JAW JAU 4:4 - Jinghpaw Hanson Version Bible

⁴ Dai usu uram hpe shawa sum chyinghka makau, Yehowa a man de la sa nhtawm, dai usu a baw hta shi a lata mara nna Yehowa man e sat na rai wu ai.

Jinghpaw Common Language Bible 2009

⁴ Shi gaw dai usu hpe Sum a shang wa chyinghka lam man de dun sa nna dai usu a baw hta shi a lata mara nhtawm, dai hpe dai Madu a man e sat na rai wu ai.

JAW JAU 4:4 ပူးပေါင်းရင်းမြစ်များ

2 HKAWHKAM LABAU 29:23

Dai hpang shanhte gaw mara raw na hkungga matu, namla ni hpe mung hkawhkam wa hte shawa hpawng a man de shapraw la nna, namla ni a ntsa e tinang a lata mara da mu ai:

ESAIA 53:6

Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

Daniela 9:26

Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

JAW JAU 16:21

Arun gaw dai bainam hkrung a baw hta shi a lata lahkawng maga mara let Israela a kashu kasha ni a n hkru n hkra ai hte tara tawt lai ai yubak yawng mayawng tawngban nna dai bainam baw hta mara da nhtawm san da ai masha a lata hte nam mali de gawt kau shangun na rai wu ai:

JAW JAU 4:15

Shawa hpung na agyi salang ni gaw, Yehowa a man e shanhte a lata dai usu a baw hta mara nna, dai usu hpe Yehowa a man e sat na rai mu ai.

JAW JAU 4:29

Dai htingrai hkungga a baw hta shi a lata shi mara nna wan nat hkungga sat ai shara e dai hpe sat na rai wu ai.

JAW JAU 8:14

Bai, Yehowa hkang da sai hte maren, htingrai hkungga usu hpe dun la nna, Arun hte shi a shadang sha ni gaw, htingrai hkungga usu a baw hta tinang a lata mara mu ai.

BU HKAWM 8:12

Lewi masha ni mung usu baw hta lata mara na rai mu ai: nang mung, Lewi masha ni a matu htingrai htingrat ya na usu langai mi hte htingrai hkungga, usu langai mi hte wan nat hkungga di nna nawng ya u.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai: