JAW JAU 2:9 - Jinghpaw Hanson Version Bible

⁹ Bai, hkinjawng wa gaw dai shadung kumhpa hta na dum ya na kumhtaw magra la nhtawm, Yehowa a matu wan hte nat nawng ai manam pyaw sangau di nna, tawn hkungri hta nat na rai wu ai.

Jinghpaw Common Language Bible 2009

⁹ Hkinjawng wa gaw dai hta na daw chyen mi magra la nhtawm dai Madu hpe dai ni yawng nawng jau sai masat kumla zawn tawn hkungri ntsa e shi nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 2:9 ပူးပေါင်းရင်းမြစ်များ

PRU MAT 29:18

sagu la a shan yawng hpe tawn hkungri hta nat na rai wu ai: dai gaw Yehowa a matu wan nat hkungga rai na rai nga ai; Yehowa hpe wan hte nat nawng ai manam pyaw hkungga rai nga ai.

ESAIA 53:10

Yehowa chyawm gaw shi hpe ahpye a lam di na ra nna, machyi shangun wu ai; nang gaw, shi a myit masin hpe gawng malai hkungga shatai ngut jang she, shi gaw shi a aru arat hpe mu lu na ra ai; shi a nhtoi ni galu wa nna, Yehowa ra ai hku shi a lata hta awng wa na ra ai:

JAW JAU 1:9

pu sin ni hte lagaw ni hpe mung shawng kashin kau nhtawm, Yehowa a matu manam pyaw sangau shatai na wan hte nawng ai wan nat hkungga di nna, dai hkum ting hpe tawn hkungri ntsa e hkinjawng wa nat nawng na rai wu ai.

JAW JAU 2:16

Shing rai hkinjawng wa gaw dai rip la ai n-gu nkau mi, namman nkau mi hte lawban mahkra hpe dum ya na kumhtaw di nna nat nawng na rai wu ai: dai gaw Yehowa hpe wan hte nat nawng ai kumhpa rai nga ai.

JAW JAU 2:2

Dai hpe Arun a shadang sha hkinjawng ni hpang de shi la sa nna, mani ai shadung, namman hte lawban hta na latup mi magra la nhtawm, wan hte nat nawng ai hkungga, Yehowa a matu manam pyaw ai sangau tai na, shi a matu dum ya na, hkinjawng wa gaw dai hpe tawn hkungri ntsa e nat na rai wu ai.

JAW JAU 2:8

Shing re ai shadung kumhpa amyu hpe Yehowa hpang de nang la sa nhtawm, hkinjawng wa a lata de ap ya nna, shi gaw dai hpe tawn hkungri de la sa na rai wu ai.

JAW JAU 24:7

Yehowa hpe wan hte nawng ai kumhpa ngu ai, dum ya nga na matu shatai na, dai muk kawng lahkawng a ntsa e jet ai lawban mung mara da na rai mu ai.

JAW JAU 4:31

Mahku hkungga a sau la ai zawn, de a sau yawng shi la nna, Yehowa manam pyaw na matu hkinjawng wa gaw tawn hkungri hta dai hpe nat na rai wu ai: shing rai hkinjawng wa gaw shi a matu htingrai htingrat ya na rai nna, shi gaw yubak raw dat kau ya ai hkrum na ra ai.

JAW JAU 5:12

Dai hpe hkinjawng wa hpang de shi la sa na rai nna, hkinjawng wa gaw dai hta na dum ya na kumhtaw latup mi magra la nhtawm, Yehowa a matu wan hte nawng ai kumhpa hte hpawn, tawn hkungri na wan hta nat nawng na rai wu ai: dai gaw htingrai htingrat hkungga rai nga ai.

JAW JAU 6:15

Hkinjawng wa gaw dai shadung kumhpa hta na mani ai shadung latup mi, sau nkau mi hte, dai kumhpa a lawban yawng hpe karan la nna, Yehowa a manam pyaw ai sangau hte dum ya na matu di nna, tawn hkungri hta nat na rai wu ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

BU HKAWM 5:26

dum ya na matu dai kamang shadung hta na hkinjawng wa latup mi la nna tawn hkungri hta nat na rai wu ai; dai hpang numsha hpe ntsin dai lu shangun na rai wu ai:

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

EHPESU 5:2

Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

HPILIPI 2:17

Dai hta n-ga nanhte a makam masham a hkungga hte daw jau ai a ntsa e, ngai hpe dumhpung zawn ru jaw ma timung, ngai kabu nga nna, nanhte mahkra hte rau a kabu nga nngai.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.