JAW JAU 26:16 - Jinghpaw Hanson Version Bible

¹⁶ nanhte hpe ngai di na lam gaw, nanhte a myi man jasum na hte minla byaw mat ai jahkrum na, hkrit kajawng ai, mang shakrwi krawi ai, a li awaw waw ai ana ngai nanhte a ntsa e dat dat na we ai: nanhte dat ai nli mung kaman rai mat na malit dai; hpyen ni gaw nanhte a nsi naisi shu sha na maru ai.

Jinghpaw Common Language Bible 2009

¹⁶ Ngai gaw nanhte hpe tsi la n lu ai ana ahkya hte mung, nanhte hpe myi n mu shangun lu ai machyi makaw hte nanhte a asak hpe hkra shangun na ru yak tsin-yam tsindam shangun dat na we ai. Nanhte a gumlau hpyen ni mahtang nanhte hpe ka-up kau nhtawm nanhte hkai shakut da ai nsi naisi ni hpe sha kau na mara ai.

JAW JAU 26:16 ပူးပေါင်းရင်းမြစ်များ

1 HKAWHKAM 8:37

“Dai mungdan hta n-gawn hku wa wa ai, ana zinli, hkau pyi pyi ai, man maru ru ai, dinggam-yaw hte shingchyut sha ai mung; shanhte hpe hpyen ai ni gaw shanhte a mung na mare ni hpe sa wang tawn ai mung; hpa ana ahkya hte hpa machyi makaw hkrum yang mung;

YOBA 18:11

Hkrithpa gaw lam shagu hta shi hpe shinggrup nna, lahtin hprut hprut hkan shachyut na ra ai.

YOBA 20:25

Pala hpe baw yang, shi a hkum hta htinggrang nga ai; kabrim ai nhtu shi a shagri na pru na ra ai: hkrit kajawng ai gaw, shi a ntsa e ka-up nga ai.

YOBA 31:8

ngai gat hkai ai hpe, masha ni sha nna, nye a tu matu ru hte nawng baw kau mu ga.

SHAKAWN KUNGDAWN 109:6

Shi a ntsa e, tara n lang ai wa hpe san da u ga; Shi a hkra maga e, mara shagun ai wa tsap nga u ga.

SHAKAWN KUNGDAWN 73:19

Ahkring sha shanhte hten mat wa ma hka! Tsin-yam kaba hte shanhte atsai awai hten mat masai.

SHAKAWN KUNGDAWN 78:33

Dai majaw shi gaw shanhte a nhtoi ni hpe nbung zawn, Shanhte a shaning ni hpe hkrithpa hte e, jahtum ya mu ai.

PRU MAT 15:26

shi gaw, “Na a Karai Kasang Yehowa a nsen hpe nang azin ayang madat nna, shi a man e dingman ai hku galaw ndai hte, shi hkang da mada hpe nang madat mara ya nna, shi a ga matsun nlang hte hpe hkan nang n yang gaw, Egutu masha ni hta ngai shakap ai ana ahkya langai mi mung nang hta shakap na n rai: ngai gaw nang hpe shamai ya ai Yehowa rai nga nngai,” ngu wu ai.

GA SHAGAWP 3:33

Tara n lang ai ni a nta hpe, Yehowa dagam kau nga ai. Dinghpring ai ni a nga shara hpe shi shaman ya wu ai.

ESAIA 10:4

Ngai n lawm yang, bawng dung ai ni npu e shanhte gum dagup nna, sat kau hkrum ai ni a npu e taw na mara ai; rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 62:8

Gaja wa ngai gaw, na a nai mam hpyen ni hpe htawm hpang e jaw na n rai; nang shakut nna lu ai tsabyi jahku hpe, maigan masha ni lu lu sa na n rai:

ESAIA 7:2

Shing rai, Suri mung gaw Ehprim mung hte matut nga ai, ngu nna Dawi dap na wa hpe tsun shana mu yang, nam maling na hpun lap gaw nbung e shamu shamawt ai zawn, shi a myit masin hte mung masha ni a myit masin gari nga malu ai.

YEREMIA 12:13

Shanhte hkaulan mam gat nna, ju hpun dan la ma ai; tinang hkum hpe jahki shaba timung, hpa akyu n pru nga ai; Yehowa n-yun bu ai myit majaw, nanhte gaw tinang shapraw ai amu hpe tau yu let, kaya kahpa dum na marin dai.

YEREMIA 15:3

Shanhte hpe sat kau na matu nhtu, karawt sha na matu gwi, sha kau nna shaza kau na matu ntsa malen u ni hte pa ga na matse labye ngu ai tsin-yam amyu mali, ngai shanhte a ntsa e tawn da nna, Yuda hkawhkam, Hezekia a kasha Manashe gaw, Yerusalem mare galaw ai amu majaw, ga ntsa mungdan ni mahkra hta, ngai shanhte hpe hkrithpa kumla shatai na nngai, nga nna Yehowa tsun ai.

