JAW JAU 27:8 - Jinghpaw Hanson Version Bible

⁸ Nang tawn ai manu hku n dang hkan ai wa hpe gaw, hkinjawng wa hpang de sa dat nna, hkinjawng wa gaw shi a manu tawn ya na rai wu ai: ga shaka da ai wa shi dang lu ai made hkinjawng wa sawn yu nna tawn ya na rai wu ai.

Jinghpaw Common Language Bible 2009

⁸ Ga shaka tawn ai wa mahtang nau matsan nna tawn da ai manu hku n dang hkan ai rai yang, shi hpe hkinjawng wa hpang de woi sa nna hkinjawng wa mung dai wa lu jaw na atsam hte maren nem ai manu tawn da ya na rai wu ai.

JAW JAU 27:8 ပူးပေါင်းရင်းမြစ်များ

2 HKAWHKAM 7:5

Shing rai shanhte gaw Suri dap de shang na matu nhtoi garai n leng yang, rawt sa wa nna, Suri dap ndaw de du jang, yu mu, masha langai mi muk n nga nga ai.

YEREMIA 5:7

“Ngai na a yubak hpe kaning rai raw dat kau lu na rai ta? na a kashu kasha ni gaw ngai hpe kau da nna, hpa n re ai hpara ni hpe gang let dagam masai: ngai shanhte hpe jahkru shakat ngut yang, shanhte gaw num shaw la shaw amu galaw nna, shawa num a nta hta ju nga ma ai.

JAW JAU 12:8

Sagu kasha n dang yang gaw, u ra lahkawng, shing n rai hkrudu lahkawng, wan nat hkungga a matu langai mi, htingrai hkungga a matu langai mi la sa lu na rai nna, hkinjawng wa gaw shi a matu htingrai htingrat ya na rai wu ai: shaloi shi chyoi pra wa na ra ai, ngu wu ai.

JAW JAU 27:7

Kru shi ning lai sai rai yang gaw, lasha hpe shekela shi manga, numsha hpe shekela shi, manu tawn na rai ndai.

JAW JAU 27:9

Yehowa hpe yamnga hkungga jaw ai rai yang, jaw majaw gaw Yehowa a matu chyoi pra sai rai nga ai.

JAW JAU 5:11

Hkrudu shing n rai u ra kasha lahkawng mung, n jaw lu sai rai yang, shut ai wa gaw shi a mara raw na matu mani ai shadung uma mi htingrai hkungga shatai na rai wu ai: dai gaw htingrai htingrat hkungga rai nga ai majaw, namman mung, lawban mung, dai hta mai bang na n rai.

JAW JAU 5:7

Sagu kasha jaw na n lu jang gaw, dai shut ai mara a matu, yubak raw ai hkungga di na langai mi, wan nat hkungga di na langai mi di nna, hkrudu kasha lahkawng, shing n rai u ra kasha lahkawng Yehowa a man de la sa lu na rai wu ai.

MARKU 14:7

Matsan mayan ni nanhte hte rau tut tut nga nga ma ai hte, nanhte ra ai hte maren shanhte hpe galoi mung chyeju galaw lu timung, ngai gaw nanhte hte rau tut tut nga lu na n rai.

2 KORINHTU 8:12

Kaning rai nme law, galaw mayu ai myit rawng nga a yang gaw, n sharai lu ai hte n re ai sha, sharai lu ai hku sha sharawng awng nga ai.