2

Shaloi Shawlumon gaw, Yehowa a ga shaka sumpu hpe Ziun ngu ai Dawi a mare kaw na shalun la na matu, Israela agyi salang ni hte amyu ni a agyi ni ngu ai, Israela kashu kasha ni a ji wa dap lakung na du ni hpe, Yerusalem mare de shaga jahpawng wu ai.

2 HKAWHKAM LABAU 5:6

Hkawhkam Shawlumon hte rau zuphpawng nga ai Israela wunawng wuwa ting, dai sumpu man e rau hpawng nga nna, law la ai majaw n dang hti lu ai sagu dumsu ni hpe sat nawng ya mu ai.

NEHEMIA 8:1

Shaloi jang, shawa hpawng ting hka chyinghka ndaw na dam lada ai shara hta myit langai sha hte sa hpawng nna, “Yehowa gaw Israela hpe hkang tawn da ai Mawshe a tara laika hpe la sa rit,” ngu nna chyare wa Ezra hpe hpyi mu ai.

SHAKAWN KUNGDAWN 22:25

Shawa hpawng kaba e, ngai shakawn ai ga gaw, nang kaw na pru nga ai. Nang hpe hkrit hkungga ai ni a man e, ngai dagam ai ga ngai shadik na nngai.

JAW JAU 14:11

jasan jaseng ya ai, hkinjawng wa gaw, jasan jaseng na wa hpe shawa sum a chyinghka lam e Yehowa a man e dai kumhpa ni hte rau sak na rai wu ai.

JAW JAU 8:2

Arun hte shi a shadang sha ni, shanhte a hpun palawng hte chya na namman, htingrai hkungga a usu, dai sagu la lahkawng hte matsi n rawng ai muk ka mi la sa nna,

JAW JAU 8:4

Shaloi Mawshe Yehowa shi hpe hkang ai hte maren galaw wu ai rai nna, shawa masha ni dai shawa sum a chyinghka makau e hpawng nga ma ai.

BU HKAWM 20:8

“Dai dawhkrawng la nna, na nhpu Arun hte sa nhtawm shawa hpawng hpe jahpawng tawn u: shing rai shanhte a man e dai nlung hpe, tinang a ntsin shapraw na tsun u; shaloi dai nlung hta na nang shanhte a matu ntsin shapraw lu na ra ai; shing rai, dai shawa hpung hta shanhte a yamnga ni hpe nang ntsin jaw lu lu na ra ai,” ngu wu ai.

BU HKAWM 21:16

Dai kaw nna Bera de shanhte sa wa ma ai: dai hka htung gaw, Amyu masha ni hpe jahpawng u; ngai shanhte hpe ntsin jaw mawe ga, nga nna Yehowa Mawshe hpe tsun ai hka htung rai nga ai.

BU HKAWM 8:9

Lewi masha ni hpe shawa sum a man e jahpawng tawn nhtawm, Israela kashu kasha ni a shawa hpung ting hpe jahpawng ngut jang,

KASA 2:1

Ya Pentekoti shani du jang, shanhte nlang shara sha hta rau hpawng nga ma ai.