JAW JAU 26:12 - Jinghpaw Hanson Version Bible

¹² Nanhte hta ngai rau hkawm rau sa nna, nanhte a Karai Kasang tai na nngai; nanhte mung nye a amyu tai na marin dai.

Jinghpaw Common Language Bible 2009

¹² Ngai gaw nanhte hte rau anga nga nna nanhte a Karai Kasang tai nga na nngai, nanhte mung nye a amyu masha ni tai nga na rai myit dai.

JAW JAU 26:12 ပူးပေါင်းရင်းမြစ်များ

NINGPAWT NINGHPANG 17:7

Ngai gaw na a Karai Kasang mung, na a htawm hpang na, na a kashu kasha ni a Karai Kasang mung, tai nga na nngai, ngu nna, nang hte na a kashu kasha ni hta prat mi hte prat mi, nye a ga shaka hpe htani htana ga shaka ngai shatai na wa ai.

NINGPAWT NINGHPANG 17:8

Ya nang manam tai nga ai ndai Hkanan mung ting, nang hpe mung, na a htawm hpang na, na a kashu kasha ni hpe mung, prat dingsa a madu nga lu na matu, ngai jaw da na we ai; dai hta kaga shanhte a Karai Kasang mung ngai tai nga na nngai,” ngu wu ai.

NINGPAWT NINGHPANG 3:8

Dai hpang shan gaw, shana de bungsoi katsi ai aten e Yehowa Karai Kasang dai sun hta sa hkawm shara nga ai hpe na mu ai; dai majaw Adam hte shi a madu jan gaw, Yehowa Karai Kasang a myi man kaw na makoi lu hkra, dai sun na hpun ni a kata e gawp nga ma ai.

NINGPAWT NINGHPANG 5:22

Mahtusala hpe shaprat wu ai hpang, Enuk gaw masum tsa ning tup Karai Kasang hte rau hkawm rau sa nga ai rai nna, shadang sha hte shayi sha hte hpe shaprat da wu ai.

NINGPAWT NINGHPANG 5:24

Enuk chyawm gaw Karai Kasang hte rau hkawm sa nga ai rai nna, shi n nga sai; kaning rai nme nga Yang, Karai Kasang gaw shi hpe Jahtawt la wu ai.

NINGPAWT NINGHPANG 6:9

Ndai gaw Noa a maumwi lam rai nga ai: Noa gaw dinghpring ai hte, dai aprat na ni hta hkum tsup ai wa rai nga ai: Noa gaw Karai Kasang hte rau ahkawm asa nga ai.

2 SAMUELA 7:7

Israela amyu ting hte ngai htawt hkawm wa ai shara magup hkan e, nye a amyu Israela hpe bau rem na matu, ngai shangun ai Israela amyu lakung kadai mahtang hpe, Nang nye a matu marau hpunpyen nta hpa rai n shachyaw myit ta?

SHAKAWN KUNGDAWN 50:7

“Nye a amyu e, madat u, ngai ga tsun na nngai, Israela e, ngai nang hpe sakse jaw de ga: Ngai gaw Karai Kasang, na a Karai Kasang rai nga nngai.

PRU MAT 29:45

Israela kashu kasha ni hta ngai rawng nga nna shanhte a Karai Kasang tai nga na nngai.

PRU MAT 29:46

Shanhte hta ngai rawng nga na ngu nna, Egutu mung na shanhte shapraw wa ai shanhte a Karai Kasang Yehowa ngai rai nga nngai gaw shanhte chye na mara ai: ngai gaw shanhte a Karai Kasang Yehowa rai nga nngai.

PRU MAT 3:6

“Ngai gaw na nwa a Karai Kasang, Abraham a Karai Kasang, Isak a Karai Kasang, Yaku a karai Kasang rai nga nngai,” nga nna mung, tsun wu ai: dai rai nna Mawshe gaw, Karai Kasang hpe yu na hkrit wu ai majaw, shi a myi man magap da wu ai.

