JAW JAU 26:4 - Jinghpaw Hanson Version Bible

⁴ shi ten du yang ngai nanhte a matu lamu marang jahtu nna, nanhte a lamu ga gaw nsi naisi shakat ya nna, sun na namsi hpun ni asi si na mara ai.

JAW JAU 26:4 ပူးပေါင်းရင်းမြစ်များ

1 HKAWHKAM 17:1

Shaloi Gilead mung e sa nga ai Tirbi masha Elia gaw, Ahab hpe, “Ngai daw jaw nga ai Israela Karai Kasang Yehowa hkrung nga ai hte maren ngai n tsun yang gaw, ya kaw nna mari mung n hkrat, marang mung n htu na ra ai,” ngu wu ai.

YOBA 5:10

Ga ntsa e shi marang jahtu ya nna, yi hkauna ni hpe madit ya mu ai:

SHAKAWN KUNGDAWN 104:13

Shi a gawk ni hta nna, bum ni hpe shi ntsin jaw mu ai; Na a bungli a asi hta e lamu ga hkru kat nga ai.

SHAKAWN KUNGDAWN 67:6

Aga gaw shi a nsi naisi dik hkra shapraw ya sai, Karai Kasang, anhte a Karai Kasang, anhte hpe shaman ya mi ai.

SHAKAWN KUNGDAWN 67:7

Karai Kasang anhte hpe shaman ya nna, Aga ting htum hkra shi hpe hkrit hkungga na mu ai.

SHAKAWN KUNGDAWN 68:9

Karai Kasang e, marang mana maga nang jahtu dat nna, Na a nyip mat ai sali wunli hpe shabran wu ai.

SHAKAWN KUNGDAWN 85:12

Yehowa gaw mai kaja ai lam jaw ya nna, Anhte a lamu ga, de a nsi naisi jaw na mi ai.

SHAKAWN KUNGDAWN 85:13

Shi a man e dinghpring ai gaw hkawm nga nna, Shi a lagaw hkang, lam shatai na ra ai.

ESAIA 30:23

Bai, Yehowa gaw, na a yi hkauna hta nang gat ai nli a matu, marang jahtu nna, lamu ga a nsi naisi hta na muk law wa na ra ai; dai gaw dwi sau ai hte n taw n tsang rai nga ai: dai shani e na a yamnga ni gaw, dam lada ai udat shara hta sha nga na mara ai.

ESAIA 5:6

Ngai dai hpe shakrin kau na we ai; kadai mung lakung ni hpe n krum kau ai hte, aga hpe htu kapun na n rai: ju hpun amyu myu tu pru na ra ai; de a ntsa e marang n htu u ga, ngai sumwi ni hpe hkang da na we ai.

YEREMIA 14:22

Maigan masha ni a hpara sumla ni hta, marang jahtu lu ai wa, nga a ni? lamu gaw shi hkrai marang htu lu a ni? Anhte a Karai Kasang Yehowa e, ndai lam nang hkrai shabyin lu ai, n rai ni? dai re majaw, anhte nang hpe ala nga ga ai; ndai lam yawng nang tawn da nit dai.

EZEKELA 36:30

Nanhte hku wa hkrum ai lam, htawm hpang e maigan amyu ni nanhte hpe n shatan lu hkra, namsi hpun a namsi hte yi hkauna a nai mam hpe, ngai shalaw jahtam na nngai.

YOELA 2:22

Pa ga na ashu ashan ni e, hkum tsang myit; kaning rai nme law, nam mali na udat shara ni tu prut nga ai; namsi hpun ni si si nga ai; lakum hpun hte tsabyi ru ni, ja kat nga ma ai.

JAW JAU 25:19

Nanhte a lamu ga mung nsi naisi jasi ya nna nanhte hkru hkru kat kat sha nga let ngwipyaw ai hte nga sha lu na marin dai.

JAW JAU 25:21

dai gaw, kru ning shaning hta ngai nanhte hpe shaman ya nna, dai shaning hta masum ning na matu nsi naisi shangai ya na made ai:

ZEHKARIA 8:12

“Ngwipyaw nli ngai gat nngai; tsabyi ru si si nna, lamu ga gaw, nsi naisi shatut na ra ai; sumsing lamu gaw mari jahkrat nna, ndai naw ngam nga ai amyu masha ni gaw, ndai mahkra hpe madu lu na, ngai shabyin na nngai.

MAHTE 5:45

shing rai yang gaw, sumsing lamu hta nga ai nanhte a Kawa a kashu kasha ni gaw, nanhte tai na marin dai; kaning rai nme law, n kaja ai ni hte kaja ai ni a ntsa e, shi a jan hpe shi pru shangun nga ai rai nna, dinghpring ai ni hte n ding n hpring ai ni a ntsa e, marang jahtu ya mu ai.

KASA 14:17

rai timung, shi hkum a sakse kata ai n rai; mai kaja ai amu galaw let sumsing lamu na marang hte, nsi naisi shangai chye ai duhkra ladaw shi jaw da ai hte, nanhte hpe lusha hte mung kabu gara ai hte mung, jahkru shakat ya nga ai,” ngu nna jahtau mu ai.

TARA JAHPRANG 11:13

Shing rai, dai ni ngai nanhte hpe tawn da ya ai hkang da ai ga hpe nanhte azin ayang madat mara ai hte, nanhte a Karai Kasang Yehowa hpe tsawra let, nanhte a kraw lawang mahkra hte, nanhte a myit masin mahkra hte shi a amu magam gun hpai myit yang gaw;

TARA JAHPRANG 11:14

na a nsi naisi, na a tsabyi jahku ningnan hte na a namman shu la lu hkra, nanhte a lamu ga hta, du hkra ladaw du jang, mahpawng hpaw marang hte hpang shadoi htu marang, ngai jahtu ya na ring ngai:

TARA JAHPRANG 28:12

Na a mungdan hta du hkra ladaw shagu lamu marang jahtu ya na matu, Yehowa gaw shi a sutdek kaja ngu ai Sumsing lamu hpaw ya nna, na lata galaw ai lam magup hta nang hpe shaman ya na ra ai: masha amyu law law hpe nang mahtang hkoi ya lu na rin dai, nang gaw hkoi la ra na n rai.

YAKU 5:7

Dai re ai majaw, hpunau ni e, dai Madu bai du ai du hkra shakut sharang nga mu law. Yu mu, sun galaw ai wa gaw, ga a asau asi hpe ala nga ai rai nna, marang nhpaw hte hpang shadoi na marang dai hta e htu shaya ai du hkra, shakut sharang nga ai.

SHINGRAN 11:6

Shan a myihtoi htoi ai nhtoi hte hta marang n htu lu u ga, lamu hpe pat kau na ahkang shan lu ma ai; hka nu ni hte hka htung ni hpe sai shatai na hte, galoi galaw mayu yang, shan gaw ga ntsa hpe ana ahkya amyu myu hte tsin-yam dat na ahkang mung, lu ma ai.