YEREMIA 15:8

Shanhte a gaida ni gaw, nammukdara zaibru zawn, nye a man e law wa ma ai; ngai gaw shabrang ni a kanu gasat ai wa hpe, jan pungding aten e jashawn ni ai; yawn madai ai hte hkrit gari ai gaw, shi a ntsa e akajawng sha du shangun nngai.

YEREMIA 20:4

Kaning rai nme law, Yehowa ning nga ai: Yu u, ngai gaw nang hte na a jinghku ni mahkra hta, nang hpe hkrithpa lam shatai na de ai; shanhte gaw na a man e, hpyen ni a nhtu hte si na mara ai: Yuda mungdan ting hpe Babelon hkawhkam a lata de ngai ap kau nna, shi gaw mung masha ni hpe Babelon mare de rim wa nna, shanhte hpe nhtu hte sat kau na ra ai.

YEREMIA 5:17

Na a shayi shadang sha ni sha ang ai nsi naisi hte muk hpe, shanhte sha kau na mara ai; na a sagu dumsu hpung ni hpe mung, na a tsabyi ru ni hte lakum hpun ni hpe mung, sha kau na mara ai; nang shingbyi nga ai bunghku kum ai mare ni hpe, shanhte gasat nna, shaza kau na mara ai.

EZEKELA 24:23

Nanhte bunghkaw hkaw nna, kyepdin din na marin dai; hkrap ngu hkrap ngoi sharung shayawt lu na n rai; nanhte gaw tinang yubak majaw agyawm mat nna, langai hte langai madai shajang na marin dai.

EZEKELA 33:10

“Dai rai nna, masha kasha e, Israela dap hpe htawn tsun u: Nanhte gaw, ‘Ataw, anhte tara tawt lai ai hte yubak gaw, anhte a ntsa e mara nga nna, dai hta anhte gawng kya nga ga ai: dai rai yang, anhte kaning rai hkrung nga lu na ga ta?’ nga nna tsun myit dai.

AMO LAIKA (AMOS) 5:11

Nanhte gaw matsan mayan ni hpe adip arip di nna, mam hkaulaw hpyi ai majaw, tawk ai nlung hte wahpang gaw da timung, dai hta rawng lu na myit dai n rai; tsawm ai tsabyi sun hkai sharing da timung, tsabyi jahku lu lu na myit dai, n rai.

MIHKA 6:15

Nang nli gat timung, mam dan lu na n rai; tsanlun si kabye timung, na hkum hpe sau chya lu na n rai; tsabyi si shup timung, tsabyi jahku lu lu na n rai.

HAGI 1:6

Nanhte law law gat hkai timung, kaji sha shu la lu myit dai; sha timung, n hkru kat myit dai; lu timung, hkru lu ai, n rai; bu hpun timung, lum ai n rai; shabrai sha ai wa gaw, tinang a shabrai hpe, waw ai tingsan hta bang da wu ai.

ZEHKARIA 14:12

Yerusalem mare hpe gasat sa wa ai amyu ni mahkra hpe, Yehowa jaw na ari zinli, da ndai rai nga ai: shanhte naw hkrung nga yang pyi, shanhte a hkum shan yat mat nna, shanhte a myi tum ni yat mat na hte, shanhte a shinglet ni n-gup kata e, yat mat na ra ai.

MALAHKI 2:3

Yu u, nanhte a nli hpe ngai jahten na nngai; nanhte a poi hkungga ahkyi hpe nanhte a myi man ntsa e ngai gat bun nna, dai hkyi hte rau, nanhte hpe shapraw na mara ai.

TARA JAHPRANG 28:51

nang htum mat ai du hkra shanhte gaw na a yamnga, na a nsi naisi sha na mara ai; nang kaw jahten kau lu hkra, nai mam, tsabyi jahku, tsanlun sau, dumsu kasha hte sagu bainam kasha re ai ni hpe, na a matu tawn da ya na n rai.

TARA JAHPRANG 32:25

Ndaw shinggan de na ari nhtu, Nhku kata de na hkrithpa amyu gaw, Mahkawn hte shabrang hpe n nga, Chyu chyu ai ma hte baw hpraw ai dingla hpe n da hkra, hpya kau na ra ai, nga ai.

HEBRE 10:31

Hkrung nga ai Karai Kasang a lata de hkrat wa ai lam gaw, nachying hkrithpa lam rai nga ai.

TARA AGYI 6:11

Bai, Yehowa a lamu kasa gaw sa nna, Ohpra shara na, Abiezra lakung Yoashu ngu ai wa a wamyi hpun nhpang e dung nga ai: shi a kasha Gidon gaw, Midian masha ni n mu hkra nga, tsabyi shup ai htumbyen hta hkaulan mam dup wu ai.

1 SAMUELA 2:33

Na a matu mara langai ngai hpe, nye a tawn hkungri na ngai n shamyit kau ai rai yang, dai gaw, na a myi shakyaw na hte, na a myit shayawn na matu rai nga ai: rai timung na a matu mara ni yawng, mangan n nga ai si na mara ai.'