JAW JAU 24:9 - Jinghpaw Hanson Version Bible

⁹ Shing rai dai muk gaw Arun hte shi a shadang sha ni la lu na rai nna, chyoi pra ai shara e sha na rai mu ai: kaning rai nme law, Yehowa hpe wan hte nawng ai kumhpa amyu ni hta na, dai gaw htani htana matsun maroi hte maren Arun a matu chyoi pra htum ai rai nga ai, ngu wu ai.

Jinghpaw Common Language Bible 2009

⁹ Dai gaw hkinjawng ni a matu dai Madu hpe nawng ya ai chyoi pra htum ai lusha rai nga ai majaw Arun hte shi a lakung lama ni la lu nna chyoi pra ai shara hta sha lu na rai ma ai.

JAW JAU 24:9 ပူးပေါင်းရင်းမြစ်များ

PRU MAT 27:21

Dai shawa sum kata, sakse a man e grang ai nba shinggang a shinggan maga e, Arun hte shi a shadang sha ni, shana de nna jahpawt du hkra Yehowa a man e dai hpe hpajang lu na rai mu ai: dai gaw Israela kashu kasha ni hta prat mi hte prat mi anga nga na matsun hkringhtawng rai na rai nga ai.”

JAW JAU 10:12

Bai Mawshe gaw Arun hte shi hta ngam ai kasha Eleaza yan Ihtama hte hpe, Yehowa e nawng ya ai wan nat kumhpa ni hta na naw ngam ai shadung kumhpa hpe sa la nna, matsi hte n re ai sha dai tawn hkungri makau e sha mu:

JAW JAU 10:17

“Htingrai hkungga shan ngu ai gaw, chyoi pra htum ai re ai mi, nan gaw shawa hpung a mara gun ya nna Yehowa a man e shanhte a matu htingrai htingrat ya na she, hkungga shan dai nanhte hpe jaw myit dai rai yang, hpa rai chyoi pra ai shara e n sha myit ta?

JAW JAU 21:22

Chyoi pra ai hte chyoi pra htum ai hte seng ai, shi a Karai Kasang a muk gaw shi sha lu na rai wu ai:

JAW JAU 24:10

Ya, Egutu la hte Israela num hta na prat ai kasha gaw, Israela kashu kasha ni a dap hta shang nna, Israela masha langai mi hte ga law wu ai:

JAW JAU 3:17

Nanhte gaw sau man rai timung, asai rai timung, n sha lu na rai myit dai; dai gaw nanhte a nga shara shagu hta, shu mashi shu masha prat dingsa na htani htana ga matsun rai malit dai, ngu wu ai.

JAW JAU 6:11

Bai hpun palawng galai kau nna wan wu dai hpe dap shinggan na san ai shara e sa sa kau na rai wu ai.

JAW JAU 6:16

Ngam ai hte gaw Arun hte shi a shadang sha ni sha na rai mu ai: dai hpe shawa sum kata na chyoi pra ai shara e, matsi n bang ai, sha na rai mu ai; shawa sum a wang kata e shanhte dai hpe sha na rai mu ai.

JAW JAU 6:9

Wan hte hkungga nat nawng na tara a lam, Arun hte shi a shadang sha ni hpe ning ngu tsun u: Wan nat hkungga shan hpe tawn hkungri na wan mang hta shana de nna jahpawt du hkra nat da na rai mu ai: dai tawn hkungri na wan hpe tutnawng shagrung da lu na rai mu ai.

JAW JAU 8:3

shawa sum a chyinghka makau e shawa masha ni nlang hte hpe jahpawng tawn mu, ngu wu ai.

JAW JAU 8:31

Bai Mawshe gaw Arun hte shi a shadang sha ni hpe, Shawa sum a chyinghka makau e dai sagu shan shadu mu: Arun hte shi a shadang sha ni dai sha na rai mu ai, ngu nna Yehowa ngai hpe hkang da sai hte maren, ashan hpe mung, aya dang ai hte seng ai muk ka hta na muk ni hpe mung, dai yang e sha mu.

MALAHKI 1:12

Nanhte mahtang, Yehowa a sha ku awu asin rai nga nna, mara da ai lusha kumhpa gaw, hpa lam n la ai, nga nna tsun myit dai majaw, dai amying hpe awu asin di kau manu ai.

MAHTE 12:4

shi mung, shi hte rau nga ai ni mung, n mai sha ai, hkinjawng ni chyu sha mai sha ai madun da ai muk ni hpe la sha nu ai lam hpe pyi, nanhte n hti yu myit ni?

MARKU 2:26

hkinjawng agyi Abiahta a lakhtak e, Karai Kasang a nta de shang nna, hkinjawng ni sha n rai yang gaw, kadai mung n mai sha ai madun da ai muk hpe sha nna, shi hte rau nga ai ni hpe mung, jaw mu ai amu a lam, nanhte kalang mi muk n hti yu myit ni?” ngu nna shanhte hpe tsun mu ai.

LUKA 6:4

Karai Kasang a nta de shang nna, hkinjawng ni hta kaga, kadai n mai sha ai madun da ai muk ni hpe la sha nna, shi kaw hkan nang ai ni hpe mung jaw sha wu ai lam hpe pyi, nanhte n hti yu myit ni?” ngu nna htan mu ai.

1 SAMUELA 21:6

Hkinjawng wa mung, muk chyalum galai ang nna, Yehowa man na dawm kau ai, madun dan ai muk hta kaga, hpa mung n nga ai majaw, dai chyoi pra ai muk shi hpe jaw dat wu ai.