PRU MAT 6:7

nye a amyu shatai na matu ngai nanhte hpe shinggyin la nna ngai mung nanhte a Karai Kasang tai na nngai: ngai nanhte hpe Egutu masha ni a mayam lit hta na raw la ai nanhte a Karai Kasang Yehowa rai nga nngai gaw, shaloi nanhte chye na marin dai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

YEREMIA 30:22

Nanhte gaw nye a amyu, ngai gaw nanhte a Karai Kasang rai nga nngai.

YEREMIA 31:33

Da ndai gaw, dai nhtoi ni a hpang e, Israela nta hte ngai shaka na ga shaka rai nga ai: Nye a tara hpe shanhte a kraw lawang hta ngai bang da nna, shanhte a myit hta ka da na we ai: ngai shanhte Karai Kasang tai na nngai; shanhte mung nye a amyu tai na mara ai:

YEREMIA 32:38

shanhte gaw nye a amyu, ngai gaw shanhte a Karai Kasang tai na nngai:

YEREMIA 7:23

ngai shanhte hpe htet da ai lam chyawm gaw, Nye a ga madat mu; shing rai yang, ngai gaw nanhte a Karai Kasang, nanhte gaw nye a amyu tai na myit dai; nanhte ngamu ngamai hkrum lu hkra, ngai nanhte hpe htet da mada hkan nang nga mu, nga nngai rai timung,

EZEKELA 11:20

shanhte gaw nye a matsun maroi ga hpe hkan nang nna, ngai hkang da ai ga hpe hkan galaw lu hkra, shanhte hkumhkrang na nlung salum hpe ngai shaw kau nna, shan salum bang ya na nngai: shing rai shanhte gaw nye a amyu tai nna, ngai gaw shanhte a Karai Kasang tai na nngai.

EZEKELA 36:38

Madat da ai poi aten e Chyoi pra hkungga nawng ya na matu, Yerusalem mare hta sagu hpung hpring nga ai hte maren, marawng marang tai mat ai mare ni hpe, masha wunawng wuwa hte ngai jahpring na nngai: shing rai ngai Yehowa rai nga ai hpe, shanhte chye lu na mara ai,” nga ai.

YOELA 2:27

Dai hta n-ga, ngai gaw Israela amyu ka-ang e rai nga ai mung, ngai nanhte a Karai Kasang Yehowa rai nga nna, ngai hta shaje n nga ai mung, nanhte chye lu na marin dai: nye a amyu masha ni mung, htawm hpang de kaya kahpa galoi n hkrum na masai.

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

BU HKAWM 5:3

dap shinggan e shapraw da mu, ngu nna Israela kashu kasha ni hpe hkang dat u,” ngu wu ai.

MAHTE 22:32

Karai Kasang chyawm gaw, si nga ai ni a Karai kasang rai nga ai n rai, ahkrung nga ai ni a Karai Kasang she rai nga ai,” nga ai.

2 KORINHTU 6:16

Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

TARA JAHPRANG 23:14

kaning rai nme law, na a Karai Kasang Yehowa, nang hpe hkye la nna, masha hpyen ni hpe na a lata hta ap kau na nga, na a dap e hkawm nga ai: dai re ai majaw nang kaw na n san n seng ai lama ma mu nna, nang hpe n koi kau da n ga gaw, na a dap chyoi pra nga na rai lit dai.

TARA JAHPRANG 23:15

Madu kaw na nang kaw hprawng pru ai mayam hpe madu a lata de bai ap ya lu na n rai:

HEBRE 11:16

Ya chyawm gaw, dai hta grau ai, sumsing lamu na buga ngu ai hpe, shanhte marit nga ma ai: dai re ai majaw Karai Kasang gaw, shanhte a Karai Kasang ngu na hpe, kaya wu ai n rai; kaning rai nme law, shanhte a matu mara shanu nga na mare, shi lajang da nu ai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai:

SHINGRAN 21:7

Dang lu ai wa gaw ndai hte a Sali wunli hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.